| e-texts navigator |
| Wylie |
142b1 གྲུབ་སྟེ། །ཕྱི་ནང་བདག་གཞན་མ་ལུས་པ། །ཐམས་ཅད་དབྱེར་མེད་དེ་བཞིན་ཉིད། །ཐབས་བྲལ་ཀུན་ལ་རྒྱས་བཏབ་པས། །མུན་པའི་ཚོགས་སུ་གྱུར་པ་ཡིན། །མུན་སྣང་དུག་དང་གསེར་འགྱུར་རྩི། །ཐབས་མཁས་རང་བཞིན་ངེས་འགྱུར་ལྟར། །གང་དེའི་ལྟ་སྤྱོད་ཏིང་འཛིན་གྱིས། །
142b2 དེ་མ་ཐག་ཏུ་དེ་བཞིན་འགྱུར། །དབྱེར་མེད་ནམ་མཁའི་རང་བཞིན་དུ། །ཁ་དོག་དབྱིབས་དང་རྫས་ལ་སོགས། །མ་ལུས་ཐ་དད་མེད་པ་ལྟར། །ཐབས་མཁས་མ་ལུས་དེ་བཞིན་འགྱུར། །ཐ་མལ་པ་དང་ལོག་པ་དང་། །དཀའ་ཐུབ་ཅན་དང་རྐྱེན་རྟོགས་དང་། །ཕྱི་ནང་ཅན་དང་ཐ་དད
142b3 ཅན། །གཙང་སྨེ་ཅན་དང་ཕྱོགས་རྟོགས་ཉིད། །མཉམ་ཉིད་ལྟ་ལས་གང་འདས་པ། །ངོ་བོ་ཉིད་དང་ཐབས་དག་དང་། །དབང་པོ་ལ་སོགས་ལོག་པ་ཡིས། །དེ་ཉིད་གནོད་པའི་སྟོབས་སུ་འགྱུར། །གང་ལ་གང་གིས་ཟིན་པའི་ནད། །ཐབས་དང་བརྩོན་འགྲུས་ལེགས་པ་ཡིས། །དེ་ལྟར
142b4 བརྩོན་པའི་ཁྱད་པར་གྱིས། །དེ་ཉིད་མ་སྤངས་རྣམ་པར་དག་།གང་ཕྱིར་དེ་ཉིད་ངེས་པ་ལ། །རྟོགས་དང་མ་རྟོགས་ཁྱད་པར་གྱིས། །ཐ་དད་ཆོས་སུ་གང་སྣང་བ། །དངོས་ལ་དེ་ལྟར་གནས་པ་མིན། །རྡོ་རྗེ་སྐྱེ་མེད་ཤེས་རབ་སྟེ། །མེ་ལོང་ཐབས་ཉིད་སྣ་ཚོགས་སྣང་། །གཉིས་མེད་འབྲེལ
142b5 པའི་མཉམ་པ་ཉིད། །མ་ལུས་དབྱེར་མེད་དམ་པར་བཤད། །དེ་ནས་རྟོགས་སྒོ་བཤད་བྱ་བ། །གང་ལ་གང་གི་དོན་མེད་པས། །ལྟ་དང་སྤྱོད་དང་ལམ་འབྲས་དག་།འདི་ཉིད་དོན་གཉེར་གཞན་མེད་པའོ། །གང་གིས་དེ་དག་དེ་དོན་དུ། །ཚིག་དང་སྔགས་རྫས་དཀའ་ཐུབ་ཀྱིས། །
142b6 གང་བསྟན་དེ་ཡི་བྱིན་བརླབས་ཀྱིས། །བདག་གཞན་ཕན་པར་གང་འདོད་པའོ། །གང་ལས་གྱུར་པ་དེ་ཞིག་པས། །ལུས་སེམས་འབྱུང་བའི་བག་ལ་གནས། །ཕྱིན་ཅད་ཕན་གནོད་ཆོས་མེད་པས། །དཀའ་ཐུབ་འབད་རྩོལ་མི་དགོས་སོ། །གང་ཕྱིར་བྱེད་པའི་རྒྱུ་བཞི་དག་།མཉེས
142b7 དང་དག་པས་བདེ་བྱའི་ཕྱིར། །ལས་དང་དཀའ་ཐུབ་དྲག་ཤུལ་གྱིས། །གྲོལ་ཞིང་ཐར་བར་འདོད་པར་སྣང་། །བདེན་བཞི་བཅུ་དྲུག་ཐ་དད་ལམ། །ཁམས་གསུམ་མཐོང་བསྒོམ་སྤོང་ཚུལ་གྱིས། །རང་དོན་ཟག་པ་ཀུན་བྲལ་ནས། །རང་དོན་ཐར་པ་མྱ་ངན་འདས། །རྐྱེན་རྟོགས
iiif viewer powered by OpenSeadragon
