| e-texts navigator |
| Wylie |
166a1 སྦྲུལ་དང་ཐོད་པའི་ཕྲེང་བ་ཉིད། །དྲ་བ་དྲ་ཕྱེད་རྣམ་པར་སྤྲས། །ཕྱི་ནང་རྒྱུ་འབྲས་གདུག་པ་དག་།གདུལ་ཕྱིར་རྟ་བབས་བཞིར་བཤད་དེ། །སོར་ཕྲེང་ཐོད་པའི་ཕྲེང་བ་དང་། །དབང་པོ་ཉི་ཟླའི་ཕྲེང་བས་སྤྲས། །ཁྲོ་མོ་ཤ་ལྔ་བདུད་རྩི་དང་། །དུར་ཁྲོད་འདོད
166a2 ཡོན་ལྡན་པའོ། །དུར་ཁྲོད་ས་གཞི་ཁྲག་དང་བཅས། །སྐྱེས་བུ་གསལ་ཤིང་ཕྱོགས་མཚམས་བརྒྱད། །རཀྟའི་མཚོ་བརྒྱད་རྦ་རླབས་འཁྱིལ། །ཐོད་ཚལ་བརྒྱུས་པ་དུར་ཁྲོད་རླུང་། །འཇིགས་པའི་སྒྲ་དང་མེ་འོད་ལྡན། །ཞིང་འཕན་ཕྱོགས་མཚམས་བརྒྱད་དང་བཅས། །
166a3 ལྷ་ཆེན་ཐོད་པ་སྦུབ་སྟེངས་ན། །ཙིཏྟའི་ཏོག་ལས་འོད་ཟེར་འཕྲོ། །ཧེ་རུ་ཀ་ཡི་དཀྱིལ་འཁོར་ཉིད། །མ་ལུས་བྲི་ཞིང་བསྒོམ་པར་བྱ། །མ་ལུས་འགྲོ་བའི་རེ་སྐོང་བས། །རིན་ཆེན་ཕྲེང་དང་རྒྱན་དུ་ལྡན། །མི་འཇིགས་སྟོབས་སོགས་ཀུན་ལྡན་པས། །སྟོབས་ལྡན་ཐེག་པར་གནས་པ
166a4 ཡིན། །སྤྱོད་ལ་སྐྱོན་གྱིས་མ་གོས་པས། །པདྨ་འབར་བས་མཛེས་པར་སྣང་། །ཐབས་དང་ཤེས་རབ་གཉིས་མེད་པས། །ཉི་ཟླ་མཛེས་པའི་གདན་ལ་བཞུགས། །བདེ་ཆེན་དོན་ལས་མི་འདའ་བས། །འཁྲིལ་སྦྱོར་དགྱེས་པའི་ཚུལ་དུ་བཞུགས། །སྐུ་གསུང་ཡོན་ཏན་ཕྲིན་ལས
166a5 ཐུགས། །ཡོངས་རྫོགས་སྐུ་ཡི་རྒྱན་དུ་གནས། །ལམ་དང་བྱང་ཆུབ་ཡན་ལག་རྣམས། །རྫོགས་ཕྱིར་ཕྲེང་བ་ལ་སོགས་ཚུལ། །ཐུགས་རྗེ་འཁོར་བ་མི་གཏོང་བས། །ཆུ་སྲིན་ཀླུ་ཕྲུག་བཟུང་བ་བཞིན། །ཐུགས་རྗེ་བར་ཆད་མི་མངའ་བས། །འབྲེལ་བ་བར་ཆད་མེད་པར་གནས། །
166a6 བརྩོན་འགྲུས་འཁོར་བ་སྤོང་བའི་ཕྱིར། །དག་ནི་མཉམ་པར་གནས། །ཟག་མེད་སྤྱན་གྱིས་ཀུན་གཟིགས་པས། །དགེ་སྡིག་སྤྱན་གྱིས་གཟིགས་པར་བསྟན། །མ་ལུས་ཟིལ་གནོན་སྟོབས་རྫོགས་ཕྱིར། །བྱ་ཁྱུང་དག་ནི་གནས་པར་བསྟན། །ཆོས་ཀྱི་འཁོར་ལོ
166a7 བསྐོར་བྱས་ཤིང་། །ཉོན་མོངས་ཚད་པའི་གདུང་སེལ་བས། །ཐུགས་རྗེ་གདུགས་ཀྱི་འཁོར་ལོ་བསྟན། །མ་ལུས་གཅིག་ཏུ་འདུས་པས་ན། །ཏོག་སྟོང་འོད་ཟེར་འབར་བ་སྟེ། །གདུལ་བྱའི་བསམ་པའི་དོན་ཕྱིར་བསྟན། །ལྷ་རྣམས་སོ་སོའི་རྣམ་པ་ནི། །སྐུ་མདོག་སྣ་ཚོགས
iiif viewer powered by OpenSeadragon
