| e-texts navigator |
| Wylie |
182b1 ཡི་ཞབས་ཀྱིས་གནོན། །རྟ་མགྲིན་གད་མོ་དྲག་པོས་བསྡིགས། །ཁྱུང་གཤོག་ཕྱག་རྒྱ་ཟིལ་གྱིས་གནོན། །བདག་དང་ཁྱི་ཡི་སྒྲོམས་ནས་གདོན། །བདག་ཉིད་ཐེམ་པའི་འོག་ཏུ་གནོན། །ཡང་ན་བདག་གི་འོག་ཏུ་གནོན། །རྡོ་རྗེ་རྒྱ་གྲམ་ཕྱག་རྒྱ་ཡིས། །སྟེང་ནས
182b2 གནོན་ཅིང་བདེན་པ་བདར། །བདག་ཉིད་དེ་ཡི་རྒྱལ་པོར་འགྱུར། །དབུལ་པོ་གཏེར་དང་ཕྲད་འདོད་ན། །བདག་ཉིད་ལས་ལ་གོམས་པ་ཡིས། །རིགས་ལྔ་ལྷག་པའི་ལྷ་གསལ་ནས། །སོ་སོའི་ཕྱག་མཚན་ཡུངས་འབྲུ་ཙམ། །དབང་པོར་མཐོང་གི་བར་དུ་ནི། །བསམ
182b3 ཞིང་སྔགས་བཟླས་བདེན་པ་བདར། །མཚན་མ་བརྟན་པོ་གསལ་བ་ན། །གང་ན་ཡོད་པའི་ཕྱོགས་དེར་དོང་། །བདེན་པ་ཏིང་འཛིན་སྔགས་བཅས་མཐུས། །འདུག་གམ་སྨྲ་འམ་མཐོང་བའམ། །ཕྲ་མོ་དེར་ནི་ལྟུང་བར་འགྱུར། །དེ་ནས་གཏེར་དང་ཕྲད་གྱུར་ནས། །
182b4 དབུལ་བ་ཀུན་ལས་ཐར་བར་འགྱུར། །དེ་ནས་རྡོ་རྗེ་རྣལ་འབྱོར་པས། །མངོན་ཤེས་མིག་དང་ལྡན་འདོད་ན། །བདག་ཉིད་ལྷ་ཡི་རྣལ་འབྱོར་པ། །རབ་ཏུ་དབེན་པའི་ས་ཕྱོགས་སུ། །མིག་སྣ་ལྔ་དང་བདུན་པའི་ཞག་།དེ་ཡི་ཞུན་མར་དུད་པར་བཅས། །འཕྲུལ་གྱི
182b5 འོ་མ་དག་གིས་སྦྱར། །རྡོ་རྗེ་པྲ་ཡིས་ཞག་བདུན་བསྒྲུབ། །ཉམས་དང་དྲོད་རྟགས་ཐོབ་པ་ན། །མིག་ལ་ལེགས་པར་སྔགས་ཀྱིས་བྱུག་།སྐད་ཅིག་སྟོང་གསུམ་བཅས་པ་ཡི། །ཕྱོགས་བཅུ་མངོན་པར་ཤེས་པས་མཐོང་། །གང་ཟག་རྒྱུད་ནི་བརྟག་པ་དང་། །སྡུག་བསྔལ
182b6 དྲག་པོས་ཞེན་བཟློག་ཅིང་། །སོ་སོ་དག་པའི་ཞིང་ཁམས་ཀྱིས། །ཡིད་བདེ་གྲུབ་པར་བྱ་བའི་ཕྱིར། །མངོན་ཤེས་མཚན་མས་ལེགས་པར་བསྒྲུབ། །རྐང་མགྱོགས་ཐོབ་པར་འདོད་པ་ཡིས། །བདག་ཉིད་ལྷག་པའི་ལྷར་བསྒོམས་ནས། །བརྟན་ཞིང་བར་ཆད
182b7 མེད་ཐོབ་ནས། །ཟླ་བའི་དཀྱིལ་འཁོར་ལ་འདུག་སྟེ། །ཡ~ཾ་ལས་རླུང་གི་དཀྱིལ་འཁོར་ཏེ། །སྐད་ཅིག་དཔག་ཚད་བརྒྱར་འགྲོ་བ། །དེ་ལ་གནས་བསམ་མ་ཡེངས་པས། །རླུང་གིས་ཁྱབ་པ་ཇི་ལྟ་བར། །དཔག་ཚད་བརྒྱ་ཕྲག་དུ་མ་ཡང་། །སྐད་ཅིག་ཙམ
iiif viewer powered by OpenSeadragon
