| e-texts navigator |
| Wylie |
153b1 སྒྲོག་དྲིལ། །མཐིང་ནག་སེར་ནག་དམར་ནག་དང་། །ལྗང་ནག་རྡོ་རྗེ་ཐོད་དབྱུག་དང་། །ཐོད་སྦྲུལ་རྡོ་རྗེ་རྒྱ་གྲམ་དང་། །ཡུམ་ཡང་སོ་སོའི་ཕྱག་མཚན་བཅས། །སྒོ་བཞིར་རྔམ་ཚུལ་འཁྲིལ་སྦྱོར་བཞུགས། །ཁྱམས་ཀྱི་མདུན་དང་རྒྱབ་ཏུ་ནི། །ཀུན་བཟང་ཡབ་ཡུམ་ནམ་མཁའི་མདོག་།
153b2 ཕྱག་རྒྱ་མ་ངེས་སྣ་ཚོགས་ཏེ། །མཉམ་བཞག་ཡེ་ཤེས་འཕྲོ་བའི་སྟེང་། །རྡོ་རྗེ་དྲིལ་བུའི་མཚན་པའོ། །ཐུབ་དྲུག་དཀར་སེར་མཐིང་ག་དང་། །དམར་ནག་སེར་ནག་དུད་ཀ་སྟེ། །ཕྱོགས་བཞི་སྟེང་འོག་ཤར་ནུབ་ཚུལ། །པི་ཝང་གོ་ཆ་གསེག་པར་སྒྲོམ། །པོ་ཏི་མེ་ཆུར་ཤེས་པར་བྱ། །མི
153b3 བསྐྱོད་བྱེད་པོ་ལ་སོགས་པ། །རྡོ་རྗེ་འཆང་བས་རྣམ་པར་བརྒྱན། །གཞན་དག་རང་རང་གིས་ཡིན་ཏེ། །ཡ་མཱནྟ་ཀྲྀཏ་རྟག་པའོ། །ཐུབ་དྲུག་ཀུན་བཟང་བརྒྱན་པ་ཉིད། །སྐུ་གསུང་ཐུགས་འབར་བྱིན་བརླབས་ལྡན། །རྡོ་རྗེ་འཕྲོ་འདུ་སྙིང་པོར་ལྡན། །ཆོ་གའི་རིམ་པ་ཤེས་པར
153b4 བྱ། །དངས་མ་བཅུད་ལྡན་ཡེ་ཤེས་ཉིད། །མ་བཅོས་དེ་བཞིན་ཉིད་ཡིན་ཏེ། །ཡེ་ཤེས་ནམ་མཁའི་ངང་དང་འབྲེལ། །ཀུན་ལ་ཁྱབ་པའི་སྙིང་རྗེ་ཡིས། །ཁྱབ་བྱེད་བདེ་བའི་སྙིང་པོ་ཉིད། །ཐ་མལ་རྟོག་པ་གང་དག་ནས། །བདེ་བ་ཆེན་པོར་བྱིན་གྱིས་རློབ། །འབྱུང་ལྔ
153b5 དངས་མའི་སྙིང་པོ་ཉིད། །ཐམས་ཅད་འབྱུང་བའི་རྒྱུ་ཡིན་ཏེ། །དྷརྨ་ཙཀྲ་ཆོས་ཀྱི་དབྱིངས། །མི་ཤིགས་ཐིག་ལེ་ཀུན་གྱི་གནས། །ནུས་པའི་ཁྱད་པར་ཕྲ་རགས་བཞི། །ཐིག་ལེའི་གཟུགས་དང་ཚོར་བ་དང་། །འདུ་ཤེས་འདུ་བྱེད་རྣམ་ཤེས་ཉིད། །ཡེ་ཤེས་ལྔ་ཡི་རང
153b6 བཞིན་ཉིད། །རྒྱལ་པོ་ལྔ་རུ་བཤད་པ་ཡིན། །འབྱུང་ལྔ་དངས་མར་བཅས་པ་ནི། །དགྱེས་པ་བསྐྱེད་ཕྱིར་བཙུན་མོ་སྟེ། །མིག་སོགས་བདེ་བའི་རྣམ་ཤེས་དང་། །དེ་ཡི་ངོ་བོ་ཡུལ་བཅས་ནི། །གནས་པ་རྩ་བཅུད་ཐིག་ལེར་བཅས། །ནང་གི་སེམས་དཔའ་ཡབ
153b7 ཡུམ་ཉིད། །སོ་སོའི་རྩ་བཅུད་གནས་པའི་རྟེན། །དབང་པོ་དུས་བཞི་རེ་བཅས་པ་ཉིད། །ཕྱི་ཡི་སེམས་དཔར་བཤད་པ་ནི། །གནས་དང་དུས་ཀྱིས་ཕྱེ་ཕྱིར་རོ། །གང་དེ་དངས་མས་བསྐྱེད་པ་ཡིས། །ལུས་ཀྱི་ཆོས་བཞི་རྟག་ཆད་བཅས། །སྒོ་བཞི་ཡབ་ཡུམ་ཤེས
iiif viewer powered by OpenSeadragon
