| e-texts navigator |
| Wylie |
169a1 ཐ་སྙད་ཙམ་དུ་ཟད། །བྱང་ཆུབ་སེམས་ལ་གཉིས་མེད་པར། །རྟོགས་པའི་དོན་ལ་གཅིག་ཏུ་བསྟན། །སྙིང་རྗེ་ཆེན་པོའི་རང་བཞིན་གང་། །གནས་པའི་དོན་དང་མ་ཕྲད་པས། །མ་ལུས་སྙིང་རྗེའི་གནས་གྱུར་པ། །སྙིང་རྗེ་བྱང་ཆུབ་སེམས་ཡིན་ཏེ། །མི
169a2 འགལ་དོན་དུ་རབ་སྦྱོར་བ། །ཀུན་རྫོབ་བྱང་ཆུབ་སེམས་སུ་བརྗོད། །ཇི་སྙེད་རྣམ་པར་བཅས་པའི་ཆོས། །མ་ལུས་མཐའ་ཡས་བསྟན་པ་ཀུན། །བྱང་ཆུབ་སེམས་ཀྱི་རྣམ་འཕྲུལ་ཏེ། །ནམ་མཁའི་ཆོ་འཕྲུལ་ཇི་བཞིན་དུ། །སྣ་ཚོགས་སྣང་བཞིན་དངོས་པོ་མེད། །དེ་དག
169a3 ཇི་ལྟར་གནས་ཀྱང་རུང་། །བྱང་ཆུབ་སེམས་ལས་གཞན་མིན་ཡང་། །ཐུན་མོང་ཡུལ་ཕྱིར་ཕྱི་རུ་བཤད། །རང་ལུས་ཕྱག་རྒྱའི་དཀྱིལ་འཁོར་ལ། །རང་འབྱུང་འཁོར་ལོ་དྲུག་གནས་པ། །གཡོ་བ་ཡ~ཾ་གིས་སྐྱོད་བྱེད་པ། །འགྲོ་བ་ཀུན་གྱི་ལུས་ལ་གནས། །འཕེན་དང
169a4 སྡུད་པའི་རང་བཞིན་ཅན། །སྙིགས་མའི་དུས་སུའང་བདེ་བ་འཆར། །སྨིན་པ་གྲུ་གསུམ་སྨད་ན་གནས། །རྣམ་ཐར་སྐུ་གསུམ་རྩ་མདུད་ཅན། །འབར་ཞིང་ཐིག་ལེ་འབེབས་དང་གནས། །རང་ལུས་བདེ་ཆེན་སྨིན་བྱེད་པ། །དེ་ལ་གང་རྟེན་བདེ་བའི་གནས། །སངས
169a5 རྒྱས་རིན་ཆེན་གབ་ཙེ་ལ། །ཐུང་ངུ་ཨ་སྙིང་ལྟེ་བར་གནས། །འཁྲུལ་ཞིང་འཛག་དང་གནས་པའི་རྩ། །རྡོ་རྗེ་དབུ་མའི་ལམ་དང་འབྲེལ། །ཁྱབ་ཅིང་རྒྱས་པའི་སྙིང་པོ་ཅན། །སུམ་ཅུ་གཉིས་གཉིས་རྩ་ཡིག་ལྡན། །དྷརྨ་ཙཀྲ་སྙིང་པོའི་གནས། །རྩ་བཞི་ཡན་ལག
169a6 བརྒྱད་ཀྱི་དངོས། །དངས་སྙིགས་ཤེས་པ་བརྒྱད་ཀྱི་རྟེན། །རྒྱུ་བ་བཞི་ཡིས་ཤེས་པར་བྱ། །དངས་མ་འདུས་པའི་ཐིག་ལེ་ཉིད། ། ལ་བརྟེན་པའི་ཧཱུ~ཾ་གིས་སྡུད། །ཡེ་ཤེས་ལྔ་ཡི་རང་བཞིན་ཅན། །བདེ་བ་མངོན་ཤེས་ཆོས་ཉིད་ལ། །རིམ་པས་མཐར་ཕྱིན་འབྱུང་བར
169a7 འགྱུར། །བཅུ་དྲུག་སྒྲ་སྦྱོར་ཐིག་ལེ་ཅན། །འདབ་མ་ཨཱ་ལི་ལྡན་པ་ཡིས། །མ་ལུས་སྒྲ་སྐད་བདག་ཉིད་ཅན། །ཁྱབ་པ་གསུང་གི་བདག་ཉིད་ཅན། །སྡེ་ཚན་བཅུ་དང་ལྡན་པ་ཉིད། །འབྱུང་འཇུག་གནས་པའི་ལམ་ཡིན་ཏེ། །ཐབས་དང་ཤེས་རབ་བསྐུལ་བ་ཡིས། །བདེ་བ
iiif viewer powered by OpenSeadragon
