| e-texts navigator |
| Wylie |
153a1 འབྱོར་བསྒོམ། །ཡང་ན་སྒྱུ་མ་བྲག་ཅ་དང་། །ཆུ་ཟླའི་ཚུལ་དུ་བསྒོམ་པར་བྱ། །དེ་ནས་རང་ཉིད་ཡི་གེ་ཉིད། །གསལ་ལ་བརྟན་ཞིང་གོམས་པ་ཡིས། །མ་དག་པ་ནི་སྦྱང་བྱས་ཏེ། །དག་པའི་མཁའ་ལྔ་བསམ་པར་བྱ། །ེ་ཡ~ཾ་བ~ཾ་སུ་ལ~ཾ། ས་ཆུ་མེ་རླུང་ནམ་མཁའ་དག་།
153a2 རིག་པ་རང་སྣང་ཚུལ་དུ་བསྒོམ། །དེ་དབུས་རིན་ཆེན་ཁང་པ་དག་།མཛེས་པའི་ཚུལ་དང་ལྡན་པ་སྟེ། །རྩིབས་བཞི་འཁོར་ལོ་ལྟེ་བར་བཅས། །མུ་ཁྱུད་ཟླུམ་པོ་ཐོག་མཐའ་མེད། །གྲུ་ཆད་གློ་འབུར་བར་ཁྱམས་དང་། །སྒོ་བཞི་རྟ་བབས་ཐེམ་སྐས་དང་། །ལྔ་བརྩེགས་ཕ་གུ་དྲ་ཕྱེད་དང་། །
153a3 འདོད་ཡོན་ཀ་བ་ཟ་ར་ཚགས། །མི་སྒྲིབ་གསལ་བའི་རྒྱན་དང་ལྡན། །མི་འཇིགས་ལ་སོགས་ལྔ་དབུས་གདན། །ཉི་ཟླ་པདྨ་ལ་སོགས་པ། །ལྔ་དང་གསུམ་དང་བཞི་གཅིག་གོ། །རིམ་པ་འཚམ་པའི་གདན་སྟེངས་སུ། །ས་བོན་ཆོ་ག་ལས་བྱུང་བ། །གཙོ་གཟུངས་མཐིང་ག་རྡོ་རྗེ
153a4 འཛིན། །འཁྲིལ་སྦྱོར་འཛུམ་པའི་བྱིན་བརླབས་ཏེ། །དབང་བསྐུར་ཆོ་ག་ལྔ་ལྡན་པས། །སྦྱོར་བསྐུལ་སྲས་བསྐྱེད་སོ་སོར་དགོད། །ཆོས་དབྱིངས་དཀར་པོ་འཁོར་ལོ་འཛིན། །མཉམ་ཉིད་རིན་ཆེན་སེར་པོ་ལྷོ། །སོར་རྟོག་པདྨ་དམར་པོ་ནུབ། །བྱ་གྲུབ་རལ་གྲི་ལྗང་གུ་བྱང་། །
153a5 བཙུན་མོ་རིགས་མཐུན་དྲིལ་འཛིན་འཁྲིལ། །འཁོར་ལོའི་རྩིབས་མཆན་ཤར་ལྷོ་ནས། །ས་སྙིང་དཀར་པོ་མྱུ་གུ་འཛིན། །སྒེག་མོ་དུང་མདོག་མེ་ལོང་འཁྲིལ། །ནམ་སྙིང་སྔོན་པོ་རལ་གྲི་འཛིན། །ཕྲེང་འཛིན་མཱ་ལེ་ནམ་མཁའ་མདོག་།སྤྱན་རས་ལེ་བརྒན་པདྨ་དཀར། །གཱི་ཏི་པི་ཝང
153a6 དམར་མོ་མདོག་། རྡོར་འཛིན་ལྗང་གུ་ལས་ཀྱི་རིགས། །ཕྱག་གཉིས་བརྐྱང་ནས་གར་མཛད་ལྗང་། །གྲུ་ཆད་བཞི་ལ་རིམ་པ་བཞིན། །བྱམས་པ་དཀར་སེར་ཀླུ་ཤིང་འཛིན། །སྒྲིབ་སེལ་དམར་སེར་གླེགས་བམ་བསྣམས། །ཀུན་བཟང་དམར་ལྗང་རིན་ཆེན་སྙེ། །འཇམ་དཔལ་དཀར་ལྗང
153a7 ཨུཏྤལ་བསྣམས། །བཙུན་མོ་རིགས་དང་མཐུན་པ་སྟེ། །སྤོས་དང་མར་མེ་མེ་ཏོག་དྲི། །འཁྲིལ་ཞིང་འདུད་པ་ཚུལ་བཞིན་བཞུགས། །སྒོ་བཞིར་རིམ་པ་ཇི་བཞིན་དུ། །སྟོབས་ཆེན་གཤིན་རྗེ་གཤེད་པོ་དང་། །རྟ་མགྲིན་བདུད་རྩི་འཁྱིལ་པ་བཞི། །ལྕགས་ཀྱུ་ཞགས་པ་ལྕགས
iiif viewer powered by OpenSeadragon
