| e-texts navigator |
| Wylie |
176b1 རང་བཞིན་ངན་པའི་གང་ཟག་གིས། །བླུན་པོ་གང་ཞིག་འདའ་བྱེད་ཅིང་། །དངོས་གྲུབ་གཉིས་ལ་རྒྱབ་ཕྱོགས་ནས། །དམ་པ་རྣམས་ལ་དམོད་བྱེད་པ། །སངས་རྒྱས་ཀུན་ལ་ཉེས་བྱས་པས། །རྡོ་རྗེ་འཛིན་རྒྱལ་ཁྲོས་ནས་ནི། །བདུན་རྒྱུད་ཚུན་ཆད་བརླག་པར་མཛད། །མཁའ
176b2 འགྲོ་མ་དང་རིག་འཛིན་དང་། །ཁ་འབར་གཏུམ་འཁྲུག་རྔམ་པའི་ཚོགས། །དེ་མ་ཐག་ཏུ་སྲོག་བཅད་ནས། །དམྱལ་བའི་གནས་སུ་སྐྱེ་བར་འགྱུར། །གལ་ཏེ་འཇིག་པར་གྱུར་ན་ནི། །འཇིག་རྟེན་གཞན་དུ་སྐྱེ་འགྱུར་ཞིང་། །ཇི་སྲིད་ནམ་མཁའ་འཇིག་པའམ། །ཕྱི་ཡི་རྒྱ་མཚོ
176b3 ཟད་པའི་ཚེ། །ཐར་ཏེ་གཞན་དུ་ནམ་ཡང་མིན། །དམ་པའི་བླ་མ་སྤོང་བ་དང་། །རྡོ་རྗེ་མཆེད་ལ་འཁུ་བ་དང་། །བྱང་ཆུབ་སེམས་ཉིད་མི་དྲན་ཞིང་། །སྔགས་དང་ཕྱག་རྒྱ་ཡལ་བ་དང་། །སྣོད་མིན་གསང་བ་བཤད་པ་དང་། །གསང་བའི་དོན་ལ་སྐུར་བ་ནི། །འདིར་ཡང་སྡུག
176b4 བསྔལ་མྱོང་འགྱུར་ཞིང་། །སྐད་ཅིག་འགགས་པས་དེ་མ་ཐག་།བར་མའི་ལུས་དང་བྲལ་གྱུར་པའི། །རྡོ་རྗེ་དམྱལ་བར་སྐྱེ་བར་འགྱུར། །གང་དུ་རྩ་བ་ཡན་ལག་བཅས། །བསྲུང་དང་དབོག་པར་བྱ་བའི་ཆོས། །ཐུན་མོང་དབང་དང་འབྲེལ་བཅས་པའི། །ཐུན་མོང་སྤྱི་ཡི
176b5 ཡུལ་གྱུར་པ། །དེ་ནི་ཐུན་མོང་བསྲུང་བྱ་སྟེ། །འདི་ནི་ཕྱི་ཡི་དམ་ཚིག་གོ། །ཐབས་དང་ཤེས་རབ་སྦྱར་བའི་སེམས། །ཐིག་ལེའི་སེམས་ལྔའི་ལམ་གྱི་རིམ། །རིག་པ་མ་ལུས་གསལ་བའི་ཚེ། །ཐིག་ལེ་གཉིས་མེད་ཉམས་སུ་བྱུང་། །བདེ་བའི་ཐིག་ལེའི་བཅུད་བསྒྱུར་བས། །
176b6 ཚོགས་དྲུག་རང་སྣང་ཐིག་ལེའི་གྲོགས། །མ་ལུས་ཐིག་ལེས་བྱིན་བརླབས་པས། །ཐམས་ཅད་བདེ་ཆེན་ཕྱག་རྒྱར་གསལ། །ཐིག་ལེ་རིག་པ་ཁར་དབྱུང་མིན། །འཁོར་ལོ་ཁ་སྦྱོར་བདེ་བ་ཡིས། །ཐ་མལ་བདེ་བར་དབང་པོར་བསྒྱུར། །རྒྱལ་བའི་དགོངས་སྤྱོད་ཐབས་ཀྱིས
176b7 མྱོང་། །ཐ་མལ་ཞེན་པ་རྣམ་པར་བཟློག་།ཐབས་ལྡན་དོན་ལ་གསང་བའི་དོན། །རང་སྙིང་འོད་ཀྱི་དཀྱིལ་འཁོར་ལྔ། །འཆར་དང་ནུབ་པའི་རིམ་པ་ཡིས། །ཐབས་ཆེན་གསང་བའི་ཐིག་ལེ་ལྟར། །ཤེས་ནས་སྤང་དུ་མེད་པར་གནས། །རང་འབྱུང་གནས་པའི་བཅུད་ལྔ
iiif viewer powered by OpenSeadragon
