| e-texts navigator |
| Wylie |
157b1 རང་རང་ལས་མཛད་སྙིང་པོ་སྒྲོགས། །འདུས་ཏེ་ཕྱོགས་ཕྱོགས་གནས་པར་བྱ། །ཧེ་བརྒྱད་ས་བོན་ལས་བྱུང་བ། །སྟག་དང་སེང་གེ་ཝ་དང་ཁྱི། །བྱ་རྒོད་ཀང་ཀ་འུག་པ་དང་། །ཕོ་རོག་ལ་སོགས་ཕྲ་མེན་རྣམས། །འཕྲོ་འདུ་ལས་དང་ཕྱོགས་མདོག་མཚན། །རིམ་པ་ཇི་བཞིན་དེ
157b2 བཞིན་བསམ། །ཕཊ་བཞིས་རྟ་དང་ཕག་གདོང་དང་། །སྦྲུལ་དང་སྤྲེའུ་གདོང་རིམ་པ་བཞིན། །ལས་དང་སྐུ་མདོག་ཕྱག་མཚན་ཡང་། །རིམ་པ་བཞིན་དུ་གནས་པ་ཡིན། །དེ་དག་འཁོར་ལོ་དབུས་དང་ལྔ། །ཡབ་ཡུམ་ཕྱག་རྒྱ་འབྲེལ་བར་གནས། །རྩིབས་མཆན་གྲུ་ཆད་བཞི
157b3 དག་ལ། །གནས་ཀྱི་མ་མོ་དགོད་པར་བྱ། །བར་ཁྱམས་དང་པོར་ཕྲ་མེན་བརྒྱད། །ཕྱོགས་མཚམས་རིམ་པར་དགོད་པར་བྱ། །སྒོ་བཞིར་སྒོ་བ་རྔམ་ཚུལ་གནས། །བར་ཁྱམས་ཐ་མ་དག་ལ་ནི། །སླས་དང་བྱི་མོ་བྲན་མོའི་ཚོགས། །སྐུ་མདོག་ཕྱག་མཚན་བཞུགས་ཚུལ་ཉིད། །
157b4 རིམ་པ་བཞིན་དུ་བཀོད་པར་བྱ། །རིན་ཆེན་ཐོད་པའི་དབུ་རྒྱན་དག་།གནས་སྐབས་དག་ཏུ་འཚམ་པར་བྱ། །སྐུ་གསུང་ཐུགས་ཀྱང་དེ་བཞིན་ཏེ། །ཡན་ལག་དཀྱིལ་འཁོར་ཉིད་དུ་བཤད། །གང་ཕྱིར་ནམ་མཁའི་ཡེ་ཤེས་ཉིད། །སྤྲོས་མེད་དམ་པ་ཉིད་དུ་འདོད། །བདེ
157b5 བའི་ཐིག་ལེས་ཀུན་ཁྱབ་ལ། །ཆོས་ཉིད་སྙིང་རྗེ་ཀུན་དུ་སྣང་། །ཐིག་ལེ་རང་སྙིང་ས་བོན་རྒྱུ། །ཟག་པ་མེད་པའི་སྙིང་པོ་ཡིན། །མ་ལུས་འདུས་པའི་སྙིང་པོ་ཅན། །ཐིག་ལེ་གོང་འོག་ཀུན་དང་འབྲེལ། །གནས་པ་ཁོང་སྟོང་ཚུལ་དག་གིས། །མ་ལུས་ཀུན་ལ་ཁྱབ་པ་ཡིན། །ཛྷ~ཾ་སྒོ
157b6 གཡོ་བའི་ས་སྒོ་ཅན། །བསྐྱོད་དང་ལས་ཀྱིས་ཁྱབ་བྱེད་པ། །ལུས་ཁྱབ་གནས་དང་ལས་དག་ནི། །ཁྱད་པར་སོ་སོར་སྣང་བ་ཡིན། །དེ་སྟེང་ཏི་ལ་ཀའི་རང་བཞིན། །འབར་མ་བརྒྱད་དང་ལྡན་པ་ཉིད། །ཞུ་དང་འབར་བའི་ལས་བྱེད་པ། །དྲག་མོ་ཞེས་ཀྱང་འདོད་པ་ཡིན། །
157b7 ཐིག་ལེ་སྒོ་ནས་འཛག་པའི་བཅུད། །གཤེར་དང་འཛག་པའི་བ~ཾ་སྙིང་ཅན། །སྡང་དང་བེབས་པའི་རང་བཞིན་ཅན། །ལུས་ཅན་གནས་པ་གསལ་བར་བྱ། །གང་ལ་གང་རྟེན་དེ་ཡི་བརྟེན། །ཐིག་ལེ་རྩར་བཅས་བདེ་བའི་རྟེན། །དེ་ཉིད་བསྐྱེད་དང་གནས་གྱུར་པ། །བརྟེན
iiif viewer powered by OpenSeadragon
