| e-texts navigator |
| Wylie |
141b1 བ། །ཡེ་ཤེས་སྒྱུ་མ་ལྷུན་གྱིས་གྲུབ། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་གླེང་བསླང་བ་བཤད་པའི་ལེའུ་སྟེ་གསུམ་པའོ།། །།དེ་ནས་གཞན་ཡང་བཤད་བྱ་བ། །ཀུན་གྱི་ཤེས་བྱ་ཡུལ་བཤད་པ། །ཆོས་རྣམས་མ་ལུས་ཐམས་ཅད
141b2 ཀུན། །གཅིག་དང་ཐ་དད་ཀུན་བྲལ་བའི། །མཐའ་དང་དབུས་མེད་དེ་བཞིན་ཉིད། །སྒྲོ་སྐུར་ཀུན་བྲལ་མཉམ་པ་ལས། །རྟོགས་དང་མ་རྟོགས་ཁྱད་པར་ལས། །སྣ་ཚོགས་ཆོས་ནི་རྣམ་པར་འཕྲུལ། །གཞི་དང་རྩ་བ་ལས་འདས་པའི། །རང་བཞིན་དབྱེར་མེད་དེ་བཞིན་ཉིད། །
141b3 དངོས་མེད་དངོས་པོ་ཡུལ་འདས་ལ། །འཁོར་དང་མྱ་ངན་འདས་པ་ཡི། །ངོ་བོ་སྣ་ཚོགས་རང་སྣང་བ། །གཉིས་མེད་ཐབས་ཆེན་རྡོ་རྗེ་ཉིད། །ེ་མའོ་གཉིས་མེད་བདེ་ཆེན་ལས། །སྣ་ཚོགས་གནས་དང་ལོངས་སྤྱོད་དང་། །རིགས་དང་ཁ་དོག་ཚེ་ཚད་དང་། །བདེ་སྡུག་དབང་པོ་བྱེ
141b4 བྲག་དག་། རང་བཞིན་སྣ་ཚོགས་རྣམ་པར་འཕྲུལ། །སྒྱུ་མ་ཆུ་ཟླ་འཇའ་ཚོན་ལྟར། །བྱང་ཆུབ་སེམས་ཀྱི་ངོ་བོར་གནས། །ལས་དང་རྐྱེན་གྱིས་གང་སྣང་བ། །རང་རང་ཞེན་པའི་ཐ་དད་ཀྱིས། །དབང་པོ་ཁྱད་པར་སྣ་ཚོགས་པའི། །རྟོག་པའི་ནུས་པ་སྣ་ཚོགས་མཐོང་། །རང་བཞིན
141b5 གཞི་རྩ་མེད་པའི་དབྱིངས། །ལྷན་ཅིག་སྐྱེས་དང་ཀུན་བརྟགས་པའི། །མ་མཐོང་ལོག་ཞེན་རྟས་པ་ཡིས། །འཁྲུལ་འཁོར་ལོག་པའི་སྟོབས་སུ་སྣང་། །འཁོར་བ་མ་བསལ་དག་པ་ཡི། །ཞིང་དང་སྤྱོད་ཡུལ་ལོངས་སྤྱོད་དང་། །ཏིང་འཛིན་དབང་སྟོབས་རྫུ་འཕྲུལ་དང་། །མངོན
141b6 ཤེས་ཡེ་ཤེས་དཔག་མེད་པའི། །སྣ་ཚོགས་སྐུ་དང་གསུང་ཐུགས་དང་། །ཡོན་ཏན་ཕྲིན་ལས་རང་སྣང་བ། །བདག་གཞན་ལྷུན་གྱིས་གྲུབ་པའི་དོན། །སྣ་ཚོགས་ཡིད་བཞིན་ནོར་བུ་ལྟར། །མ་བསགས་ལྷུན་གྱིས་གྲུབ་པའི་སྐུ། །སྣ་ཚོགས་ཀུན་དང་དབྱེར་མེད་པའི། །ཀུན་ལ
141b7 ཡིད་བཞིན་མཐུན་པར་སྣང་། །ཀུན་ཀྱང་རང་འབྱུང་བྱང་ཆུབ་སེམས། །བདེན་པ་དབྱེར་མེད་དོན་དུ་སྣང་། །གང་ཕྱིར་ནམ་མཁའི་རང་བཞིན་ལྟར། །གང་ལ་དེ་ལྟར་སྣང་བ་ལས། །ཡང་དག་གཅིག་ཏུ་གཟུང་དུ་མེད། །མ་བཅོས་རང་འབྱུང་ཞི་བ་ཉིད། །རྣམ་པར་དག
iiif viewer powered by OpenSeadragon
