| e-texts navigator |
| Wylie |
178a1 གསུང་མཆོག་མཐའ་ཡས་དམ་ཚིག་དང་། །ཐམས་ཅད་སྐད་མཇལ་དམ་ཚིག་དང་། །ཡི་གེ་མེད་མཇལ་དམ་ཚིག་དང་། །སྟོང་གསུམ་ཀུན་གྲགས་དམ་ཚིག་དང་། །ཡེ་ཤེས་གསུང་མཆོག་དམ་ཚིག་དང་། །བསམ་ཡས་རྡོ་རྗེ་གསུང་དམ་ཚིག་།མི
178a2 འགྱུར་རྡོ་རྗེའི་དམ་ཚིག་སྟེ། །བདག་གིས་ཤེས་བྱའི་དམ་ཚིག་ཡིན། །ཤེས་བྱ་ཏིང་འཛིན་དམ་ཚིག་བཞི། །ནམ་མཁའ་སྣང་བྱེད་དམ་ཚིག་དང་། །རྟེན་བྱེད་ས་ཡི་དམ་ཚིག་དང་། །སྲེག་བྱེད་མེ་ཡི་དམ་ཚིག་དང་། །འཁྲུག་བྱེད་ཆུ་ཡི་དམ་ཚིག་དང་། །གཡེངས་བྱེད་ཆེན
178a3 པོའི་དམ་ཚིག་སྟེ། །ཤེས་རབ་ལྔ་ཡི་དམ་ཚིག་དང་། །ཕུང་པོ་ལྔ་ཡི་དམ་ཚིག་ནི། །ཐབས་མཆོག་ལྔ་ཡི་དམ་ཚིག་ཡིན། །ཆོས་རྣམས་གཟུགས་བརྙན་དམ་ཚིག་དང་། །སྒྲ་ལྟར་ཤེས་པའི་དམ་ཚིག་དང་། །དྲི་ལྟར་ཤེས་པའི་དམ་ཚིག་དང་། །རོ་ལྟར་ཤེས་པའི་དམ་ཚིག་དང་། །
178a4 རེག་ལྟར་ཤེས་པའི་དམ་ཚིག་ནི། །གཉིས་སུ་མེད་པའི་དམ་ཚིག་ཡིན། །ཁ་དོག་ལྔ་ཡི་དམ་ཚིག་དང་། །ཕྱོགས་ལྔ་ཡི་ནི་དམ་ཚིག་དང་། །དབང་ལྔ་ཡི་ནི་དམ་ཚིག་སྟེ། །གསུམ་པོ་སྤྱིར་ཁྱབ་དམ་ཚིག་ཡིན། །བདེ་བའི་ངང་ཉིད་དམ་ཚིག་དང་། །ལྷུན་གྲུབ་ཡེ་ཤེས་དམ
178a5 ཚིག་དང་། །མི་འཇིགས་རྒྱལ་མཆོག་དམ་ཚིག་དང་། །མཉམ་རྫོགས་ལྷུན་གྲུབ་དམ་ཚིག་དང་། །ཕྱོགས་དུས་དབྱེར་མེད་དམ་ཚིག་དང་། །ཉིད་ཀྱི་དཀྱིལ་འཁོར་དམ་ཚིག་དང་། །ཆོས་ལ་སྐྱོན་མེད་དམ་ཚིག་དང་། །བརྗོད་མེད་སྤྲོས་མེད་དམ་ཚིག་དང་། །ཕྱོགས་དུས
178a6 གཉིས་མེད་དམ་ཚིག་དང་། །གཉིས་མེད་བྱང་ཆུབ་སེམས་དམ་ཚིག་།འདུས་མ་བྱས་པའི་དམ་ཚིག་དང་། །ཐམས་ཅད་རྒྱས་འདེབས་དམ་ཚིག་དང་། །ཐམས་ཅད་མི་འགོག་དམ་ཚིག་སྟེ། །ངོ་བོ་ཏིང་འཛིན་དམ་ཚིག་ཡིན། །གྲུབ་པར་བྱ་བ་ལྔ་བསྟན་པ། །ཆོས་ཀྱི་འཁོར
178a7 ལོའི་དམ་ཚིག་དང་། །རིན་ཆེན་འབྱུང་བའི་དམ་ཚིག་དང་། །པདྨ་ཆགས་མེད་དམ་ཚིག་དང་། །དོན་རྣམས་གྲུབ་པའི་དམ་ཚིག་དང་། །འཇིགས་བྱེད་རྡོ་རྗེ་དམ་ཚིག་དང་། །དེ་བཞིན་སྐུ་ཉིད་དམ་ཚིག་དང་། །ཐམས་ཅད་འབྱོར་ལྡན་དམ་ཚིག་སྟེ། །སྐུ་ཡི་དམ་ཚིག་བདུན་དུ
iiif viewer powered by OpenSeadragon
