| e-texts navigator |
| Wylie |
186b1 སྟེང་གིས་དྲང་། །མ་ལུས་བདེ་ཆེན་ཁྱབ་པར་གནས། །མི་རྟོག་གསལ་བ་མཐར་ཕྱིན་པ། །སེང་ཕྲུག་ཟླ་བ་རྫོགས་པ་ལྟར། །ཐབས་དང་ཏིང་འཛིན་སྦྱོར་བ་ཡིས། །བདེ་བའི་ཡེ་ཤེས་ཆེན་པོ་ལ། །མ་ལུས་ཡོན་ཏན་རྫོགས་པར་གནས། །ཆགས་ཅན་བརྟུལ་ཞུགས་བྲལ་བ
186b2 ཡི། །ལུས་དང་དྲན་རྟོགས་བག་ཆགས་བཅས། །རིགས་དང་རིགས་མིན་གང་ཡང་རུང་། །སྒོ་གསུམ་མ་ལུས་བཅས་པ་དག་།སྟེང་སྒོའི་གདུལ་བྱ་དེས་འདུལ་ཡིན། །དང་པོར་གསང་བའི་རིམ་ཐོབ་པས། །རླུང་དང་ཐིག་ལེའི་ལས་གོམས་ནས། །བདེ་ཆེན་བྱང་ཆུབ
186b3 སེམས་ཀྱི་རོ། །སེམས་ལྔའི་ཚུལ་གྱིས་གང་སྣང་བ། །གཡོ་ཐོབ་བརྟན་པའི་ཉམས་ཉིད་ཀྱིས། །ལུས་དང་ཕྱི་ནང་དྲན་རྟོགས་བཅས། །ནམ་མཁའི་གཟུགས་ཅན་ཉིད་དུ་སྐྱེ། །ལུས་དང་སྣང་བར་བཅས་པ་ཡི། །ནམ་མཁའི་མཐའ་ལྟར་མི་ཕྱེད་པ། །བདེ་ཆེན་ཐིག་ལེ་ཨ་དང
186b4 གནས། །ཐིག་ལེ་སྟོང་པའི་རི་མོ་ཅན། །གསལ་བར་ཤེས་པ་རྒྱུ་བས་མངོན། །འོག་ནས་བསྐུལ་ཞིང་སྟེང་ནས་མནན། །དངས་སྙིགས་བསྲེ་བའི་ཐབས་ལ་འཇུག་།བདེ་བའི་རླུང་ཅན་ཡཾ་གི་སྒོ། །བསྐྱོད་པའི་སྦྱོར་བས་གྱེན་དུ་ཕུལ། །རྒྱུ་བ་རླུང་གི་སྙིང་པོ་ཅན། །དཔའ
186b5 བོ་ལམ་ནས་ཐུར་དུ་འཐེན། །རིག་པའི་ཡེ་ཤེས་གནས་པའི་རླུང་། །སྟོང་ཉིད་ནམ་མཁའི་དབྱིངས་སུ་ཐིམ། །ཕྱི་ནང་རྒྱུ་བ་ཆད་པ་དང་། །རིག་པ་ཐིག་ལེའི་ངང་ལ་གནས། །བདེ་བའི་རྟགས་ནི་འབྱུང་འགྱུར་ཏེ། །འདར་དང་རྡུལ་དང་བ་སྤུ་ལྡང་། །སྒྲ་དང་ལུས་བདེ
186b6 རྒྱུག་པ་དང་། །དགོད་དང་བརྒྱལ་སོགས་གང་བྱུང་བ། །བརྟན་དང་སྦྱང་བའི་ཆོ་ག་བྱ། །མི་མཐུན་ལོག་པའི་ཆོས་བརྟགས་ན། །ཐབས་ཀྱི་རིམ་པའི་ཆོ་ག་ཡིས། །གདོན་དང་སྤོས་དང་གནོན་པ་དག་།ཇི་ལྟར་རིགས་པར་བརྟགས་པར་བྱ། །རང་ལུས་ཐིག་ལེའི་ཉམས་མྱོང
186b7 ལ། །བར་ཆད་མེད་པར་གསལ་འཇུག་པ། །ཐ་མལ་ཞེན་པ་བསྒྱུར་བ་དང་། །བདེ་བའི་དབང་ཕྱུག་སྨིན་པ་དང་། །དྲན་རྟོགས་རྒྱུད་སོགས་ཞི་བ་དང་། །བདེ་ཆེན་རྒྱས་པས་ཁྱབ་པ་དང་། །རླུང་དང་བདེ་བའི་རྣལ་འབྱོར་གྱིས། །ཐམས་ཅད་དབང་དུ་སྡུད་པ་དང་། །
iiif viewer powered by OpenSeadragon
