| e-texts navigator |
| Wylie |
183b1 གོང་བུ་ལ། །རང་རང་ཆོ་གའི་ཐབས་ལྡན་ན། །བདེ་ཆེན་གར་ཐབས་སྣ་ཚོགས་པ། །རྣམ་པར་འཕྲུལ་པའི་རོ་ཡིས་བྱེད། །བདེ་ཆེན་ལོངས་སྤྱོད་ཆོས་ཀྱི་གནས། །སྤྲུལ་པའི་ཐིག་ལེ་བདེ་བའི་རོ། །མ་ལུས་མཁའ་ལྔའི་རང་བཞིན་གྱིས། །རང་ལུས་མ་བཅོས་གནས་ཉིད་བདེ། །
183b2 བརྟུལ་ཞུགས་ཐིག་ལེ་གསུམ་ཐོབ་ནས། །སྒྲོལ་མ་དང་ནི་ཐིག་ལེ་དང་། །གནས་དང་ཐབས་དང་ཏིང་འཛིན་གྱིས། །བྱེ་བྲག་བརྒྱད་ཅུ་ཀུན་འདུས་པའི། །ཐབས་ཀྱིས་མཚོན་པ་ལས་བྱུང་བས། །དངོས་གྲུབ་ཆོ་ག་སྣ་ཚོགས་འགྲུབ། །རང་རྟེན་ཐིག་ལེར་བཅས་པ་ཡིས། །དངས་མའི
183b3 རང་བཞིན་ཁྱབ་གནས་པ། །བསྐུལ་བ་ཐབས་ཀྱི་སྦྱོར་བ་ཡིས། །མ་ལུས་བསྐྱོད་ཅིང་འགུགས་པར་བྱེད། །དངས་སྙིགས་རྒྱུ་དང་མི་རྒྱུ་བའི། །རླུང་གི་ཐིག་ལེས་དབང་སྒྱུར་ནས། །འཕྲོ་ཞིང་འཛག་པའི་ཐིག་ལེ་ཉིད། །རླུང་གིས་འཆིང་བ་ཉིད་ཡིན་ཏེ། །ཐིག་ལེ་སྙིགས་མར
183b4 ཉམས་གྱུར་པ། །ཐབས་དང་རླུང་བཅུད་སྟོབས་ལྡན་པས། །པདྨ་ལ་ནི་ཆུ་བཞིན་ནོ། །རང་འབྱུང་ཐིག་ལེའི་རང་བཞིན་ལས། །རྟེན་དང་ཟག་པ་སྙིགས་མ་དང་། །འཁོར་བའི་རྩ་དང་ས་བོན་དང་། །ལོག་རྟོག་ཐིག་ལེ་ཞེན་བཅས་པ། །རང་བྱུང་ནམ་མཁའི་ཐིག་ལེས་འཇིག་།
183b5 རང་ལུས་བདེ་ཆེན་སྙིང་པོ་ལ། །ནམ་མཁའ་སྤྲིན་ལྟར་མི་ཕྱེད་ཅིང་། །དངས་སྙིགས་བདེ་བའི་རང་བཞིན་ཉིད། །ཐིག་ལེ་ཆུ་དང་འོ་མ་དང་། །གནས་པ་རླུང་དང་རྟེན་སྟོབས་ཀྱིས། །དངས་སྙིགས་ཕྱེ་ལ་དངས་མ་བསྟིམ། །རང་སྙིང་ལུས་ལ་འོད་སྣང་བའི། །ཕྱི་ནང་དངོས་རྟོག
183b6 མ་ལུས་པ། །རླུང་སོགས་འཁོར་ལོའི་འཕེན་སྟོབས་ཀྱིས། །དེར་མི་གནས་པར་གོམས་པར་བྱ། །གང་དུ་ས་བོན་སྙིགས་བཅས་པ། །ནམ་མཁའི་ཡེ་ཤེས་ལྔ་འབར་བས། །གང་དུ་རྒྱུ་བར་བཅས་པའི་ཡིད། །དེ་མ་ཐག་པར་རྣམ་པར་བརླག་།རླུང་དང་རྩ་དང་ཐིག
183b7 ལེར་བཅས། །ཐབས་ཀྱིས་བསྐུལ་བའི་རོ་ལྡན་པས། །མ་ལུས་ཐིག་ལེའི་རང་བཞིན་པས། །མི་མཐུན་ཞེན་པས་རྣམ་གྲོལ་བས། །རང་སེམས་རྟེན་བཅས་ཐིག་ལེ་ནི། །དངས་མའི་ཡེ་ཤེས་བློ་ལྡན་པ། །ཀུན་ཁྱབ་བདེ་འབྱུང་སྙིང་པོ་ཅན། །གསང་བའི་རིག
iiif viewer powered by OpenSeadragon
