| e-texts navigator |
| Wylie |
174a1 ཙམ་བརྟན་པས་གྲོལ་བར་འགྱུར། །དབང་བསྐུར་རྩ་བའི་དཀྱིལ་འཁོར་ནི། །མ་བཅོས་རྡོ་རྗེ་དབྱིངས་དཀྱིལ་འཁོར། །ཁྲོ་བོའི་དཀྱིལ་འཁོར་ཡན་ལག་སྟེ། །བསྒྲུབ་དང་གདུག་པ་གདུལ་ཕྱིར་ཡིན། །དང་ལ་རྩ་བའི་དབང་ཐོབ་ནས། །ཕྱི་མའི་དཀྱིལ
174a2 འཁོར་དབང་ཐོབ་བྱ། །གདུལ་བྱ་མོས་པའི་དབང་བརྩན་ལ། །ཐུན་མོང་ཙམ་དུ་ངེས་པ་མེད། །དང་པོ་གཉིས་པ་གསུམ་པ་དག་།རྡོ་རྗེ་སེམས་དཔའི་དབང་བསྐུར་ཡིན། །བཞི་པ་དང་ནི་ལྔ་པ་ཉིད། །ཧེ་རུ་ཀ་ཡི་དཀྱིལ་འཁོར་རོ། །དུས་གསུམ་རྒྱལ་བས་བྱིན་བརླབས་པའི། །
174a3 མ་ནོར་ལམ་སྟོན་སློབ་དཔོན་ལ། །མཉེས་དང་བཀུར་བར་མི་བྱེད་ཅིང་། །རང་རང་ནུས་ཤིང་འཇུག་པ་ལ། །དབང་བསྐུར་གནང་བ་མ་བྱིན་པར། །གསང་བ་བཤད་དང་ཉན་པ་དང་། །བསྒོམ་དང་བསྒྲུབ་པ་ལ་སོགས་པས། །བསྐལ་པ་བྱེ་བ་དཔག་མེད་དུ། །འབྲས་བུ་ཐོབ་པར་མི་འགྱུར
174a4 གྱི། །དམྱལ་བའི་གནས་སུ་སྐྱེ་བར་འགྱུར། །དེ་ནི་དམ་པ་ཀུན་བརྙས་པས། །ནད་དང་སྡུག་བསྔལ་མང་པོ་དང་། །མཁའ་འགྲོ་མ་དང་གདོན་གྱིས་འཚེ། །དེ་ནས་ངེས་པར་འཆི་བར་འགྱུར། །བྱིན་བརླབས་ལྡན་པའི་བླ་མ་ཡིས། །དད་བརྩོན་བརྟུལ་ཞུགས་རབ་ལྡན་པའི། །
174a5 རིགས་ངེས་སྐྱེས་བུ་མཆོག་ཉིད་ལ། །ཐབས་ཀྱིས་དབང་བསྐུར་བྱིན་བརླབས་ན། །རྒྱལ་བ་དང་ནི་མཁའ་འགྲོ་དང་། །རིག་འཛིན་གྲུབ་པ་ཕོ་མོ་ཡིས། །ཚེ་འདིར་བསམ་པ་ཀུན་སྐོངས་ཤིང་། །བྱིན་བརླབས་དབང་དང་དངོས་གྲུབ་ཀྱི། །ཕུན་སུམ་ཚོགས་པའི་བདག་པོར
174a6 འགྱུར། །གང་གིས་གང་ལ་དབང་བསྐུར་བས། །ཐ་མལ་ཞེན་པ་དག་པ་དང་། །བདེ་ཆེན་ལམ་ལ་མངོན་ཞུགས་པས། །དངོས་གྲུབ་གང་ལ་ཐོགས་མེད་དེ། །ལས་རྣམས་གང་བརྩམས་འགྲུབ་པ་དང་། །འདོད་པའི་དོན་ལ་རོལ་པ་ཡིས། །ས་བཅུ་རིམ་པ་མཐར་ཕྱིན
174a7 ནས། །པདྨ་སྤྱན་གྱི་ས་ཐོབ་སྟེ། །ཡི་གེ་འཁོར་ལོ་ས་ལ་གནས། །སྐུ་གསུང་ཐུགས་དང་ཡོན་ཏན་ལས། །ཉི་ཤུ་རྩ་ལྔ་ལྷུན་གྲུབ་པ། །དབང་གི་འབྲས་བུ་རང་ལས་ཤར། །ཐབས་ཆེན་འདི་དང་གང་བྲལ་ན། །བསྐལ་པ་གང་གཱའི་བྱེ་སྙེད་དུ། །བརྩོན་པས་འབྲས་བུ
iiif viewer powered by OpenSeadragon
