| e-texts navigator |
| Wylie |
170a1 གཟི་ལྡན་ཕྱག་རྒྱ་མ། །མཐོང་བས་ལུས་སེམས་བདེ་བ་དང་། །ཕྲད་པས་སྡུག་བསྔལ་ཉམས་པར་འགྱུར། །འདྲིས་པས་བདེ་བ་བརྟན་པོ་འབྱུང་། །ཐབས་དང་ལྡན་པས་སྤྱད་གྱུར་ན། །བསྐལ་པར་སྦྱངས་པས་མི་འབྱོངས་པའི། །རྣམ་རྟོག་ཞེན་པ་ལོག་གྱུར་ནས། །
170a2 ད་ལྟ་བདེ་བ་ཆེན་པོར་སྨིན། །ཐོབ་པ་བརྟན་འདོད་རྣལ་འབྱོར་པས། །མཐོང་དང་ཐོས་དང་ལྷན་ཅིག་གནས། །འཁྱུད་དང་ཕྲད་དང་སྤྱད་པ་ཡིས། །ལྷན་ཅིག་སྐྱེས་པའི་ཡེ་ཤེས་སྐྱེ། །དབང་དང་མི་ལྡན་སྐལ་ངན་དང་། །དམན་པས་མི་རྟོགས་ཡུལ་མིན་པས། །གསང་བ་ཞེས་ནི
170a3 བཤད་པ་ཡིན། །དེ་ནས་གཞན་ཡང་བཤད་བྱ་བ། །རིམ་པའི་ཏིང་འཛིན་མཐར་ཕྱིན་ནས། །སྐུ་དང་གསུང་དང་ཐུགས་ལྡན་པའི། །ཚོམ་བུ་གསུམ་པར་ལྡན་པ་ཡི། །སུམ་ཅུའི་དཀྱིལ་འཁོར་བསྒོམ་པར་བྱ། །གང་དུ་རྒྱས་པའི་དབང་གྱུར་ལ། །རིགས་ལྔ་ཡེ་ཤེས་ལྔར
170a4 ལྡན་ཅིང་། །སྐུ་གསུང་ཐུགས་དང་ཡོན་ཏན་ལས། །བདུན་ཅུའི་རིམ་པ་བསྒོམ་པར་བྱ། །མོས་ཆུང་གསང་བར་སྤྱོད་འདོད་པས། །ཚོམ་བུ་གཅིག་པའི་དཀྱིལ་འཁོར་ཏེ། །བཅུའམ་ཡང་ན་བརྒྱད་པའི། །ཚོམ་བུ་ཐ་མ་བསྒོམ་པར་བྱ། །འདིར་ནི་དཀྱིལ་འཁོར
170a5 ཀུན་འདུས་པའི། །ཚོགས་ཀྱི་འཁོར་ལོ་བསྒོམ་པར་བྱ། །གང་དུ་གདུག་པ་འདུལ་བ་ཡི། །དཀྱིལ་འཁོར་རིམ་པ་དེ་བཞིན་ཏེ། །རིམ་པ་བསྒྱུར་བའི་ཁྲོ་བོ་ནི། །རིམ་པ་མ་འདྲེས་ཙམ་དུ་བསྒོམ། །རྣལ་འབྱོར་ཡོ་བྱད་ཚོགས་པ་ཡིས། །དཀྱིལ་འཁོར་ཏིང་འཛིན་སྤྱོད་ཚོགས
170a6 པ། །མ་ལུས་ཚོགས་པས་ཚོགས་ཞེས་བྱ། །དང་པོར་དད་དང་བརྩོན་འགྲུས་དང་། །དམ་ཚིག་ལྟ་སོགས་སྔོན་སོང་ཞིང་། །རིམ་བཞིན་ཏིང་འཛིན་མཐར་ཕྱིན་པས། །ནུས་པ་ཡོད་པའི་རྣལ་འབྱོར་པ། །སྐལ་ལྡན་དྲོད་ཚད་མཉམ་པའམ། །མི་ལྡན་འཕྲོ་འདུས་སྦྱངས
170a7 བས་འགྲུབ། །རབ་ཏུ་དབེན་ཞིང་ཡིད་འོང་བ། །རི་རྩེ་གསང་འདབ་ཆུ་གླིང་ངམ། །དུར་ཁྲོད་རི་འོར་ནགས་འདབ་སྟེ། །སྐྱེ་བོ་འདུས་དང་རྣམ་བྲལ་ཞིང་། །བར་ཆད་བྲལ་བའི་ས་ཕྱོགས་དེར། །རྣལ་འབྱོར་རྒྱལ་པོ་ལྟ་བུའི་ཕྱིར། །རིན་ཆེན་ཡིད་འོང་མཛེས་བརྒྱན་པའི། །
iiif viewer powered by OpenSeadragon
