| e-texts navigator |
| Wylie |
156a1 པོ་གསལ་བར་ཤེས། །དམ་ཚིག་བདེ་བའི་ཆས་ཀྱིས་སྒེགས། །སྒོ་གསུམ་འབྲེལ་ཅིང་ཐིག་ལེར་ཆགས། །གང་དུ་བདེ་བའི་སྒྲ་བསྒྲགས་ཏེ། །བསྐྱོད་ཅིང་འཕོ་བའི་གར་གྱིས་མཉེས། །ཐུགས་གང་ཐིག་ལེ་བརྟེན་པའི་གནས། །གང་ཡུལ་བདེ་བར་དབང་བྱེད
156a2 པའི། །རྟེན་དང་བཅས་པའི་བདེ་བ་ཡིས། །རང་རང་ཐིག་ལེ་སྐྱེད་པར་བྱེད། །ཐབས་དང་ཤེས་རབ་གཉིས་མེད་པའི། །ཐུགས་དང་ཐིག་ལེར་བཅས་པ་ཉིད། །དགུག་འཛིན་འཁྱུད་ཅིང་གནས་པ་དང་། །ཐིག་ལེ་རླུང་དང་སྟོད་སྨད་བསྡམས། །བསྐྱོད་དང་འབེབས་པའི་ཐབས
156a3 ཡིན་ཏེ། །ཚིམ་དང་ཐིག་ལེ་དོར་བ་དང་། །ཡེ་ཤེས་གསལ་བས་བདེ་སེམས་རྒྱས། །རིམ་པ་ཇི་བཞིན་གསལ་བར་བརྟགས། །གསང་ཡུལ་དབང་པོ་རེག་པ་དང་། །རྣམ་ཤེས་གང་ཡིན་ཏ་ཀྲིཏ་དེ། །བདེ་བའི་རང་བཞིན་མ་སྐྱེས་པས། །རྟག་ཆད་མཚན་མ་བདག་མེད་པ། །
156a4 སྒོ་མའི་རང་བཞིན་གསང་བའི་སྔགས། །ཤེས་སྐྱོབ་དོན་ཕྱིར་གསང་བའི་སྔགས། །ཤེས་པ་གསུམ་འདས་སྒྲིབ་ཟད་པ། །རང་རིག་བྱེད་པ་ཡིད་ཅེས་བྱ། །རྒྱུན་གསུམ་ཟད་པའི་ཆོས་དབྱིངས་ཉིད། །རྟོགས་བྱ་ཀུན་དུ་བཟང་མོར་བཤད། །འཁོར་བའི་ས་བོན་ཉོན་མོངས
156a5 བཅས། །ཟིལ་བའི་ཐིག་སྔོན་ལམ་བཞིན་དུ། །ཐབས་སྦྱོར་ཐིག་ལེའི་འཕྲོ་འདུ་ཡིས། །གསང་བའི་མཛད་པ་བཅུ་གཉིས་སྟོན། །ས་བོན་ཐིག་ལེ་མ་སྐྱེས་གཟུགས། །བསྟན་པ་རིམ་པ་གསུམ་དུ་བསྟན། །འདོད་པའི་ཡན་ལག་སུམ་བརྒྱ་དང་། །དྲུག་ཅུ་རྩ་བཞི་ལ་སོགས་པས། །
156a6 ཐ་མལ་ཞེན་པ་རང་གྲོལ་ནས། །རྡོ་རྗེ་ཟེའུ་འབྲུ་འབྲེལ་བསྐྱོད་པས། །རང་འབར་ཐིག་ལེ་གཟུགས་སུ་ཆགས། །ཡབ་ཡུམ་ལྔ་ཕྱི་ཐབས་ཀྱིས་གཟུང་། །ཉི་མ་ཟླ་བ་ཤར་བའི་འོད། །རྩེ་ནས་རྩེ་རུ་ཕྱིན་པ་ཡིས། །འཁོར་བའི་མུན་པ་ཀུན་བསལ་ནས། །མ་ལུས་ལྷན་ཅིག་སྐྱེས
156a7 པར་གསལ། །དེ་ཉིད་གསང་བར་ཤེས་པར་བྱ། །རྒྱལ་བའི་དཀྱིལ་འཁོར་མ་ལུས་པ། །བཞི་བཅུ་རྩ་ལྔར་གནས་པ་ཡི། །ཐུགས་ཀྱི་རང་བཞིན་སྙིང་པོ་ཉིད། །རང་རང་མཚོན་པའི་རྟགས་ཡིན་ཏེ། །རྒྱས་དང་བསྡུས་པའང་དེ་བཞིན་དུ། །རྡོ་རྗེ་འཁོར་ལོ་རལ་གྲི
iiif viewer powered by OpenSeadragon
