| e-texts navigator |
| Wylie |
141a1 དང་ཡེ་ཤེས་ལྔས། །ཐབས་དང་རང་བཞིན་འབྲེལ་པ་ཡིས། །འགྲོ་བ་ཀུན་ལ་རྒྱས་བཏབ་པའོ། །སྣོད་བཅུད་བདེ་བའི་རང་བཞིན་གྱིས། །མ་ལུས་ལྷན་ཅིག་སྐྱེས་པར་གནས། །གཡོ་ལྡང་སྨོན་འཇུག་གནས་མཐར་ཕྱིན། །སྐྱེ་བའི་གཞི་དང་ཐབས་དག་དང་། །
141a2 སྐྱེས་ནས་མཐར་ཕྱིན་ཡེ་ཤེས་ལྔ། །སངས་རྒྱས་ཀུན་གྱི་རང་བཞིན་ཉིད། །ཇི་ལྟ་བ་བཞིན་རྣམ་པར་གནས། །འགྲོ་བ་མོས་པའི་ཁྱད་པར་གྱིས། །གཟུགས་དང་ཁ་དོག་སྔགས་དང་འོད། །དཀྱིལ་འཁོར་ལ་སོགས་སོ་སོར་གནས། །གང་ཟག་བློ་དང་འཚམ་པར་བསྟན། །རྟེན་དང
141a3 བརྟེན་ཅན་ལས་བྱུང་བའི། །རང་འབྱུང་བདེ་ཆེན་མི་རྟོག་པ། །ལུས་མེད་ལུས་ལ་གནས་པ་ཡི། །ཁྱབ་པ་གཉིས་མེད་གང་བའི་ཚུལ། །གང་ཕྱིར་ཟག་མེད་བདེ་བ་ཡི། །ཏིང་འཛིན་བདེ་བ་ཁྱད་པར་ཅན། །རང་བཞིན་བརྟགས་དང་སྣང་བ་དང་། །བྱིན་རློབ་ནུས་པའི་ལྷ་ཡིས་ནི། །ཕྱི
141a4 ནང་སྣོད་བཅུད་སྐུ་གསུང་ཐུགས། །མ་ལུས་སྦྱོར་བ་གསུམ་ལས་བྱུང་། །རྩ་དང་རླུང་དང་ཐིག་ལེ་དག་།རིམ་པར་བསྟེན་དང་སྦྱོར་བ་དང་། །འཕེན་དང་སྡུད་པ་རླུང་གིས་ཏེ། །དངས་མར་ཡེ་ཤེས་རླུང་གིས་འཇུག་།སྟེང་དང་འོག་ལས་བྱུང་བ་ཡི། །བདེ་བའི་ཐིག་ལེ་རིམ་པ་དག་།
141a5 དངས་སྙིགས་རླུང་གི་ཁྱད་པར་གྱིས། །ཇི་ལྟར་འདོད་པའི་འབྲས་བུ་ཉིད། །རྐྱེན་གྱིས་ནུས་པ་ཕྲད་པ་ལྟར། །རྒྱུ་གཅིག་ནུས་པ་སོ་སོར་སྣང་། །འཇིག་རྟེན་འདས་དང་འཇིག་རྟེན་པའི། །ལམ་ནི་རྩ་དང་ཐིག་ལེ་དང་། །རླུང་ནི་ཕྱི་ནང་དངས་སྙིགས་དང་། །ལམ་དང་རྒྱུ་བའི་ཚུལ་ལས་བྱུང་། །
141a6 གང་ཕྱིར་མེད་དང་ནུས་པ་མེད། །སྟོངས་དང་ལོག་པའི་ནུས་མཐུ་ཡིས། །རང་ལུས་འཇིག་དང་སྡུག་བསྔལ་ཞིང་། །དབང་པོ་མ་ཚང་དམན་པར་གྱུར། །གང་ཕྱིར་ཐུན་མོང་ཐུན་མོང་མིན། །སེམས་ལྔ་ཡེ་ཤེས་ལྔ་བསྟན་པ། །རང་བཞིན་ཏིང་འཛིན་གཟུགས་བརྙན་དུ། །གཟུངས་མ
141a7 རིགས་ལ་རྟེན་བཅས་པའི། །སེམས་ལྔ་ཡུན་རིང་ཐུང་བཅས་པས། །བདག་གཞན་ཆོས་རྣམས་མ་ལུས་པ། །ལྷན་ཅིག་སྐྱེས་པའི་ཡེ་ཤེས་ཏེ། །དངོས་པོ་མ་ཡིན་དངོས་མེད་མིན། །བདག་གཞན་གཉིས་ཀ་གཉིས་མེད་མིན། །རང་འབྱུང་བདེ་ཆེན་སྒྱུ་མ་ཉིད། །རྡོ་རྗེ་བརྟན་པོ་རང་སྣང
iiif viewer powered by OpenSeadragon
