| e-texts navigator |
| Wylie |
145a1 དཔེར་ན་དུག་དང་ལྡན་པ་ལ། །ཐབས་ཀྱི་ཁྱད་པར་ཇི་བཞིན་དུ། །རྟོགས་པའི་ཁྱད་པར་ཇི་བཞིན་དུ། །བདེ་དང་སྡུག་བསྔལ་སྣ་ཚོགས་རྒྱུན། །རང་བཞིན་གཉིས་མེད་དག་པ་ལས། །བརྟགས་པའི་བྱེ་བྲག་ཁྱད་པར་གྱིས། །མི་མཐུན་བདེ་སྡུག་སྣ་ཚོགས་མྱོང་། །
145a2 མ་བཅོས་དབྱིངས་ལས་གཡོས་པ་མེད། །གང་དག་ཐུན་མོང་ངོ་དག་ལས། །ལས་དང་བྱ་བ་སྒོ་ནས་ནི། །སྤྱད་དང་སྤྱོད་དང་སྤྱོད་འགྱུར་ཕྱིར། །འདི་སྐད་སྤྱོད་པས་སྤྱོད་པར་གསུངས། །རང་བཞིན་རྒྱལ་བའི་སྤྱོད་པ་ཡིས། །ཆུ་དང་རླབས་ལྟར་ཁྱབ་གྱུར་ཀྱང་། །སྤོང་ལེན་བྱ་བ་སྣ
145a3 ཚོགས་ལས། །སྤྱོད་པ་ཐབས་ཀྱིས་ཟིན་པ་མེད། །གང་ཕྱིར་ཐབས་དང་ཤེས་རབ་དང་། །སྒྲ་དང་རྟོགས་པ་སྣ་ཚོགས་ཀྱིས། །ཐུན་མོང་ཡུལ་དུ་མ་གྱུར་པ། །ཐུན་མོང་མ་ཡིན་ཐབས་སྤྱོད་དེ། །ལ་ལར་ཐུན་མོང་ཉིད་དུ་སྟེ། །ཐར་པ་དང་ནི་མ་ཐར་པ། །ཀུན་དུ་རྒྱུ་དང་མུ་སྟེགས
145a4 དང་། །བུད་མེད་དང་ནི་མ་རབས་དང་། །རྒྱལ་པོ་དཔའ་བོ་དཀའ་ཐུབ་ཅན། །བྱིས་པ་ལ་སོགས་ཐ་དད་དེ། །ལ་ལར་དགོད་དང་དྲག་པོ་དང་། །གཤེ་དང་འཇིགས་དང་ཞི་བ་དང་། །ལ་ལར་དེ་བཞིན་ཆགས་ཆེན་པོ། །གཡོ་སྒྱུ་སྤྱོད་དང་གཡེམ་པར་སྟོན། །ཞི་དང་རྐུ་དང
145a5 ཕྲག་དོག་སྤྱོད། །འདོད་དང་ལོངས་སྤྱོད་གཟིར་བ་དང་། །གླུ་བྲོ་གར་དང་འཇོ་སྒེག་དང་། །དེ་བཞིན་འཇིགས་དང་སྡིགས་པ་དང་། །མ་རུངས་པ་དང་རྣམ་པར་འཚེ། །ཞིང་ཁམས་རྫུ་འཕྲུལ་སྤྱོད་པ་དང་། །ངོ་མཚར་ཆོ་འཕྲུལ་དུ་མ་དག་།གང་དང་གང་གིས་མཛད་པ
145a6 དག། །སྐྱེ་བོ་མ་ལུས་འདུལ་བའི་ཕྱིར། །མཛད་པ་མཐའ་ཡས་རྣམ་པར་སྟོན། །ཞི་ལ་ཚངས་དང་ཁྲོ་ལ་ཁྲོ། །ཐར་པ་ན་ཆུང་མཛེས་དང་རོལ། །གདུང་དང་རྨོངས་དང་སྡུག་བསྔལ་བ། །རང་རང་དེད་དཔོན་མཐའ་ཡས་པའི། །སྐུ་ཡི་རོལ་པ་མཐའ་ཡས་སྟོན། །བྱིན
145a7 གྱིས་བརླབས་དང་རང་སྣང་དང་། །བརྡ་དང་རིག་པ་ཏིང་འཛིན་དང་། །ཚིག་ཏུ་ཆགས་སྡང་རྨོངས་པ་དང་། །ཤིན་ཏུ་རྒྱལ་དང་ཕྲག་དོག་དང་། །འཇམ་དང་དལ་དང་སྙན་མི་སྙན། །རྩུབ་དང་དྲག་དང་སྦོམ་ཕྲ་དང་། །རིང་ཐུང་རོལ་མོ་ལྷ་ཀླུ་དང་། །མི་དང་མི་མིན
iiif viewer powered by OpenSeadragon
