| e-texts navigator |
| Wylie |
147b1 བའི་ས་བོན་ཅན། །རྩེ་མོའི་འོག་མས་རེག་པའི་ཁམས། །གཏུམ་མོ་ལྟེ་འོག་འབར་བའི་རྩ། །སྐྱེས་བུ་ཆགས་པ་སློང་བ་ལྟར། །འདི་དག་བདེ་བ་བསྐྱེད་པ་སྟེ། །གནས་ས་ཚད་དང་བཅས་པར་གནས། །དེ་འོག་གཡོ་བ་རླུང་གི་རྟེན། །འབྱེད་དང་འཛུམས་པའི་ལས་ཅན་ཉིད། །
147b2 དེ་དང་དེ་གཉིས་གང་ལྡན་པས། །ལུས་ཀྱི་དངས་སྙིགས་འདིས་འབྱེད་པ། །བྱེ་བྲག་བརྒྱད་ཅུ་རྩ་གཉིས་རྩ། །འདུས་པས་སྐུ་གསུང་ཐུགས་ཡིན་ཏེ། །ལྟེ་བ་ཐུར་དུ་འཛག་པའི་རྩ། །རྩ་གསུམ་འདོམ་པའི་བདེ་བའི་གནད། །རྒྱུ་བ་རླུང་ནི་ཐིག་ལེར་རྟེན། །འགྱེད་ཅིང
147b3 འདུད་པ་གཡས་གཡོན་ཏེ། །བཅུ་དྲུག་འདུས་པའི་སྲོག་རྩེ་གོང་། །རྩ་གསུམ་མགྲིན་པར་འདུས་པ་ནི། །སྒྲ་སྦྱོར་འཁོར་ལོ་ངག་གི་གནད། །དེ་ནས་དངས་མའི་ཐིག་ལེ་ལ། །མ་ལུས་འདུས་པའི་ཚུལ་དུ་གནས། །རིག་པའི་རྩ་ལ་བཅུད་འདུས་པས། །ཐོགས་མེད
147b4 གསལ་བའི་མངོན་ཤེས་འབྱུང་། །ཕྱི་རོལ་ཟག་པའི་རྩ་ཉིད་ལ། །བདེ་བ་ཆེན་པོའི་བཅུད་འདུས་པས། །བདེ་ཆེན་ཉམས་ཉིད་སྐྱེ་བར་འགྱུར། །ཆོས་ཉིད་ཐིག་ལེ་མི་གཡོ་བ། །དངས་མ་འདུས་པའི་བཅུད་ཐིམ་པས། །ཡེ་ཤེས་ལྔ་དང་ལྡན་པ་ཡི། །ཟག་མེད་ཡེ
147b5 ཤེས་བདེ་བ་ཆེ། །ནམ་མཁའི་དབྱིངས་ནི་རྒྱ་ཆེ་བ། །ཐོག་མཐའ་མེད་པར་ཁྱབ་པར་འགྱུར། །འདི་ཉིད་རྟོགས་དང་མ་རྟོགས་ལས། །འཁོར་དང་མྱ་ངན་འདས་པ་ཡི། །སྤྱོད་པ་སྣ་ཚོགས་འབྱུང་བར་འགྱུར། །ཐབས་ཀྱི་ཁྱད་པར་ཕྱག་རྒྱ་ལྔ། །བསྐྱོད་པ་རླུང་དང་འབར
147b6 བ་མེ། །ཐིག་ལེ་ཆུ་དང་འཛིན་པས། །བདེ་ཆེན་ནམ་མཁའི་ཕྱག་རྒྱར་གསལ། །བདེ་བས་བདེ་བའི་དོན་མཐོང་བས། །རྩ་དང་ཐིག་ལེ་རླུང་དག་དང་། །བདེ་བ་རང་རིག་མ་སྐྱེས་པ། །དེ་ཉིད་བདེ་ཆེན་མི་རྟོག་པ། །རང་རྒྱུད་བྲལ་བས་ཟག་པ་མེད། །རང་རྒྱུད་མེད་པའི་བདེ
147b7 བ་ཉིད། །དངས་མའི་ཐིག་ལེས་ཀུན་ཁྱབ་པས། །ཕྱི་ནང་དབང་པོར་བཅས་པ་ཡིས། །བདེ་བ་སྒྱུ་མའི་རང་བཞིན་འཆར། །མ་ལུས་བདེ་བ་ཆེན་པོ་ཉིད། །དེ་ལ་དེ་ཡིས་རྒྱས་བཏབ་པས། །བདེ་བ་མི་རྟོག་ལྷན་ཅིག་སྐྱེས། །ཕྱག་རྒྱ་གཅིག་ཏུ་གསལ་བར་གནས། །གང་དུ་འཁོར
iiif viewer powered by OpenSeadragon
