| e-texts navigator |
| Wylie |
134b1 སྣང་། །ཁྱད་པར་རིམ་པར་གང་གནས་པ། །རང་བཞིན་གདུལ་བྱ་བདེ་གཤེགས་དང་། །འཁྲུལ་པའི་དབང་གིས་སོ་སོར་སྣང་། །མ་བཅོས་ངང་ལ་ཐ་དད་མེད། །རང་སྣང་ལས་ཀྱིས་ཐ་དད་པའི། །བྱེ་བྲག་རྣམ་པར་བསྟན་པ་ཀུན། །དེ་བཞིན་ཉིད་ལ་དགོད་བྱའི་ཕྱིར། །
134b2 རྒྱལ་མཆོག་བདེ་ཆེན་ཡོངས་གང་བས། །དྲི་བའི་དོན་འདི་ལུང་བསྟན་ཅིང་། །ཐབས་དང་ཤེས་རབ་འབྲེལ་གྱུར་པའི། །གསང་བའི་དོན་ལ་དགོད་དུ་གསོལ། །སྒྱུ་འཕྲུལ་དྲ་བ་རྡོ་རྗེ་སེམས་དཔའ་གསང་བ་མེ་ལོང་གི་རྒྱུད་ལས་དྲི་བ་རྩ་བའི་རྒྱུད་ཅེས་བྱ་བ་བཤད་པ་རྟོག
134b3 པའི་རྒྱལ་པོ་རྫོགས་། ། །།དེ་ནས་གསང་བདག་རྡོ་རྗེ་འཆང་། །སྐྱེས་བུ་མཚན་དཔེ་རབ་ལྡན་ཅིང་། །དཔག་མེད་རྒྱལ་བས་རབ་བསྐོར་ཞིང་། །རང་འབྱུང་དག་པའི་གཞལ་ཡས་ན། །ཐབས་དང་ཤེས་རབ་འཁྲིལ་སྦྱོར་ཞིང་། །ཀུན་ཀྱང་དེ་དང་མཐུན་པ་སྟེ། །འཛུམ
134b4 ཞིང་སྟེག་པས་སོས་འདེབས་ཤིང་། །དགྱེས་པའི་ཚུལ་གྱིས་བཀའ་སྩལ་པ། །དཔག་མེད་རྒྱལ་བས་གསུངས་པ་དང་། །གསུང་དང་གསུང་འགྱུར་ཐུགས་ཀྱི་རྒྱུད། །ཐོག་མ་བར་དང་མཐར་དགེ་བ། །ཐབས་དང་ཤེས་རབ་དབྱེར་མེད་པའི། །ཆོ་ག་རྒྱས་པར་དྲིས་པའི
134b5 མཆོག་། ཉོན་ཅིག་ད་ནི་སེམས་དཔའ་བཤད། །ཆོས་རྣམས་མ་ལུས་གཉིས་མེད་པའི། །རང་རིག་བྱང་ཆུབ་སེམས་ཉིད་དེ། །ཐ་དད་མེད་པའི་རང་བཞིན་ཉིད། །རྡོ་རྗེ་ཞེས་ནི་བཤད་པ་ཡིན། །རང་བཞིན་མཐའ་ཐུག་མེད་པའི་ཆོས། །ཐབས་དང་ཤེས་རབ་འབྲེལ་པ་ཡིས། །
134b6 ཐུགས་སུ་ཆུད་ཅིང་མངོན་རྟོགས་པ། །ཕྱི་ནང་གསང་བའི་སེམས་དཔར་བཤད། །རང་བཞིན་ཐབས་དང་འབྲས་བུའི་དོན། །ནུས་པའི་རིམ་པ་སྩལ་སྣང་བ། །ཐབས་དང་ཤེས་རབ་འབྲེལ་པའི་དོན། །སྒྱུ་འཕྲུལ་ཞེས་ནི་བཞིར་བཤད་དོ། །ཐ་དད་མིན་ལས་ཐ་དད་པའི། །ངོ་བོ
134b7 ཐབས་དང་བདག་ཉིད་དང་། །བྱིན་བརླབས་ཤུགས་ཀྱིས་འབྲེལ་པ་ནི། །དྲང་བའི་དོན་ཞེས་བཤད་པ་ཡིན། །མ་བརྗོད་གྲགས་པའི་བསྟན་པ་ཉིད། །སྒྲོ་སྐུར་མེད་དང་ཞལ་ནས་གསུངས། །དྲི་མ་མེད་པའི་ལུང་ཉིད་དེ། །ལས་དང་ཡེ་ཤེས་སྤྱི་ཉིད་དང་། །རྫོགས་པས་རྫོགས
iiif viewer powered by OpenSeadragon
