| e-texts navigator |
| Wylie |
181a1 ཆེན་མཚན་ལྡན་ལ། །ཁྲུས་དང་བྱུག་བདུག་ཀུན་བྱས་ནས། །ཕོ་མོ་ལ་སོགས་ཡིན་པ་ཡི། །ལས་དེ་ངེས་པར་འགྲུབ་པར་འགྱུར། །དེ་དག་མཎྜལ་གཙང་མ་ཡི། །དབུས་སུ་ལེགས་པར་བཞག་ནས་ནི། །བདག་ཉིད་ཁྲོ་བོ་གང་ཡང་རུང་། །གསལ་བས་ཚངས་པ་བརྒྱ
181a2 བྱིན་རུང་། །རང་སྔགས་སྲོག་སྙིང་ཛ་ཡིས་དགུག་།ཕྱག་རྒྱ་བཞི་ཡིས་དབབ་པར་བྱ། །གལ་ཏེ་འདར་དང་རྒོད་པ་དང་། །ངུ་དང་འཇིགས་པའི་སྒྲ་བྱུང་ན། །དམ་ཚིག་ཕྱག་རྒྱ་བསྟན་པར་བྱ། །དམ་ཆུ་བྱིན་ལ་མནས་བསྒགས་ཏེ། །གང་འདོད་ལས་ལ་མངག་པར་བྱ། །གལ་ཏེ
181a3 འཇིག་རྟེན་ཐེ་ཚོམ་ཟོས། །དེ་ཡིས་ཟོས་དང་བརྒྱལ་བ་དང་། །འཕྲལ་དུ་བདག་ཉིད་འཆི་བར་འགྱུར། །གང་ཞིག་ཏིང་འཛིན་བརྟན་པ་ཡིས། །བར་ཆད་མེད་པར་བསྒྲུབ་པའི་ཚེ། །མདངས་ལྡན་ཡིད་འོང་དང་པོ་སྟེ། །དྲི་ཞིམ་འོད་ཆགས་གཉིས་པ་ཡིན། །དགའ་བའི་སྒྲ་སྒྲོགས
181a4 གསུམ་པ་ཡིན། །བཀྲག་དང་གཟི་མདངས་ཉམས་སོད་ཡིན། །ཞིང་ཆེན་ཁ་ནས་ཧྲི་བྱུང་ན། །ཏིང་འཛིན་རྡོ་རྗེ་སོ་ཡིས་བཅད། །རོ་ལངས་བརྡབས་ན་གསེར་དུ་འགྱུར། །ལྕེ་ཡི་རལ་གྲིས་དེ་བཅད་ན། །ཅིས་ཀྱང་མི་ཚུགས་གོ་མཚོན་ཏེ། །ལྷ་མིན་གཡུལ་ཡང་ཕམ་བྱེད་ན། །
181a5 དཔའ་བོ་སྟོབས་ལྡན་སྨོས་ཅི་དགོས། །དེ་ཡི་དབང་པོ་ལྔ་དག་ལ། །མངོན་ཤེས་ལྔ་ཡི་དངོས་གྲུབ་ཡོད། །རང་གི་རྟོག་པ་ཇི་བཞིན་དུ། །མཁས་པས་བསྒྲུབས་ན་འགྲུབ་པར་འགྱུར། །གལ་ཏེ་བཅུ་བདུན་བརྒྱད་མའི། །ཞིང་མཛེས་བཀྲུ་ཞིང་བྱུགས་བྱས་ཏེ། །རྒྱན
181a6 དང་གོས་ཀྱིས་ལེགས་པར་གདགས། །དྲི་ཞིམ་དབང་པོ་དག་པ་ལ། །བདག་ཉིད་དབང་དྲག་རྣལ་འབྱོར་གྱིས། །ཡེ་ཤེས་འཇིག་རྟེན་གང་རུང་བའི། །ལྷ་མོ་ཡིད་འོང་འོད་འབར་མ། །སྔགས་དང་ཕྱག་རྒྱས་བཀུག་བཅིངས་ནས། །རྟགས་བྱུང་བར་དུ་བསྟིམ་པར་བྱ། །དྲི
181a7 དང་སྒྲ་དང་འོད་དག་དང་། །འདར་དང་འགུལ་དང་དགོད་པ་དག་།དང་པོའི་རྟགས་ནི་ཡིན་པར་བཤད། །ལྷ་དང་གཏམ་དང་གཉིས་པ་སྟེ། །དངོས་སུ་ལངས་པ་ཚད་ཡིན་པས། །དམ་བདར་མནས་བསྒགས་དབང་དུ་བསྡུ། །གལ་ཏེ་སྦྱར་དུ་སད་པ་ན། །ཆོ་འཕྲུལ་ཆེ
iiif viewer powered by OpenSeadragon
