| e-texts navigator |
| Wylie |
139a1 སྟེ། །བར་མ་ཨརྠ་བྱང་ཆུབ་སེམས། །ནམ་མཁའི་ཡེ་ཤེས་ཐུགས་ཀྱི་ཀློང་། །མ་ན་མ་ཏ་དྲན་རྟོག་ཡིད། །རྣམ་ཤེས་རྒྱུ་བའི་དྲན་རྟོག་རྣམས། །ཡེ་ཤེས་ནམ་མཁའི་གསལ་འདོད་པ། །དྲན་རྟོག་རིག་པ་འཁོར་དུ་གནས། །ཟག་མེད་རྣམ་ཤེས་བསམ་མི
139a2 ཁྱབ། །མ་ལུས་ནམ་མཁའི་ཡེ་ཤེས་སུ། །བདེ་ཆེན་རིག་པའི་མི་རྟོག་པར། །བསྡུས་ཏེ་ཉམས་ལ་གནས་པར་མཛད། །བདེ་བ་ཆེན་པོ་མ་སྐྱེས་པ། །ནམ་མཁའ་ལྟ་བུར་མི་ཕྱེད་པ། །ནམ་མཁའི་ཡེ་ཤེས་དབྱེར་མེད་སྐུ། །དུས་གསུམ་ཀུན་གྱི་ངོ་བོར་གནས། །འདི་ཞེས
139a3 ཉེ་བར་བསྟན་པ་ནི། །ེ་སོགས་བཞི་ཡི་ཚུལ་གནས་ཏེ། །ཕྱི་ནང་བར་ཁྱམས་གདོང་བར་བཅས། །གསང་བའི་འོག་མིན་རྒྱན་རྫོགས་པའོ། །ཐིག་ལེ་བ~ཾ་དབྱིབས་སྤྲོས་པ་མེད། །བརྗོད་མེད་བསྟན་པ་བསྲུང་མཛད་ཅིང་། །བྱིན་བརླབས་བདེ་ཆེན་མི་རྟོག་པ། །འཁོར
139a4 ལ་སྣང་བར་མཛད་པའོ། །མ་ནི་མ་ནུ་མ་ཏ་སྟེ། །སྡོམ་བྱེད་དྲན་རྟོག་ཡིད་ཀྱི་དངོས། །ལས་ཅན་རྣམ་ཤེས་དེ་དག་གིས། །གསལ་བར་གོ་བར་འཁོར་དུ་བརྗོད། །ཆོས་རྣམས་ཀུན་གྱི་ངོ་བོ་ཉིད། །ཐིག་ལེ་བཅུ་དྲུག་སེམས་ལྔའི་དངོས། །མི་རྟོག་ལྷན་ཅིག་སྐྱེས་པའི་དོན། །
139a5 བྱིན་བརླབས་མངོན་སུམ་ཚུལ་གྱིས་གསལ། །ཐབས་དང་ཤེས་རབ་གཉིས་མེད་པའི། །ཐིག་ལེ་ཟག་མེད་སྐྱེས་པའི་དུས། །བསམ་མེད་ལྷན་ཅིག་སྐྱེས་པའི་ཚེ། །བདེ་བ་ཆེན་པོའི་དུས་སུ་འདོད། །ཤེས་པ་རྟེན་དང་བརྟེན་པར་བཅས། །ཐབས་ཀྱི་རིམ་པ་ལ་བརྟེན
139a6 ནས། །རླུང་གིས་བསྡུས་པའི་དོན་གྱིས་ནི། །རང་རིག་ཐབས་ཀྱི་རྒྱལ་པོར་གསལ། །གང་དང་གང་ལ་གང་དུ་ནི། །གང་གིས་གང་ཚེ་གང་གསུངས་པ། །བརྗོད་འབྱུང་རྩ་བར་དེ་གྱུར་པས། །གླེང་གཞི་ཞེས་ནི་བསྟན་པ་ཡིན། །དེ་བཞིན་གཤེགས་པ་ཐམས་ཅད་ཀྱི། །
139a7 དབྱེར་མེད་ཡེ་ཤེས་གཅིག་གི་ངང་། །རྡོ་རྗེ་འཆང་ཆེན་ཀུན་བཟང་ལས། །སྣ་ཚོགས་སྐུ་ནི་རྣམ་པར་འཕྲུལ། །དེ་ཚེ་རྒྱལ་བ་ཐམས་ཅད་ཀྱང་། །ལྷ་ལ་རྡོ་རྗེ་འཛིན་པ་ཉིད། །ལྷ་མིན་སྟོན་པ་ཕྲག་དོག་རྗེ། །མི་ལ་ཐུབ་པའི་དབང་པོ་སྟེ། །བྱོལ་སོང་སྒྲ་ཡིས
iiif viewer powered by OpenSeadragon
