| e-texts navigator |
| Wylie |
136a1 དོན། །ཐུན་མོང་མ་ཡིན་འཁོར་དག་ལ། །ཕྱོགས་བཅུ་རྒྱལ་བ་རྡོ་རྗེ་འཆང་། །དཀྱིལ་འཁོར་མངོན་དུ་ཕྱུང་བ་ཡི། །རྡོ་རྗེ་པདྨ་འབྲེལ་པ་ཡིས། །བྱང་ཆུབ་སེམས་ཀྱི་དབང་བསྐུར་ནས། །ཐུན་མོང་ཐུན་མོང་མ་ཡིན་པའི། །ཉོན་མོངས་ལྟ་དང་ཤེས་བྱ
136a2 རྣམས། །སྐད་ཅིག་ཡུད་ལ་བསལ་བྱས་ཏེ། །ཐུན་མོང་ཁྱད་པར་གསང་བ་ཡི། །ལམ་གཉིས་ངེས་པར་སྟོན་པས་ན། །སྟོན་པ་ཞེས་ནི་བརྗོད་པ་ཡིན། །དེ་ཡི་གནས་མཆོག་བཤད་བྱ་བ། །འབྱུང་དང་བཞུགས་དང་རྟེན་པ་དང་། །མཚོན་པ་བྱིན་གྱིས་བརླབས་ཕྱིར་རོ། །
136a3 ཐབས་དང་ལམ་གྱི་ཁྱད་པར་གྱིས། །ཀུན་བདག་རྡོ་རྗེ་འཆང་ཆེན་ཉིད། །གཙང་མ་རིས་དག་སྤངས་པ་ཡི། །འོག་མིན་གནས་མཆོག་ཆེན་པོ་དེར། །ཡང་དག་སངས་རྒྱས་དེར་སངས་རྒྱས། །སྐལ་མེད་སྐྱེ་བོ་གདུལ་བའི་ཕྱིར། །སྤྲུལ་པ་པོ་ནི་འདིར་སངས་རྒྱས། །སངས་རྒྱས་ཀུན
136a4 གྱི་བཞུགས་པའི་གནས། །གཙང་མ་རིགས་དག་རྣམ་སྤངས་པ། །འཇིག་རྟེན་ལས་ཀྱིས་མཐར་གྱུར་པ། །འོག་མིན་འབར་བའི་གཞལ་ཡས་ཁང་། །ཕྱོགས་བཅུར་རྒྱ་ཡོངས་མ་ཆད་པའི། །ཡོན་ཏན་ཁྱད་པར་སྤགས་པ་ན། །གསང་བ་ཡུམ་གྱི་བྷ་ག་ལ། །བཅུ་གསུམ་ས་ཡི
136a5 དབང་ཕྱུག་ལྡན། །རྡོ་རྗེ་འཆང་ཆེན་དཔག་མེད་དང་། །ཏིལ་འབྲུའི་ཚུལ་དུ་རབ་ཏུ་བཞུགས། །ཆོས་རྣམས་ཀུན་གྱི་དེ་བཞིན་ཉིད། །ཐོག་མ་ཐ་མ་དབུས་མེད་པའི། །རང་བཞིན་དོན་གྱི་འོག་མིན་ནི། །རྒྱལ་བ་ཀུན་གྱི་ཕོ་བྲང་ཕྱིར། །འདས་དང་ད་ལྟར་མ་བྱོན་པའི། །རྒྱལ་བ
136a6 ཀུན་གྱི་བསྟེན་པའི་གནས། །དེ་དག་ཉེ་བར་མཚོན་པ་ཡི། །ཡིད་དང་མཚན་མ་ལས་གྱུར་པའི། །བསྒོམས་དང་བྲིས་དང་བྱས་ལ་སོགས། །དེ་དང་འདྲ་བའི་གཞལ་ཡས་ཁང་། །རྒྱལ་བ་སྔགས་དང་བྱིན་བརླབས་ཀྱིས། །དེར་གནས་དོན་ཕྱིར་མཚོན་པའི་གནས། །ཐུན་མོང་ཐུན་མོང་མ
136a7 ཡིན་པའི། །བསོད་ནམས་ཡེ་ཤེས་ཁྱད་པར་ཅན། །བསགས་པ་སྣ་ཚོགས་ལས་བྱུང་བའི། །རྫོགས་ལོངས་སྤྱོད་པ་ཆེན་པོ་ནི། །གཙང་མ་རིས་དག་སྤངས་པ་ཡི། །འོག་མིན་ཆེན་པོའི་གནས་མཆོག་ན། །རིགས་བདག་ཕྱག་རྒྱ་ལྷུན་གྲུབ་སྐུ། །གཅིག་དང་དུ་མ་རྣམས་སྤངས་པ། །
iiif viewer powered by OpenSeadragon
