| e-texts navigator |
| Wylie |
140b1 སྨིན་བྱའི་ཕྱིར། །སྐུ་གསུང་ཐུགས་ཀྱི་རང་བཞིན་ལས། །སྤྲུལ་པ་རྣམས་ནི་རྣམ་པར་འཕྲུལ། །སྐུ་དང་གསུང་ཐུགས་སྣ་ཚོགས་ཀྱིས། །ཆོས་ཀྱི་འཁོར་ལོ་རྣམ་པར་བསྐོར། །རྒྱལ་བའི་དཀྱིལ་འཁོར་དེ་དག་ཀྱང་། །སྟོན་པ་འཁོར་གྱིས་གཅིག་ལ་གཅིག་།ཡབ
140b2 དང་ཡུམ་དང་གཉིས་མེད་དང་། །གང་ལ་གང་གིས་གླེང་བསླང་བ། །བརྡ་དང་དགོངས་པའི་ཚིག་གིས་ཏེ། །བསྟན་པའི་ཚོགས་ནི་སྣང་བར་འགྱུར། །འཕེན་པ་རླུང་གི་སྦྱོར་བ་ཡིས། །ཐབས་དེས་ཡུམ་ལ་གང་བསྐུལ་བས། །གཉིས་མེད་འབྲེལ་པའི་ཆགས་པའི་འོད། །ས
140b3 ཡ་བཅུ་གསུམ་སྐུ་གསུང་ཐུགས། །བདེ་ཆེན་ལྷ་རུ་གསལ་བྱས་ཤིང་། །ནམ་མཁའི་ཡེ་ཤེས་མངོན་ཕྱུང་ནས། །བདེ་བའི་ཡེ་ཤེས་གསལ་བའི་རོ། །སྐྱེ་དང་དགའ་དང་གནས་པ་དང་། །འགྲོ་འོང་ཉིད་ལས་ཤེས་པར་འགྱུར། །གང་གིས་གང་ལ་གང་བསླང་བས། །
140b4 གང་རྐྱེན་དབང་གིས་དེ་དག་ལས། །ཡེ་ཤེས་གསལ་བར་གང་སྣང་བས། །སྣང་སྲིད་ལུས་དང་དངོས་པོར་བཅས། །ནམ་མཁའི་ཡེ་ཤེས་ཅིར་ཡང་སྣང་། །ནང་གི་གླེང་བསླང་ཐབས་ཆེན་ཡིན། །གང་ཕྱིར་ཐབས་ཀྱིས་ཤེས་རབ་ལ། །ཆགས་པའི་གླུ་དང་སྦྱོར་བས་བསྐུལ། །
140b5 ཤེས་རབ་ཐབས་ལ་ལན་བསྐུལ་བའང་། །ཤ་ད་པ་ཡི་གླུ་གར་དང་། །སྔགས་སྦྱོར་བ་ཡི་རིམ་པ་ཡིས། །ཕྱག་རྒྱ་བཞི་ཡིས་མངོན་སྦྱར་བས། །ཐབས་དང་ཤེས་རབ་གཉིས་མེད་པའི། །རྒྱུ་བ་རླུང་གི་སྦྱོར་བ་ཡིས། །དགུག་དང་བཀུག་པའི་ཐབས་ཉིད་དེ། །
140b6 དབབ་དང་གཟུང་དང་བསྐྱིལ་བ་དང་། །ཟློག་དང་གཟུང་དང་སྦྱར་བ་ཡིས། །བསྐྱེད་དང་རྫོགས་དང་རྫོགས་ཆེན་པོ། །ཐུན་མོང་ཐུན་མོང་མ་ཡིན་པའི། །མཐར་ཐུག་རིམ་པ་ལས་བྱུང་བའི། །ཀུན་ཀྱང་སེམས་ལྔར་སྣང་བ་སྟེ། །ཐབས་ལས་བྱུང་བའི་ཐིག་ལེ་དང་། །ཤེས་རབ
140b7 གསང་བའི་ཐིག་ལེ་དང་། །གཉིས་མེད་བདེ་བ་ལས་བྱུང་བ། །སེམས་ལྔ་རིམ་པར་སྣང་བར་འགྱུར། །ཐབས་དང་ཤེས་རབ་མཉམ་སྦྱོར་ཞིང་། །སྐུ་དང་གསུང་ཐུགས་ལས་བྱུང་བ། །བྱེ་བྲག་བརྒྱད་ཅུ་ཀུན་འདུས་པ། །དཀྱིལ་འཁོར་བཞི་བཅུ་རྩ་གཉིས་ཏེ། །སྐུ་གསུང་ཐུགས
iiif viewer powered by OpenSeadragon
