| e-texts navigator |
| Wylie |
180b1 གདོན་མི་ཟ། །བདག་ཉིད་དབང་དྲག་གསལ་བ་ཡི། །ལྕེ་ལ་དབང་གི་འཁོར་ལོ་བསམ། །ཡི་གེ་གསུམ་ལྡན་དགུ་བཀོད་ནས། །འོད་ཀྱིས་ནམ་མཁའི་ཁམས་བཀང་ཞིང་། །པདྨ་རཱ་ག་ཞུ་འདྲ་བས། །གང་ཐིམ་བདག་གི་དབང་གྱུར་ཞིང་། །བདེན་པ་བདར་ཞིང་ངག་གིས་བཅིང་། །
180b2 ཡང་ན་གང་ལ་གང་ཆགས་པའི། །རྫས་ལ་རིང་དུ་འདོད་པ་ལྟར། །འདོད་པ་གྲུབ་ན་དམ་བཅས་ཤིང་། །ཡིད་འོང་འདུལ་བའི་ཏིང་འཛིན་གྱིས། །དགའ་བའི་ཐབས་ཀྱིས་བསྟེན་བྱས་ན། །གལ་ཏེ་འགྲོ་ཞིང་འཕྲོ་འདོད་ན། །དབང་དྲག་ཕྱག་རྒྱས་བསྡིགས་བཅིང་གཟིར། །
180b3 དགའ་བའི་ཐབས་ཀྱིས་ཡིད་འཕྲོག་ནས། །རོལ་མོ་སྒྱུ་མཁན་དག་དེ་ཡིས། །འདུས་པའི་གང་ཟག་ཆགས་པ་ཅན། །བྱ་བ་ཐབས་ཀྱིས་བྲལ་བ་ལྟར། །བྲལ་བ་མེད་པར་གནས་པར་འགྱུར། །ཏིང་འཛིན་བརྟན་པའི་ནུས་པ་ཡིས། །གང་ཡང་རུང་བའི་སེམས་ཅན་དེ། །སྣ
180b4 ཚོགས་ཁྲོ་བོ་ཁྲོ་མོ་ཡིས། །འོད་དང་ཕྱག་རྒྱ་འབར་བ་ཡིས། །བཅིངས་ནས་མདུན་དུ་གནས་པར་བལྟ། །དགའ་དང་བསྡིགས་པ་རྫས་ཀྱི་མཐའ། །ཏིང་འཛིན་བརྟན་པས་ངེས་པར་འགྲུབ། །མེད་ལས་དངོས་པོར་ངེས་གྲུབ་ཅིང་། །མི་མཐུན་བརྒྱད་སོགས་ངེས་འགྲུབ་ན། །
180b5 ཡོད་དང་སྣང་བའི་འགྲོ་བ་དག་།དབང་པོས་བསྒྱུར་བ་སྨོས་ཅི་དགོས། །གལ་ཏེ་གསོ་བའི་ལས་བྱས་ན། །ལས་ནི་གཉིས་ཏེ་བརྩམས་པས་འགྲུབ། །བདག་ཉིད་རྟག་པར་སྐྱེས་ནས་ནི། །དབང་བསྐུར་བྱིན་བརླབས་ཀུན་བསྟིམས་ནས། །མདུན་དུ་ཤེལ་གྱི་བུམ་པ་རུ། །ཐུགས
180b6 ལས་ཆུ་ཡི་ལྷ་མོ་བསྐྱེད། །ཕྱོགས་བཅུའི་རྒྱལ་བ་དེར་གྱུར་ནས། །བུམ་པར་ལྷ་མོ་འོད་དུ་ཞུ། །ནད་དང་སྡུག་བསྔལ་བྱང་བར་བསམ། །དམར་སེར་བ་ཡི་འོ་མ་དང་། །སྨན་དག་རིན་ཆེན་སྤོས་དང་འབྲུ། །བདུད་རྩི་སྙིང་པོ་ཆ་རྐྱེན་ལ། །མཱ་མ་ཀཱི་ཡི་སྔགས་ཀྱིས་གདབ། །ོཾ་མཱ
180b7 མ་ཀཱི་སརྦ་པ་བ་དུ་རུ་དུ་རུ་སྭཱ་ཧཱ། །ནད་དང་སྡུག་བསྔལ་ལྡན་པའི་ལུས། །བཀྲུས་པས་འཚོ་བར་ཐེ་ཚོམ་མེད། །བདག་ཉིད་བརྟུལ་ཞུགས་བདེ་ལྡན་པས། །སྔོན་དུ་བྱ་བ་སྔོན་སོང་བས། །དགོན་པ་བས་མཐའ་རབ་དབེན་པར། །མ་སྨས་མ་རུལ་ཚད་ལྡན་པའི། །དུར་ཁྲོད་ཞིང
iiif viewer powered by OpenSeadragon
