| e-texts navigator |
| Wylie |
165b1 ཚད་དང་ལྡན་པའི་དཀྱིལ་འཁོར་ཏེ། །ཡིད་འོང་བྱུག་བདུག་ཉི་ཤུ་ལྔས། །མཛེས་ཤིང་ལེགས་པར་བྱས་ནས་ནི། །གང་དང་འབྲེལ་པའི་ཆོ་ག་བརྩམ། །གཞན་དུ་ལོངས་སྤྱོད་མ་བྱས་པའི། །རས་བལ་དུར་ཁྲོད་རྒྱུ་ལས་བྱས། །གསར་ཞིང་གྲིམས་ལ་འཇུར་མདུད་མེད། །
165b2 བྱིན་བརླབས་ལྔ་དང་སྐུ་གསུང་ཐུགས། །ཐིམ་པས་ཡེ་ཤེས་ཐིག་སྐུད་དེ། །རིག་པས་ཐིག་ནི་གདབ་པར་བྱ། །ཐབས་དང་ཤེས་རབ་གཉིས་མེད་པའི། །གསང་བའི་འཕྲོ་འདུ་དེ་བཞིན་ནོ། །དཀྱིལ་འཁོར་ཡིད་འོང་ཕོ་བྲང་ས། །མ་ནོར་གསལ་བས་ཐིག་ཏུ་བཤད། །
165b3 གང་གིས་གང་མཚོན་དེ་བཞིན་ཏེ། །ཁ་དོག་ལྔ་དང་ཕུང་པོ་དང་། །ཁམས་དང་སྐྱེ་མཆེད་རྣམ་ཤེས་སོགས། །ཡེ་ཤེས་དཀྱིལ་འཁོར་མཚོན་ཕྱིར་རོ། །རྟོགས་པས་འཁོར་བའི་རྒྱ་དྲལ་ཕྱིར། །ཚོན་ཞེས་ཀྱང་ནི་བརྗོད་པ་ཉིད། །མ་མཐོང་རྨོངས་ལ་སྟོན་ཕྱིར་ཚོན། །ཁ
165b4 དོག་ཉི་ཤུ་རྩ་ལྔའམ། །ལྔ་ཡི་ཚོན་གྱིས་བྲི་བར་བྱ། །གསེར་དང་དངུལ་དང་བཻ་ཌཱུརྱ། །པདྨ་ཨིནྡྲ་ནཱི་ལ་ཉིད། །རིན་ཆེན་ལྔ་དང་ལྡན་པ་ཡིས། །མཁས་པས་འབྱོར་ལྡན་ཅི་བདེར་བྲི། །ཡང་ན་འབྲས་དང་སཱ་ལུ་ལ། །ཁ་དོག་བསྒྱུར་བས་དེ་བཞིན་ནོ། །དམན་དང་འབྱོར་པ་ཆུང
165b5 བ་ཡིས། །འབྱུང་ཁུངས་ལྔ་ཡིས་བྲི་བར་བྱ། །ཐབས་དང་ཤེས་རབ་གཉིས་མེད་པའི། །རྒྱལ་བ་བཅུ་ཉིད་ཐིམ་པ་ཡིས། །ཡེ་ཤེས་རིན་ཆེན་ཕྱི་ནང་མེད། །དག་པའི་ངོ་བོར་བལྟ་བར་བྱ། །ོ~ཾ་ཨ~ཾ་ཧཱུ~ཾ་སྭཱ་ཧཱ། །སརྦ་པཉྩ་རཏྣ་ས་མ་ཡེ་ཧཱུ~ཾ། །འབྲུ་བཅུ་སྤུང་ཞིང་འབུན་པ་ཡི། །
165b6 སྔགས་དང་ཕྱག་རྒྱས་བྱིན་གྱིས་བརླབ། །ཞི་བའི་དཀྱིལ་འཁོར་མ་ལུས་ལ། །ཡེ་ཤེས་རིན་ཆེན་རྩིག་པ་སྟེ། །དྲ་བ་དྲ་ཕྱེད་རྟ་བབས་དང་། །རྡོ་རྗེ་ཟླ་ཕྱེད་འདོད་ཡོན་དང་། །རིན་ཆེན་ས་གཞི་སྐྱེད་ཤིང་དང་། །རྫིང་བུ་དྲིལ་བུ་གཡེར་ཁས་སྤྲས། །རྟག་ཏུ་བྲི་ཞིང་བསྒོམ་པར
165b7 བྱ། །གདུག་པ་འདུལ་བའི་དཀྱིལ་འཁོར་ལ། །ཐོད་པ་སྣ་ལྔ་སྣ་གསུམ་དང་། །ཐོད་སྐམ་རྩིག་པའི་རིམ་པ་བཞིན། །ཚངས་དང་ལྷ་དབང་ལ་བརྟེན་པ། །མཆོག་ཆེན་བརྒྱད་ནི་ཡིན་པར་འདོད། །ལྷག་མ་རྣམས་ཀྱིས་ཐོག་ཕུབ་སྟེ། །གཟའ་བརྒྱད་ཉི་ཟླའི་གློ་སྐར་ལྡན། །
iiif viewer powered by OpenSeadragon
