| e-texts navigator |
| Wylie |
149a1 སྐྱེ་དང་འགྲིབ་པའི་ཐིག་ལེ་ཉིད། །བཅོ་ལྔ་རྫོགས་པའི་ཐ་མ་ཉིད། །སྦྱོར་བ་ཀུན་ཟད་སྟོང་པའི་ངང་། །དེ་ཉིད་བྱིན་བརླབས་ལས་གྱུར་པ། །ཕྱོགས་དུས་སྣོད་བཅུད་ངོ་བོ་ཉིད། །ཐིག་ལེ་རྡུལ་བྲལ་ཞེན་པ་མེད། །སྒྱུ་མ་གཟུགས་བརྙན་བྲག་ཅ་སོགས། །
149a2 མ་ལུས་བདེ་ཆེན་རང་བཞིན་དུ། །ཐུན་མོང་དྲན་རྟོག་རང་འགགས་ནས། །བདེ་ཆེན་སྒྱུ་མ་མངོན་སུམ་སྣང་། །བདེ་བ་ཆེན་པོའི་སྐུ་གསུང་ཐུགས། །བཅུད་ལྔ་ཞུ་བའི་ཡེ་ཤེས་རོ། །ཐམས་ཅད་རྩེ་གཅིག་དྲན་པ་ཉིད། །དབྱེར་མེད་ཐབས་དང་ཤེས་རབ་སྟེ། །དྲན་པ་གཅིག
149a3 ཏུ་མྱོང་བ་ཉིད། །ཐབས་དང་ཤེས་རབ་འབྲེལ་བ་ཡིས། །ས་ཡ་བཅུ་གསུམ་གྲངས་མེད་པའི། །ཐིག་ལེ་བདེ་བ་ཉིད་སྣང་བ། །རང་རང་མ་འདྲེས་ཐིག་ལེ་ལ། །སྐུ་གསུང་ཐུགས་དང་དྲན་པ་དང་། །ཡེ་ཤེས་ལྔ་ཡི་རྒྱས་བཏབ་སྟེ། །མ་ལུས་ཐིག་ལེའི་ཚོགས་སུ་སྣང་། །རང་འབྱུང
149a4 བདེ་ཆེན་རིག་པའི་ལྷ། །གཅིག་དང་གྲངས་ལས་འདས་པ་ཡང་། །ཉི་ཟླ་གཉིས་ཀྱི་གདན་ལ་བཞུགས། །ཁྱབ་པ་ཐིག་ལེའི་གུར་ནང་ནས། །བཞུགས་ནས་བདག་པོ་རྟེན་བདག་ཅན། །རྩ་བཅུད་འབྲེལ་བའི་རྒྱན་དང་བཅས། །ཀ་བ་གསུམ་དང་ཕོ་བྲང་བཞི། །ལྡེ་མིག
149a5 གཉིས་ལ་འབྱེད་པ་བཞི། །སྒོ་བཞི་ཕྱེ་བས་གཞལ་ཡས་ཁང་། །ལྷ་དང་བཅས་པ་མངོན་དུ་འགྱུར། །དགོན་པ་དུར་ཁྲོད་ལྡན་པ་ཡི། །གསང་བའི་འོག་མིན་འབར་བ་ཉིད། །རིམ་པ་ཕྱི་ནང་བར་ལྡན་པར། །ཉི་ཟླ་པདྨའི་གདན་སྟེངས་ནས། །དུས་གསུམ་ཐིག་ལེར་རོ་གཅིག
149a6 པའོ། །བདེ་ཆེན་གཉིས་སུ་མེད་པར་བཞུགས། །ཐབས་དང་ཤེས་རབ་དབྱེར་མེད་པའི། །ཚོམ་བུའི་ཚོགས་ཀྱང་དེ་བཞིན་ཏེ། །ཐུན་མོང་དམ་ཚིག་ཏིང་འཛིན་དང་། །བྱང་ཆུབ་ཤེས་རབ་སྙིང་རྗེ་ལྔ། །གཞན་དུ་ཐབས་དང་ཤེས་རབ་དང་། །སྤྱད་དང་གླུ་གར་རྒྱན་དང་བཅས། །
149a7 མ་སྤངས་རོལ་བར་ལོངས་སྤྱོད་པས། །ཡེ་ཤེས་ཉི་ཟླ་རྒྱུན་འཆར་བ། །རླུང་སེམས་ཡེ་ཤེས་བཅས་པ་ཉིད། །རྒྱུ་བ་མེད་པས་ཟག་པ་བྲལ། །ནམ་མཁའི་མཐར་ཐུག་བར་ཉིད་དུ། །ཟག་མེད་བདེ་བ་རྒྱུན་མི་འཆད། །དེ་ཉིད་ཚད་མེད་དཀྱིལ་འཁོར་ཏེ། །བདེ་ཆེན་མངོན་དུ་གང
iiif viewer powered by OpenSeadragon
