| e-texts navigator |
| Wylie |
167a1 དང་། །རྫིང་དང་ཆུ་མིག་འབབ་ཆུ་དང་། །མཚེའུ་དང་ཁྲོན་པ་ལུ་མ་དང་། །རི་དང་དེའུ་དང་སྐྱེད་མོས་ཚལ། །ཁོ་ར་ཡུག་དང་ལྷུན་པོ་དང་། །སྐྱེ་བོ་མང་པོ་བྲོ་གླུ་དང་། །ནམ་མཁའི་དབྱིངས་དང་མཉམ་པ་ཡི། །མཆོད་པ་སྣ་ཚོགས་རྒྱས་པར་མཆོད། །དཔའ་བོ་ཤ་ལྔ
167a2 བདུད་རྩི་ལྔ། །བཅུད་དང་རོལ་མོ་སྣང་བ་དང་། །སྣ་ཚོགས་དྲི་དང་བྱུག་པ་མཆོག་།དག་ཅིང་ལེགས་པར་དབུལ་བར་བྱ། །ཐར་བ་ལ་སོགས་ཞིང་གི་མཆོག་།དངོས་དང་ལྟ་སྤྱོད་ཏིང་འཛིན་གྱིས། །བསྒྲུབ་བྱ་མ་ལུས་ཀུན་བསྒྲལ་ཏེ། །རྡོ་རྗེ་ཞིང་དུ་བསྐྱེད་པར་བྱ། །ལྷ་མོ་མི་མོ་རིག
167a3 པ་མོ། །ཆོ་གའི་སྦྱོར་བ་རང་རྟོག་བཞིན། །དངོས་དང་ཏིང་འཛིན་སྦྱོར་བ་ཡིས། །བདེ་བ་ཆེན་པོ་རོལ་མོ་ཡིས། །ཕྱི་ནང་ནམ་མཁའི་ཁམས་བཀང་སྟེ། །རིན་ཆེན་ལྷ་མོ་ཡོ་བྱད་དང་། །རེག་པ་ཉམས་མྱོང་བདེ་བ་ཡིས། །རྒྱལ་སྲས་ཞིང་གི་རྡུལ་སྙེད་ལ། །གཉིས་མེད་དག་པའི
167a4 ཚུལ་གྱིས་མཆོད། །རོལ་མོ་གླུ་དབྱངས་བཅས་པ་ཡིས། །དཀྱིལ་འཁོར་རིམ་པ་བསྟོད་པར་བྱ། །རྡོ་རྗེ་གསུམ་གྱི་བཟླས་པ་ཡིས། །མཚན་མ་ལེགས་པར་སྣང་བ་ན། །སྦྱང་དང་བྱིན་བརླབས་དབང་བསྐུར་དང་། །མཆོད་དང་བརྟན་པའི་ཆོ་ག་དང་། །རྟོག་པའི་ཆོ་ག་རྒྱས་པར
167a5 བྱ། །དཀྱིལ་འཁོར་དེ་ཡི་ཕྱོགས་བཞི་རུ། །རྣམ་བཞི་ལས་ཀྱི་མེ་ཐབ་ལ། །དུས་བཞིར་རང་རང་རྫས་དག་གིས། །ལྷ་བཞི་ཚུལ་གྱིས་མཆོད་པར་བྱ། །དེ་ནས་གནང་ཐོབ་དབང་ཕྱུག་ཉིད། །དཀྱིལ་འཁོར་ཞུགས་ཤིང་ནུས་ལྡན་ནས། །ཐུགས་རྗེས་འཁོར་བ་བསྒྲལ
167a6 བའི་ཕྱིར། །སྐལ་ལྡན་སློབ་མ་གཞུག་པར་བྱ། །དཔལ་ལྡན་རྡོ་རྗེ་སེམས་དཔའ་ཡི། །སྐུ་གསུང་ཐུགས་ཀྱི་འཁོར་ལོ་ཆེ། །མངོན་དུ་མཐོང་ཞུགས་བསོད་ནམས་གང་། །འདིར་ཞུགས་པ་ཉིད་དེ་བཞིན་ནོ། །གང་དུ་སྐུ་གསུང་ཐུགས་ལྡན་པ། །གང་དུ་མོས་པས
167a7 སྤྲོ་བསྐྱེད་ཕྱིར། །རྒྱལ་བ་ཀུན་ཀྱང་འཕྲུལ་མཛད་དེ། །སྒོ་གསུམ་བྱིན་གྱིས་རློབ་པར་མཛད། །རྣལ་འབྱོར་ཆོ་ག་རྫོགས་པས་ཀྱང་། །གདུལ་བྱ་ཞི་དང་ཁྲོ་བ་ལ། །སོ་སོའི་མཚན་མ་ཉིད་བསྟན་ཕྱིར། །སྐུ་གསུང་ཐུགས་ཀྱི་རྣམ་པ་དག་།བྲིས་དང་བརྡུངས་དང་བླུགས
iiif viewer powered by OpenSeadragon
