| e-texts navigator |
| Wylie |
136b1 སངས་རྒྱས་ཀུན་གྱི་སྤྱི་གཟུགས་ཏེ། །གདོད་ནས་ཐེག་མཆོག་མཛོད་ཉིད་ཕྱིར། །སྒྲིབ་པ་མཐའ་སྤངས་གདུལ་བྱ་ལ། །སྐད་ཅིག་གཅིག་གིས་སྤང་བར་མཛད། །ཆོས་རྣམས་སྣ་ཚོགས་ཇི་སྙེད་པ། །དངོས་པོ་ཐ་དད་མེད་ཕྱིར་ཟླུམ། །ཁྱབ་དང་སྤགས་དང་ཚད་མེད་དང་། །ཡེ་ཤེས་བཞི་ཕྱིར
136b2 འཁོར་ལོ་བསྟན། །ཆོས་དབྱིངས་འདུ་འབྲལ་མེད་པའི་ཕྱིར། །མུ་ཁྱུད་ཟླུམ་པོར་ཀུན་ནས་བསྐོར། །སྐུ་གསུང་ཐུགས་དང་བྱིན་བརླབས་དང་། །ཐུགས་རྗེས་མ་ཁྱབ་མེད་པའི་ཕྱིར། །ཡོན་ཏན་རྒྱས་པའི་དབྱིབས་སུ་བསྟན། །རང་འབྱུང་ཡེ་ཤེས་མཐའ་བྲལ་བས། །ཕྱོགས་བཅུར་འགྲོ
136b3 འོང་མི་གནས་པའི། །ཚད་དང་བྲལ་བའི་སེམས་ཀྱི་ཕྱིར། །གཞི་རྩ་ཚད་མེད་འཁོར་ལོར་བསྟན། །གདོད་ནས་བྱིན་བརླབས་ངོ་བོའི་ཕྱིར། །མ་བསགས་ལྷུན་རྫོགས་མཛོད་ཉིད་དེ། །འགྲོ་བ་རེ་འདོད་སྐོང་བའི་ཕྱིར། །རིན་ཆེན་འབར་བའི་གཞལ་ཡས་ཁང་། །སྣ་ཚོགས་དངོས་དང་དངོས
136b4 མེད་པའི། །ཆོས་ཀུན་ངོ་བོར་རང་གནས་ཏེ། །བདག་གཞན་གཟུང་འཛིན་བྲལ་བའི་ཕྱིར། །ཕྱི་དང་ནང་བྲལ་སྒྲིབ་པ་མེད། །ཐུན་མོང་ལ་བརྟེན་ཐབས་ཀྱི་འབྲས། །ཡེ་ཤེས་ཐབས་ཀྱིས་འཕགས་པ་ཉིད། །གདུལ་བྱའི་བློ་ལ་མངོན་སྣང་བས། །གློ་འབུར་བཞི་ནི་ལྷག་པར་མཛེས། །
136b5 ཐུན་མོང་ཐུན་མོང་མ་ཡིན་པའི། །གདུལ་བྱའི་རིམ་པ་མཐོ་དམན་ཀུན། །སྟོང་སྨོན་མཚན་མེད་འོད་གསལ་འཇུག་།དེ་ཕྱིར་ཡེ་ཤེས་སྒོ་བཞིར་ཤར། །ཐབས་མང་བསམ་གྱིས་མི་ཁྱབ་པས། །ལམ་བརྒྱད་རིམ་པར་བགྲོད་པ་ཡིས། །འབྲས་བུ་ཡོན་ཏན་ཀུན་རྫོགས་པས། །རྟ
136b6 བབས་རྒྱུ་འབྲས་བཅུ་དྲུག་བསྟན། །ཞེན་དང་སྤོང་བའི་ལམ་བྲལ་བས། །འདོད་ཡོན་ཡེ་ཤེས་ལྔ་རོལ་ཏེ། །བདག་མཆོད་ཀུན་མཉེས་ལས་བྱུང་བས། །འདོད་ཡོན་ལྷ་མོས་འཁྲིགས་པར་བསྟན། །ཐབས་དང་ཤེས་རབ་ལྡན་པ་ཡིས། །མ་ཆགས་ཐབས་དང་ལྡན་པ་དང་། །ཆེ་བའི
136b7 ཡོན་ཏན་ལྷུན་རྫོགས་པས། །ཉི་ཟླ་པདྨ་རིན་པོ་ཆེ། །ལས་དང་ཐུགས་རྗེ་སྨོན་ལམ་གྱིས། །བྱང་ཆུབ་སེམས་དཔའ་མཐུ་བོ་ཆེ། །སྨོན་ལམ་དབང་གིས་དེ་དག་ཏུ། །ཐོས་པ་རྒྱ་མཚོ་བསག་ཕྱིར་གནས། །དེ་ཚེ་དུས་ཀྱི་ཐ་བྲལ་ཡང་། །ངོ་བོ་དུས་བཞི་མཉམ་པའི་དུས། །དུས་ཀྱི
iiif viewer powered by OpenSeadragon
