| e-texts navigator |
| Wylie |
152b1 འཛིན་གྱིས། །ཡེ་ཤེས་ལྔ་ཡི་རོ་དང་བཅས། །བདེ་ཆེན་སྐྱེ་བ་མེད་པའི་དོན། །ཟག་མེད་ཁྱབ་པ་མངོན་དུ་སྨིན། །ཡེ་ཤེས་ནམ་མཁའི་གཟུགས་ཅན་ཉིད། །ཕྱི་ནང་མེད་པའི་རང་འབྱུང་སྟེ། །གསལ་དང་བདེ་བའི་རང་བཞིན་ཅན། །ཐབས་དང་ཐིག་ལེས་དབང་བསྒྱུར་ནས། །ལུས
152b2 ཅན་ཀུན་ལ་གསལ་བར་སྐྱེ། །གནས་བཞི་འབྱུང་བའི་དངས་མ་ཉིད། །རྟེན་ཅན་བརྟེན་པར་བཅས་པ་ཉིད། །རང་འབྱུང་ཐིག་ལེ་བདེ་བ་ཉིད། །ཕྱོགས་ཆ་མེད་པར་གསལ་ཁྱབ་པས། །བདེ་བ་ཆེན་པོའི་ལུས་སུ་འགྱུར། །རང་འབྱུང་སྙིང་པོ་དངས་མའི་ལུས། །འབྱུང་བ་ཟག་མེད་སྙིང
152b3 པོར་ཐིམ། །ཐིག་ལེ་སྤྲོས་པ་མེད་པ་སྟེ། །ཐམས་ཅད་མ་ལུས་ཁྱབ་པར་སྣང་། །རང་ལུས་རྩ་བཅུད་ཕྱི་ནང་ཀུན། །སྙིགས་མ་དངས་མར་སྨིན་བྱས་ཏེ། །དངས་མ་ཡེ་ཤེས་སྙིང་པོར་གསལ། །དེ་ཉིད་རྒྱུ་བ་མེད་པ་ཡི། །རང་འབྱུང་ཐིག་ལེ་སྤྲོས་པ་མེད། །དངས་མ་ཟག་མེད་སྟོབས
152b4 ལས་སྣང་། །གང་ཕྱིར་སྐྱེས་དང་སྤྲུལ་པ་དང་། །བརྟགས་པའི་གཟུངས་མ་ལས་བྱུང་བ། །དབང་པོ་གཉིས་ནི་བསྲུབས་པ་ལས། །སྐད་ཅིག་བཅུ་དྲུག་མཐའ་ཡི་ཚེ། །ཉི་ཟླ་འདྲེས་པའི་གར་ཐབས་ལས། །དངོས་པོ་ལྷན་ཅིག་སྐྱེས་པ་གསལ། །སེམས་ལྔ་རྫོགས་པའི་སྙིང་པོ
152b5 ཉིད། །བརྗོད་མེད་རང་སྣང་བསྟན་པ་ཉིད། །མ་ལུས་སྐུ་གསུང་ཐུགས་གནས་པ། །འཁྱུད་པའི་གར་གསུམ་བསྡམ་པ་ཡིས། །གནས་དང་འབྱུང་བ་མ་ལུས་པ། །རང་རིག་ཡེ་ཤེས་གཟུགས་སུ་སྣང་། །ཐབས་དང་ཤེས་རབ་དབྱེར་མེད་པའི། །བྱང་ཆུབ་སེམས་ཀྱི་ཐིག་ལེ་སྟེ། །
152b6 རྟེན་དང་བརྟེན་པར་བཅས་པ་ཉིད། །རང་ཉིད་གསལ་བར་བྱིན་བརླབས་ནས། །ཇི་ལྟར་སྣང་སྲིད་ཆོས་ཐམས་ཅད། །ལྷན་ཅིག་སྐྱེས་པའི་ངོ་བོར་གསལ། །མ་ལུས་བདེ་བ་ཆེན་པོའི་རིགས། །དམ་པའི་སྦྱོར་བ་སྣང་བར་འགྱུར། །འདི་ནི་ཕྱི་ནང་གསང་བ་ཡི། །ཏིང་འཛིན་དཀྱིལ
152b7 འཁོར་ཉིད་དུ་བཤད། །གང་ཕྱིར་མཚན་མའི་རྣལ་འབྱོར་པས། །དངོས་དང་དངོས་མེད་རྣམ་སྤངས་པའི། །རང་རིག་སྐྱེ་མེད་དེ་བཞིན་ཉིད། །མ་བཅོས་རང་རིག་འོད་གསལ་བ། །དེ་བཞིན་ཉིད་དེ་དང་པོར་བསྒོམ། །དེ་ནས་སྙིང་རྗེ་ནམ་མཁའ་ལྟར། །གསལ་ལ་སྟོང་པའི་རྣལ
iiif viewer powered by OpenSeadragon
