| e-texts navigator |
| Wylie |
149b1 བར་སྣང་། །དེ་དག་ལམ་ལ་ཞུགས་པ་ཡི། །ཕྱི་ནང་གསང་བ་མ་ལུས་པའི། །སྤྱོད་པའི་ཁྱད་པར་ཐམས་ཅད་ཀུན། །འདིར་ནི་རྒྱས་པར་བསྟན་པ་ཡིན། །ཐབས་དང་ཤེས་རབ་ལྡན་གྱུར་པས། །ཕྱི་ནང་གསང་བ་ལ་སོགས་པ། །སྐབས་ལ་བབ་པའི་རྣལ་འབྱོར་པ། །གང་ཡང་རུང
149b2 བས་སྤྱོད་པར་བྱ། །དང་པོ་རྟོགས་ནས་མཐར་ཐུག་པའི། །ཕྱི་ནང་གསང་བའི་ལམ་སྤྱོད་ལ། །སྤྱད་བྱ་ཡུལ་ཞེས་གང་འདོད་དེ། །ཐམས་ཅད་བླང་དོར་མེད་པར་སྤྱོད། །ཐབས་ཀྱི་ལྟ་སྤྱོད་ཏིང་འཛིན་གྱིས། །པདྨ་ལ་ནི་འདམ་བཞིན་ནམ། །མུན་སྣང་གསེར་འགྱུར་ཐབས་བཞིན
149b3 དུ། །ཐབས་ལ་མཁས་པས་སྤྱད་པར་བྱ། །སྐྱེས་མཆོད་ཐབས་དང་ལྡན་པ་ཡིས། །ཞིང་དང་སྤྱོད་ཡུལ་དག་པ་ལ། །ཆགས་བྲལ་བདེ་བར་གང་སྤྱད་པས། །ནམ་མཁའ་དབྱིངས་ཀྱི་ལོངས་སྤྱོད་ལ། །བདེ་བ་ཆེན་པོར་ལོངས་སྤྱོད་ཅིང་། །ལྷུན་གྱིས་གྲུབ་པའི་བདག་པོར་འགྱུར། །གང
149b4 དག་ཐབས་དང་མི་ལྡན་ཞིང་། །དོན་མེད་ལམ་ལ་མ་འབྲེལ་བར། །སྒྲ་དང་ཚིག་ལ་བརྟེན་པ་ཡིས། །གསང་བའི་སྤྱོད་པ་གང་བརྩམས་པ། །གང་བསྒྲུབས་སྣང་བར་མི་འགྱུར་གྱི། །ནུས་མེད་གཡུལ་དུ་ཞུགས་པ་ལྟར། །བདག་གཞན་གཉིས་ཀ་བརླག་པ་དང་། །མཐོང་བའི
149b5 ཆོས་ལ་སྡུག་བསྔལ་ཞིང་། །ངན་འགྲོ་ལོག་པའི་གནས་སུ་འགྱུར། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་སྤྱོད་པ་རྒྱས་པར་བཤད་པའི་ལེའུ་སྟེ་ལྔ་པའོ།། །།དེ་ནས་གཞན་ཡང་བཤད་བྱ་བ། །རང་བཞིན་ཏིང་འཛིན་གཟུགས་བརྙན
149b6 དང་། །ལྷག་གཉིས་ཏིང་འཛིན་གཟུགས་བརྙན་དང་། །བྱང་ཆུབ་སེམས་དང་ཚོགས་ཉིད་ཀྱི། །དཀྱིལ་འཁོར་དོན་ནི་བཤད་པར་བྱ། །གང་ཕྱིར་དབང་ཡུལ་རྣམ་ཤེས་ཀུན། །གཞན་སྣང་ཐ་དད་མ་ཡིན་པའི། །མ་ལུས་རང་རིག་བྱང་ཆུབ་སེམས། །མ་བཅོས་རང་བཞིན་འོད་གསལ
149b7 བ། །མ་ལུས་ཀུན་གྱི་སྙིང་པོ་སྟེ། །ཕྱོགས་བཅུ་འདས་དང་མ་བྱོན་པའི། །རྒྱལ་བ་རྣམས་ཀྱི་རང་བཞིན་ཡིན། །འཁོར་དང་མྱ་ངན་འདས་པ་ཡི། །ཆོས་རྣམས་མ་ལུས་ཐམས་ཅད་ཀུན། །སྣ་ཚོགས་རང་བཞིན་དབྱེར་མེད་པ། །དེ་ཉིད་རང་བཞིན་ཆོས་སྐུ་ཡིན། །དེ་ཉིད་འཇིག་རྟེན
iiif viewer powered by OpenSeadragon
