| e-texts navigator |
| Wylie |
138a1 པར་ནི། །ཐབས་དང་ཤེས་རབ་འབྲེལ་པ་ལས། །མཚོན་དང་རྟོགས་དང་བསྒོམས་པ་ཡིས། །ལྷ་མོ་བཞིར་ནི་མངོན་སྣང་བ། །བྱང་ཆུབ་སེམས་དང་བདེ་བ་དང་། །ཐབས་ཀྱི་བདེ་བས་རབ་སྒེག་པས། །ལྷ་མོ་འདི་ནི་སྒེག་མོར་བཤད། །གྲོལ་དང
138a2 མ་གྲོལ་འཁོར་བ་ཡི། །ཕྱི་ནང་སྒྲ་ཡི་བྱེ་བྲག་ཀུན། །བྲག་ཅ་ལྟ་བུར་བརྗོད་མཛད་པས། །བར་ཆད་མེད་པས་ཕྲེང་བ་མ། །ཚིམ་པའི་ངོ་བོ་གང་བསྟན་པ། །དྲི་དང་ལྡན་པའི་ཁྱད་པར་ཉིད། །དབྱངས་ཉིད་ཚིམ་ཞིང་ཡིད་བདེ་བས། །དེ་ཉིད་རྡོ་རྗེ་གཱི་ཏི་མ། །རོ་ཡིས་ཁྱབ
138a3 ཅིང་གར་སྒྱུར་ལྟར། །བདེ་བ་ཆེན་པོ་བཞི་ཡི་གར། །ཁྱབ་དང་མཛེས་དང་ཚིམ་པ་དང་། །མི་གནས་བཀྲོལ་བས་གར་མཁན་མ། །རྒྱན་དང་ཆགས་པའི་སྒྲ་དག་དང་། །ཡིད་ཀྱི་ཕྲེང་བ་བདེ་བའི་གར། །ལྷ་མོ་བཞི་ཡི་རང་བཞིན་ནོ། །མ་རྟོགས་འགྲོ་བ་མཐའ་ཡས་ལ། །
138a4 རང་བཞིན་ཐུགས་རྗེ་མཛད་པ་ཡིས། །ཡོངས་ལ་ཕན་འདོགས་སྐྱོབ་པ་ནི། །འདི་ནི་བྱམས་པ་ཞེས་བྱའོ། །རྟོགས་གོམས་མཐར་ཕྱིན་ཁྱད་པར་གྱིས། །ལས་དང་ཉོན་མོངས་ལྟ་བའི་རིམ། །སེལ་བ་འདི་ནི་སྒྲིབ་སེལ་ལོ། །ཐབས་དང་ཤེས་རབ་གནས་རྟོགས་ན། །གང
138a5 ཕྱིར་སྤོང་ལེན་མི་གནས་པས། །ཕྱི་ནང་སྣོད་བཅུད་མ་ལུས་པ། །དབྱེ་བ་མེད་པས་ཀུན་དུ་བཟང་། །བདག་དང་གཞན་དུ་འཛིན་པ་ཀུན། །ཟག་པ་མེད་པའི་ཤེས་རབ་ཀྱིས། །ལྟ་བའི་དྲ་བ་གཅོད་པས་ན། །ཟག་མེད་ཤེས་རབ་འཇམ་དཔལ་སྐུ། །དབང་པོ་ཡི་གེ་ཐིག་ལེར
138a6 བཅས། །གནས་དང་རྟོགས་དང་བསྒོམས་པ་ཡིས། །མངོན་དུ་སྣང་ཕྱིར་བརྗོད་པ་ཡིན། །དུས་བཞི་རིམ་པ་གཉིས་བརྒྱད་དེ། །དེ་ཉིད་དགྲོལ་དང་བྲོད་སྐྱེད་དང་། །སྤྱོད་ཡུལ་དག་ཕྱིར་བརྗོད་པ་ནི། །དྲི་དང་བདེ་བས་ངག་ཚིམ་ཞིང་། །ཡིད་ལྡོག་མེད་པས་རྡོ་རྗེ་དྲི། །ཕྱི་ནང་ཁྱབ
138a7 པའི་དཀྱིལ་འཁོར་ལ། །མེ་ཏོག་ཐིག་ལེར་བདེར་བཀོད་པས། །རྡོ་རྗེ་མེ་ཏོག་བླ་ན་མེད། །ཕྱི་ནང་སེམས་ལ་གནས་བཅས་པའི། །མུན་པ་བསལ་ཕྱིར་ཤེས་རབ་དང་། །ཡེ་ཤེས་སྣང་བ་བླ་ན་མེད། །རྡོ་རྗེ་གསལ་བའི་མར་མེ་མ། །ཕྱི་ནང་དཀྱིལ་འཁོར་མ་ལུས་ལ། །རང
iiif viewer powered by OpenSeadragon
