| e-texts navigator |
| Wylie |
142a1 པའི་སྙིང་པོ་སྟེ། །འཁོར་བ་ཉིད་ན་མྱ་ངན་འདས། །རྣམ་པར་དག་པའི་དབྱིངས་སུ་མཁྱེན། །སྒྲོ་དང་སྐུར་པ་ཀུན་བྲལ་བའི། །ཐམས་ཅད་རང་སྣང་སྙིང་པོ་ལས། །སྣ་ཚོགས་མ་ལུས་རྣམ་པར་འཕྲུལ། །དངོས་དང་དངོས་པོ་མེད་མིན་ཞིང་། །གང་ལ་དེ་ཉིད
142a2 ཡུལ་འདས་པ། །ནམ་མཁའ་ལྟ་བུར་དཔག་མེད་པ། །ཕྱོགས་རིས་མཐའ་དབུས་རྒྱ་དཔག་མེད། །གང་གིས་གང་ལ་ཁྱབ་པ་ལྟར། །མཁའ་སོགས་རྡུལ་བྲལ་འབྱུང་བའི་བཅུད། །ཟག་པ་མེད་པའི་སྙིང་པོ་ཉིད། །ལུས་ཅན་ཀུན་གྱི་དབང་པོ་དང་། །དངས་མར་འབྲེལ
142a3 བར་གང་སྣང་ཡང་། །མཐོང་པ་ལོག་པའི་སྟོབས་ཀྱིས་སྒྱུར། །བདག་གཞན་མེད་པའི་རང་སྣང་ཡིན། །མ་ལུས་ཐམས་ཅད་དབྱེར་མེད་པའི། །ཐབས་དང་ཤེས་རབ་བཅུད་ལྔའི་རྒྱུན། །ལོངས་སྤྱོད་ཐབས་སུ་བཅས་པ་ཉིད། །འགྲོ་བ་ཀུན་ལ་ཁྱབ་པར་གནས། །གང་ཡང
142a4 ཐབས་དང་ཤེས་རབ་ཀྱི། །སྒྱུ་འཕྲུལ་དྲ་བའི་རང་བཞིན་ཉིད། །རང་བཞིན་དབྱེར་མེད་བྱང་ཆུབ་སེམས། །བདེ་བ་ཆེན་པོའི་ངོ་བོ་ཉིད། །འདས་དང་ད་ལྟར་མ་བྱོན་གྱི། །རྒྱལ་བ་རིག་འཛིན་མཐའ་ཡས་དང་། །མ་ལུས་ཀུན་གྱིས་རྟོགས་བྱ་བ། །ཕྱོགས་མེད་ཁྱབ་པའི་ངོ་བོར་གནས། །
142a5 གང་སྣང་མ་ལུས་དེ་བཞིན་ཉིད། །མ་བཅོས་མ་བྱས་ཞི་བ་སྟེ། །གཅིག་དང་དུ་མ་ལས་འདས་པ། །སངས་རྒྱས་ཀུན་གྱི་རང་བཞིན་ཉིད། །མཐའ་བྲལ་ནམ་མཁའི་རང་བཞིན་ལྟར། །མ་ལུས་གནས་པ་དེ་དག་ཀྱང་། །རྟོགས་པའི་ཁྱད་པར་དབང་པོ་ཡི། །མཐོང་ཚུལ་དག
142a6 དང་མ་དག་གིས། །རང་བཞིན་ཡུལ་དུ་མ་གྱུར་པས། །ཕྱི་ནང་གསང་བ་ལ་སོགས་པའི། །དབང་དང་མན་ངག་འབྲེལ་བ་ཡིས། །དེ་ཉིད་མཐོང་རྟོགས་དོན་ཕྱིར་བཤད། །གང་ཕྱིར་རྡོ་རྗེ་སློབ་དཔོན་ཉིད། །ཡོན་ཏན་ཡོངས་རྫོགས་ནུས་པ་ཅན། །དད་དང་བརྩོན་འགྲུས
142a7 བརྟུལ་ཞུགས་ཅན། །ཤེས་རབ་ཁྱད་པར་གང་ལྡན་ལ། །དབང་དང་དམ་ཚིག་མན་ངག་དང་། །རྒྱུ་རྐྱེན་འབྲེལ་པའི་ནུས་པ་ཡི། །བདེ་བ་གསལ་བ་མི་རྟོག་པ། །ཐབས་ཀྱིས་ཕུན་སུམ་ཚོགས་པར་འགྱུར། །གསང་བའི་གསང་ཆེན་སྙིང་པོ་ཉིད། །སྐུ་གསུང་ཐུགས་ཀྱི་དངོས
iiif viewer powered by OpenSeadragon
