| e-texts navigator |
| Wylie |
137b1 མེད་བདེ་བའི་རོས། །དབང་སྒྱུར་ཡེ་ཤེས་རྒྱལ་པོར་བཤད། །གང་ཕྱིར་སྣང་དང་བསྒོམས་དང་བྲིས། །ཕྱག་རྒྱ་རྩ་བཅུད་ཐིག་ལེའི་མདོག་།དཀར་དང་དམར་དང་སེར་བ་དང་། །སྔོ་དང་ལྗང་དང་རིམས་ལྡན་པའོ། །རྒྱལ་བ་ཀུན་གྱི་བདེ་སྐྱིད་ཅིང་། །སྤྱོད་དང་དེ་ལས་འབྱུང་བའི་ཡུམ། །
137b2 ཐམས་ཅད་དེ་ལས་སྐྱེད་པ་ལྔ། །ཐ་མལ་ཞེན་པ་དག་པ་དང་། །དབང་སྒྱུར་རྒྱལ་མོ་ལྔ་རང་བཞིན། །སྲ་དང་གཤེར་དང་དྲོད་དང་བསྐྱོད། །ནམ་མཁའི་ཁམས་ཀྱིས་གང་ཕྱེ་བ། །སྟེང་འོག་ཐབས་ལས་མངོན་གྱུར་པ། །ཡུལ་དང་ཤེས་པ་དབྱེར་མེད་ཅིང་། །ཐུགས་རྗེ་ཤེས་རབ་འབྲེལ་བ
137b3 ཡིས། །འཁོར་བ་དང་ནི་མྱ་ངན་འདས། །གཉིས་མེད་གཟིགས་པ་སྤྱན་གྱི་མཆོག་།ཟག་མེད་སྟོང་པའི་ཀློང་ཆེན་གྱིས། །སྐྱེད་དང་སྡུད་དང་གནས་པའི་ཕྱིར། །མཐའ་དབུས་བྲལ་བའི་དེ་བཞིན་ཉིད། །ནམ་མཁའི་དབྱིངས་ཞེས་གང་བརྗོད་པའོ། །ཐུན་མོང་ཐུན་མོང་མ་ཡིན་པའི། །
137b4 ལས་དང་ལྟ་བ་ཉོན་མོངས་དང་། །ཤེས་བྱའི་དྲི་མ་མཐའ་ཡས་པ། །རྟོགས་པས་སྦྱོང་ཞིང་སྲེག་པས་ན། །གོས་དཀར་མ་རུ་བརྗོད་པ་ཡིན། །གང་ཕྱིར་ལས་དང་ཏིང་འཛིན་དང་། །ཡེ་ཤེས་ཐུགས་རྗེ་བར་མེད་ཆུས། །གང་དག་འཁྲུད་དང་ཚིམ་བྱེད་པས། །ཆུ་ནི་མཱ་མ་ཀཱི་རུ
137b5 བཤད། །གང་ཕྱིར་རྟོགས་དང་ཐབས་དག་དང་། །ཏིང་འཛིན་ཐབས་ཀྱི་རླུང་དག་གིས། །བགྲོད་པ་མེད་པའི་ཞིང་ཁམས་སུ། །སྒྲོལ་བས་སྒྲོལ་མ་ཉིད་དུ་བཤད། །སྙིང་པོ་རང་འབྱུང་ཡེ་ཤེས་ཉིད། །ཀུན་བརྟེན་གནས་དང་ཁྱབ་པའི་ཕྱིར། །བྱང་ཆུབ་སེམས་ཀྱི་རང་བཞིན
137b6 ལ། །ས་ཡི་སྙིང་པོར་བརྗོད་པ་ཡིན། །རང་འབྱུང་སྙིང་པོ་བྱང་ཆུབ་སེམས། །ནམ་མཁའ་ལྟ་བུར་བསམ་བརྗོད་མེད། །མཐའ་དབུས་སྒྲོ་སྐུར་གང་འདས་པ། །དེ་ནི་ནམ་མཁའི་སྙིང་པོ་ཉིད། །གང་ཕྱིར་ཐུགས་རྗེ་དཔག་མེད་པས། །འགྲོ་བ་ཆུ་བོ་རྒལ་གྱི་བར། །སྐྱོ་བ་མེད་པར
137b7 གཟིགས་པས་ན། །སྤྱན་རས་གཟིགས་དབང་པདྨའི་གཙོ། །རྟོགས་དང་དབྱེར་མེད་རྡོ་རྗེ་ཡིས། །མཐའ་ཡི་བདག་རྟོགས་མཚན་མ་དག་།འཇོམས་པས་ཕྱག་ན་རྡོ་རྗེ་སྟེ། །ཐུན་མོང་ཉིད་དང་ཁྱད་པར་གྱི། །གསང་བའི་རྣམ་པར་ཤེས་པ་བཞི། །ཐུན་མོང་ཡུལ་དང་ཁྱད
iiif viewer powered by OpenSeadragon
