| e-texts navigator |
| Wylie |
140a1 འདུས་པ་སྟེ། །དེ་ལྟར་གྲགས་པའི་ཆོས་རྣམས་ཀུན། །རྟོག་པའི་ཆོ་ག་ཀུན་བཤད་པའི། །རྒྱུད་ཆེན་སྒྱུ་འཕྲུལ་དྲ་བ་སྟེ། །སངས་རྒྱས་ཀུན་གྱི་གསུང་གི་མཆོག་།ཐོག་མ་བར་དང་མཐར་དགེ་བ། །དུས་གསུམ་རྒྱལ་བ་ཀུན་གྱིས་གསུངས། །རྡོ་རྗེ་སེམས་དཔའ
140a2 སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་གླེང་གཞི་རྣམ་པར་བཤད་པའི་ལེའུ་སྟེ་གཉིས་པའོ། ། །།དེ་ནས་གཞན་ཡང་བཤད་བྱ་བ། །གང་ཟག་ཐབས་ནི་ཐུན་མོང་དུ། །བློ་ཡི་ཡུལ་དུ་གང་གྱུར་པ། །དེ་ནི་ཐུན་མོང་ཡུལ་ཉིད་དེ། །གང་ཟག་ཐབས་དང་སྟོན་པ
140a3 ཉིད། །དེ་ཡི་སྤྱོད་ཡུལ་མ་གྱུར་ཅིང་། །ཐབས་ཆེན་གསང་བ་དང་ལྡན་པ། །དེ་ནི་ཐུན་མོང་མ་ཡིན་པའོ། །དེ་ཉིད་སྐྱེ་བོ་འཁོར་གཉིས་དོན། །རྣམ་གཉིས་ཚུལ་དུ་སྣང་བར་མཛད། །ཕུང་པོ་ཁམས་དང་སྐྱེ་མཆེད་ཉིད། །རྒྱལ་བ་ཡབ་ཡུམ་སེམས་དཔའ་དང་། །སེམས་མ་ཉིད་དུ་ལྷུན
140a4 གྱིས་གྲུབ། །གསང་ཡུལ་དབང་པོ་རྣམ་ཤེས་རེག་།མ་ལུས་འཇོམས་ཕྱིར་ཁྲོ་བོ་སྟེ། །རྟགས་སོགས་མཚན་མ་ལས་སྐྱེས་ཕྱིར། །ཡུམ་སྟེ་ལས་ཀྱིས་མི་གནས་བཤད། །ཡིད་ཆོས་བཟང་པོ་བཟང་མོ་ཉིད། །ཆགས་སོགས་ཉོན་མོངས་དྲུག་པོ་ཉིད། །ཐུབ་པ་སྤྲུལ་པ་དྲུག་ཏུ་བཤད། །
140a5 དེ་ཉིད་ཕྱོགས་བཅུ་དུས་བཞི་ཡི། །ཕུང་པོ་འབྱུང་བ་རྣམ་ཤེས་ཡུལ། །དབང་པོ་དུས་དང་ལུས་ཆོས་བཞི། །མཚན་མ་ཉོན་མོངས་ཡུམ་ཉིད་དེ། །དེ་ཉིད་སེམས་ཕྱིར་མ་སྐྱེས་པས། །ལྷག་པའི་བདེན་གཉིས་འབྲེལ་བ་ལས། །བྱང་ཆུབ་སེམས་ལྔ་རྣམ་པར་འཕྲུལ། །དངོས་པོ
140a6 སྣང་གྲགས་ཆོས་ཐམས་ཅད། །སྐྱེ་བ་མེད་དང་འགག་མེད་དང་། །གནས་པ་མེད་དང་དམིགས་མེད་དང་། །འགྲོ་འོང་མེད་པ་ཉིད་དུ་སྣང་། །བདག་ཕྱིར་ཡེ་ཤེས་གསལ་སྣང་ཡང་། །གཞན་ཕྱིར་དེ་དག་མ་རྟོགས་པས། །རང་བཞིན་ངོ་བོ་ཡེ་ནས་གསང་། །ཤིན་ཏུ་གབ་སྦས
140a7 གསང་བའི་དོན། །དེ་ཉིད་ལེགས་པར་བཤད་པའི་ཚེ། །ཡེ་ནས་མཉམ་ཉིད་གསང་བ་ལ། །མ་རིག་ལོག་རྟོག་རྐྱེན་དབང་གིས། །འཁོར་བའི་སྡུག་བསྔལ་དེ་བོར་སྣང་། །དེ་ཉིད་བདེ་གཤེགས་སྙིང་པོ་སྟེ། །དངོས་མེད་དངོས་པོའི་སྙིང་པོ་ཅན། །འགྲོ་བ་རྣམས་ནི
iiif viewer powered by OpenSeadragon
