| e-texts navigator |
| Wylie |
135a1 ཕྱིར་ལུང་ཉིད་དེ། །བསྟན་པ་སྤྱི་ཡི་བདག་ཉིད་ནི། །ཐམས་ཅད་ཀུན་གྱི་བདག་ཉིད་པས། །གཅིག་དང་དུ་མ་མི་གནས་ཀྱང་། །སོ་སོའི་བསྟན་པ་རྒྱ་མཚོའི་རྒྱུད། །འདི་སྟོན་འདིས་སྟོན་འདི་ཕྱིར་སྟོན། །དོན་ཀུན་འདི་ལ་ཡོངས་རྫོགས་པས། །ལུང་གི་སྤྱི་ཞེས
135a2 བཤད་པ་ཡིན། །གང་ཕྱིར་གསང་བ་ཞེས་བྱ་བ། །སྐུ་དང་གསུང་ཐུགས་བདག་ཉིད་དེ། །རང་བཞིན་ཡེ་ནས་ངོ་བོ་དང་། །ཐབས་དང་འབྲས་བུར་གྱུར་པ་ཉིད། །གསང་བའི་དོན་དུ་འདི་བརྗོད་དོ། །ངང་གིས་དམན་དང་མ་སྦྱངས་དང་། །དབང་དང་དམ་ཚིག་བྲལ་བ་དང་། །
135a3 རང་བརྟགས་བསྒྲིབས་པས་སའི་ཁྱད་པར། །དེ་དང་དེ་ཡི་དབང་གིས་ན། །རོ་མྱང་བྲལ་ཕྱིར་གསང་བར་བཤད། །རང་བཞིན་ཐབས་དང་འབྲས་བུ་ཡི། །ཆོས་རྣམས་ཐིག་ལེ་ཆེན་པོའི་དོན། །འཇིག་རྟེན་འདས་དང་འཇིག་རྟེན་པ། །མ་ལུས་རོ་གཅིག་དབྱེར་མེད་པ། །ཇི་སྙེད་ཐེག་པའི་ཁྱད་པར་དང་། །
135a4 བསྟན་པའི་བྱེ་བྲག་གནས་པ་རྣམས། །འདིར་འདུས་ཐབས་འདིས་མཚོན་པ་དང་། །རྩ་བར་གྱུར་པ་ཁོ་ན་ཡིན། །ཐབས་དང་ཤེས་རབ་གཉིས་མེད་པའི། །བྱང་ཆུབ་སེམས་ཉིད་བདེ་བ་ཆེ། །རང་འབྱུང་ཡེ་ཤེས་ཐོག་མཐའ་མེད། །རྡོ་རྗེ་སེམས་དཔའི་བདག་ཉིད་དེ། །རྒྱལ་བའི་བྱིན
135a5 བརླབས་རབ་སྣང་བ། །བསམ་གྱིས་མི་ཁྱབ་ཆེ་བ་རྣམས། །འདི་ལས་སྟོན་པས་སྙིང་པོ་སྟེ། །སྙིང་པོ་དང་ནི་འོད་བཞིན་ནོ། །རྒྱུ་དང་འབྲས་བུ་བཅུད་འདུས་པས། །སྙིང་པོ་ཞེས་ནི་བཤད་པ་ཡིན། །གང་ཕྱིར་ཐམས་ཅད་བྱང་ཆུབ་སེམས། །མཐའ་དབུས་ཡོངས་སུ་མ་ཆད
135a6 པ། །དངོས་པོ་གསུམ་གྱིས་ཁྱབ་གྱུར་པ། །ཡོངས་སུ་རྫོགས་པའི་རྒྱུ་ཡིན་ནོ། །ཐབས་དང་ཤེས་རབ་དབྱེར་མེད་པའི། །དེ་བཞིན་ཉིད་དུ་རྡོ་རྗེས་རིག་།བདག་དང་གཞན་དོན་ནུས་པ་རྫོགས། །འབྲས་བུའི་དེ་ཁོ་ན་ཉིད་དོ། །གང་ཕྱིར་དངོས་གཉིས་ཐ་དད་པར། །ལོག་པར
135a7 བརྟགས་པའི་སྣང་བ་རྣམས། །མུན་ལ་སྣང་དང་གསེར་འགྱུར་ལྟར། །རོ་གཅིག་ཐབས་ཀྱི་དེ་ཁོ་ན། །དེ་ཕྱིར་དེ་ཁོ་ན་ཞེས་བརྗོད། །དངོས་པོ་སྣ་ཚོགས་དབྱེར་མེད་པའི། །ཐ་དད་དོན་མིན་དོན་གཅིག་མིན། །དེ་ཉིད་གསང་བའི་ངེས་པ་ནི། །གཞི་དང་ལམ་དང་ངོ་བོ་དང་། །
iiif viewer powered by OpenSeadragon
