| e-texts navigator |
| Wylie |
180a1 ཐོབ་ན། །མི་ལྡོག་བརྟན་པའི་རྣལ་འབྱོར་ཐོབ། །མཐོང་ནས་བསྒོམ་ལམ་མ་ངེས་རིགས། །ཏིང་འཛིན་གང་བསྒོམ་བར་ཆད་མེད། །ཚེ་འདིས་དབང་སྒྱུར་འཇིགས་བྲལ་ཏེ། །དེ་ནས་སྐུ་ལྔའི་བདག་ཉིད་ཐོབ། །མཆོག་ལྡན་མཆོག་གིས་མཆོག་ཐོབ་པས། །མཆོག
180a2 གི་དངོས་གྲུབ་ཐུན་མོང་མིན། །དད་དང་དམ་ཚིག་ཤེས་རབ་དང་། །བརྩོན་འགྲུས་བརྟུལ་ཞུགས་བཟོད་པ་ཐོབ། །བརྟེན་ཅིང་སྙིང་བརྩེ་དབང་རྫོགས་ཤིང་། །བསྒྲུབ་དང་ལམ་གྱི་སྦྱོར་བ་ཤེས། །ཡིད་ཐུབ་མི་ལྡོག་བརྟན་པ་ཅན། །ཉམས་ཐོབ་དང་དུ་ལེན་པ་ནི། །གཅིག་དང་ལྔ་གསུམ
180a3 གང་ཟག་གིས། །རི་བོ་རི་སུལ་གསང་བར་དང་། །ཆུ་གླིང་ངམ་གྲོག་བྲག་རྫོང་དང་། །དུར་ཁྲོད་རི་ཕུག་ཆུ་མདོ་དང་། །ཡིད་འོང་བཀྲ་ཤིས་ཉམས་དགའ་བར། །ཆོ་ག་བྱིན་བརླབས་རྫོགས་པ་ཉིད། །ལས་ཀྱི་ཆོ་ག་གང་ཡིན་པ། །བདག་གམ་གཞན་གྱིས་བྱས་པ་ནི། །བདག་དབང
180a4 བཀྲ་ཤིས་ཕུན་སུམ་ཚོགས། །དམ་ཚིག་དབང་དང་ལྟ་བ་དག་།སྔོན་དུ་བྱ་བ་རྫོགས་པ་ཡིས། །སྔོན་དུ་རྣལ་འབྱོར་གསུམ་ཐོབ་བམ། །དང་པོ་ཡིད་བརྟན་གང་ཡིན་ཀྱང་། །གང་ལ་ཡིད་ཀྱིས་དམིགས་པ་དེ། །ཆོ་ག་ཏིང་འཛིན་འབྲེལ་པ་ཉིད། །རང་རང་རྟོག་པ་ཇི་བཞིན་དུ། །
180a5 ཐ་མལ་པ་དང་ལེ་ལོ་དང་། །ཐེ་ཚོམ་དད་པའི་སྟོབས་ཀྱིས་ཏེ། །གལ་ཏེ་དེ་དག་མི་ལྡན་ན། །ས་ཐོབ་ཀྱིས་ཀྱང་མ་ཡིན་ན། །གང་ཟག་སྐྱེ་བོས་སྨོས་ཅི་དགོས། །གལ་ཏེ་དགུག་པའི་ལས་བྱ་ན། །བདག་ཉིད་དབང་དྲག་ཁྲོ་བོ་སྟེ། །དམར་ཐག་དུད་ཀའི་མདོག་འདྲ་བའི། །
180a6 གོང་ལྟར་གནས་པའི་འཕྲོ་འདུ་ནི། །ཞགས་པ་ལྕགས་ཀྱུ་ཤ་སྟག་སྟེ། །དམིགས་པ་བརྟན་ཅིང་རྟགས་ཐོབ་ནས། །མངོན་དུ་གྱུར་གྱི་བར་དུ་ནི། །རང་སྔགས་བརྗོད་པ་དེ་ཡི་མཐར། །ཆེ་གེ་མོ་ཞིག་ཛཿཧཱུ~ཾ་ཞེས། །དགྲ་དང་བགེགས་དང་ལྷ་དང་གཟུངས། །མཐུ་དང་རྫུ
180a7 འཕྲུལ་ལྡན་ཡང་རུང་། །ཐ་མལ་དབང་མེད་བཞིན་དུ་དགུག་།གལ་ཏེ་དེ་ཡི་དགོས་པ་དག་།མྱུར་དུ་གྲུབ་པར་མ་གྱུར་ན། །དེ་དག་ལེགས་པར་གྲུབ་ཀྱི་བར། །གང་ཡིན་མཁས་པས་བཅིང་བར་བྱ། །ངག་དང་ཐབས་དང་ཏིང་འཛིན་གྱིས། །འགྲུབ་པར་འགྱུར་བར
iiif viewer powered by OpenSeadragon
