| e-texts navigator |
| Wylie |
137a1 མཐའ་ལ་མངོན་རྟོགས་པས། །ཐུན་མོང་མིན་པའི་དུས་སུ་བསྟན། །དེ་ཚེ་ཕྱོགས་བཅུ་རྒྱལ་བ་ཡིས། །བསྐལ་པ་བྱེ་བར་ལུང་བསྟན་པ། །འདུལ་བའི་དུས་བབ་གསང་བའི་བདག་།ལག་ན་རྡོ་རྗེས་བསྡུ་བ་མཛད། །དུས་གསུམ་རྒྱལ་བས་བྱིན
137a2 བརླབས་ཕྱིར། །འཁོར་གྱི་ནང་ན་སྐལ་མཆོག་ལྡན། །གསང་བའི་རྡོ་རྗེ་འཆང་བསྡུས་ནས། །འདུལ་བའི་འཁོར་ལ་བསྟན་པར་མཛད། །འདས་དང་མ་བྱོན་ད་ལྟར་གྱི། །སྐུ་གསུམ་སྐུ་གསུང་ཐུགས་ངེས་པའི། །དེ་བཞིན་ཉིད་དུ་ཐབས་གང་གིས། །གཤེགས་ཤིང
137a3 གཤེགས་དང་གཤེགས་གྱུར་པའི། །ཐར་པ་གསུམ་དང་ཡེ་ཤེས་དང་། །ཕ་རོལ་ཕྱིན་པ་དྲུག་ལྡན་པ། །ཞིང་ཁམས་ཡོན་ཏན་བསམ་མི་ཁྱབ། །བྱེ་བྲག་བརྒྱད་ཅུ་ཀུན་འདུས་པའི། །རྒྱལ་བ་རྒྱ་མཚོ་ཀུན་གྱི་མཚན། །གང་ཕྱིར་རྡོ་རྗེ་ཐུགས་ཆུད་པས། །ལས་དང
137a4 སྤྱོད་པ་དཀའ་ཐུབ་དང་། །སྲིད་པའི་རི་བོས་མི་བསྐྱོད་པས། །དེ་ནི་མི་བསྐྱོད་མཆོག་ཏུ་གསུངས། །ཐབས་དང་ཤེས་རབ་འབྲེལ་པ་ཡིས། །ཇི་སྙེད་སྐུ་གསུང་ཐུགས་སྣང་བ། །མོས་དང་ཐབས་ཀྱི་ཁྱད་པར་གྱིས། །རྣམ་པར་སྣང་ཕྱིར་སྣང་མཛད་མཆོག་།རྒྱ་བ་ཀུན་གྱི
137a5 ཡོན་ཏན་ནི། །ཚོགས་རྣམས་འདུས་པའི་ངོ་བོ་སྟེ། །ཡོན་ཏན་རིན་ཆེན་ལྟར་འབྱུང་བས། །རིན་ཆེན་འབྱུང་བར་གསུངས་པ་ཡིན། །དཔག་ཏུ་མེད་པའི་གསུང་གི་སྒོ། །དབང་པོ་ཐབས་ཀྱི་བྱེ་བྲག་གིས། །དོན་རྟགས་གསུང་དང་ཡི་གེའི་སྒོ། །མཐའ་ཡས་སྣང་ཕྱིར
137a6 མཐའ་ཡས་མཆོག་། དཔག་མེད་ཐུགས་རྗེ་མཛད་པ་ཡི། །འགྲོ་འོང་མེད་པའི་ཐུགས་རྗེ་ཡིས། །འགྲོ་བ་སྐྱོབ་པའི་དོན་མཛད་པས། །དོན་གྲུབ་ཅེས་ནི་རྣམ་པར་བསྟན། །རིག་པའི་རྒྱལ་པོ་འདི་དག་ཀྱང་། །ཐ་མལ་ལྔ་ཉིད་གནས་དག་ཅིང་། །དེ་ལས་ཐབས་དེས་མངོན་བྱས
137a7 པས། །དེར་དབང་སྒྱུར་ཏེ་ཉིད་སྣང་བ། །རྒྱལ་པོ་ཉིད་དུ་བརྗོད་པ་ཡིན། །སྟེང་འོག་གཉིས་ལས་མངོན་གྱུར་པའི། །སྦྱོར་དང་འཇུ་འདུལ་རླུང་གི་རིམ། །གང་དེ་ཐབས་ལས་མངོན་གྱུར་པའི། །བདེ་བའི་གཟུགས་དང་ཚོར་བ་དང་། །འདུ་ཤེས་དང་ནི་འདུ་བྱེད་དང་། །རྣམ་ཤེས་ཟག
iiif viewer powered by OpenSeadragon
