| e-texts navigator |
| Wylie |
151b1 ཕྱག་ཞབས་ཞལ་ཡང་དེ་བསྐྱེད་དེ། །མཚོན་ཆ་སྣ་ཚོགས་འཛིན་པ་དེས། །ཇི་སྙེད་ཕྱོགས་བཅུ་འཇིག་རྟེན་དུ། །ཆོ་འཕྲུལ་བཞི་ལ་སོགས་པ་ཡི། །མཛད་པའི་གར་ཐབས་སྣ་ཚོགས་ཀྱིས། །དྲེགས་པ་ཆེ་དང་དབང་ཕྱུག་དང་། །ཚངས་པ་ཁྱབ་འཇུག་བརྒྱ་བྱིན་དང་། །དྲི
151b2 ཟ་གཤིན་རྗེ་གནོད་སྦྱིན་བཅས། །གདུག་པའི་ང་རྒྱལ་རྒྱུ་འབྲས་ཅན། །རྒྱུ་འབྲས་རྩད་ནས་བཅད་པའི་ཕྱིར། །མ་ལུས་བ་དག་མ་བཏང་བར། །ང་རྒྱལ་ཁྲོ་གཏུམ་ཞུམ་པ་ཡིས། །ཇི་སྐད་སྨྲས་ཀྱང་རང་རང་གི། །ཉོན་མོངས་རྒྱ་མཚོ་མ་སྐམས་པར། །ཐུགས་རྗེ་ཞེ་ལ་མནན
151b3 ཚུལ་གྱིས། །དེ་དག་མངོན་དུ་བཏུལ་བར་མཛད། །ལ་ལར་དཔལ་ཆེན་ཁྲག་འཐུང་སྟེ། །ལ་ལར་རྡོ་རྗེ་ཁྲག་འཐུང་ཉིད། །ལ་ལར་རིན་ཆེན་ཁྲག་འཐུང་སྟེ། །ལ་ལར་པདྨ་དེ་བཞིན་གཤེགས། །ལ་ལར་སྣ་ཚོགས་ལས་སུ་བཅས། །རང་རང་བཙུན་མོ་ཚོགས་དང་འཁྲིལ། །
151b4 རིགས་ཀྱི་མཚོན་ཆ་སྣ་ཚོགས་འཛིན། །མདོག་དང་ཆ་ལུགས་དེ་བཞིན་ཏེ། །དེ་བཞིན་སྲས་དང་བཀའ་ཉན་དང་། །ཕོ་ཉ་ཡང་སྤྲུལ་ལ་སོགས་པ། །རྡོ་རྗེ་བ་སྤུ་བུ་ག་ནས། །ཕོ་ཉ་བྱེ་བ་དྲུག་ཅུ་དག་།ཕྱོགས་བཅུ་ཀུན་དུ་རྒྱས་བཀྱེ་སྟེ། །ནམ་མཁའི་ཁམས་དང་མཉམ་པ
151b5 ཡི། །གདུག་པའི་ཚོགས་ནི་དེ་དག་ཀུན། །མ་ལུས་དུས་གཅིག་བཏུལ་ནས་ནི། །ཕྱིར་མི་ལྡོག་པའི་ས་ལ་བཀོད། །དེ་དག་གསུང་ཡང་སྣ་ཚོགས་ཏེ། །སྤྲུལ་པ་འགྱེད་པས་གསུང་གཅིག་ཏུ། །ཁམས་གསུམ་སྒྲ་ཡིས་གང་བར་མཛད། །ཧཱུ~ཾ་ཧཱུ~ཾ་ཧཱུ~ཾ་བི་ཤྭ་ཀྲོ་དྷ་ཛྭ་ལ་མཎྜལ
151b6 ཕཊ་ཕཊ་ཕཊ། ཧ་ལ་ཧ་ལ་ཧ་ལ་ཧཱུ~ཾ་ཕཊ། ཕཊ་ཕཊ་ཕཊ། ཏྲཏ་ཏྲ་ཏ་ཏྲ་ཏ། ཀྲོ་ཊ་ཀྲོ་ཊ་ཀྲོ་ཊ། ཧ་ལ་ཧ་ལ་ཧ་ལ། ཧུ་ལུ་ཧུ་ལུ་ཧུ་ལུ། ཏིཥྛ་ཏིཥྛ་ཏིཥྛ། བནྡྷ་བནྡྷ་བནྡྷ། ད་ཧ་ད་ཧ་ད་ཧ། གྲྀཧྞ་གྲྀཧྞ་གྲྀཧྞ། པ་ཙ་པ་ཙ་པ་ཙ། ཙྪིནྡ་ཙྪིནྡ་ཙྪིནྡ། གརྫ་གརྫ་གརྫ། ཧཱུ~ཾ་ཧཱུ~ཾ་ཧཱུ~ཾ། བྷྱོ་བྷྱོ་བྷྱོ།
151b7 ཕྲཊ་ཛྭ་ལ་ར~ཾ། ཞེས་པའི་སྒྲ་ཡིས་ཐམས་ཅད་གང་། །ཇི་སྲིད་ནམ་མཁའི་མཐའ་ཐུག་པར། །རི་དང་གླིང་དང་རྒྱ་མཚོར་བཅས། །འཁོར་ཡུག་སྟོང་གསུམ་འཇིག་རྟེན་བཅས། །མ་ལུས་གཡོ་ཞིང་སྒྲས་བཀང་སྟེ། །གདུག་པའི་ཚོགས་དེ་འཁོར་བཅས་པ། །གང་གི
iiif viewer powered by OpenSeadragon
