| e-texts navigator |
| Wylie |
134a1 མཆོག་དང་མཆོག་གྱུར་མ་ཡིན་པའི། །བསྒྲུབ་པའི་ཁྱད་པར་ཇི་ལྟ་བུ། །གང་གིས་གང་དུ་ཇི་ལྟར་བསྒྲུབ། །དགུག་དང་བཅིང་དང་གསོ་དང་བསད། །དབྱེ་དང་བསྐྲད་དང་ཕམ་རྒྱལ་ཅི། །གཏེར་དང་མིག་རྣོན་རྐང་མགྱོགས་དང་། །རིག་འཛིན་གོ་འཕང་ཇི་ལྟར་སྒྲུབ། །
134a2 རྒྱལ་བ་མཆོག་གིས་བཤད་དུ་གསོལ། །འདི་སྒྲུབ་པའི་དྲི་བ་དྲིས་པའོ། །ཕྲིན་ལས་རིམ་པ་གང་ཅི་ཞིག་།གང་གིས་གང་དུ་བརྩམ་པར་བྱ། །ཐབ་དང་རྫས་དང་ཕུར་བུ་ཅི། །ཏིང་འཛིན་འདུག་སྟངས་ཧོམ་ཁུང་ཅི། །གདུལ་བྱ་རིམ་པ་གང་ཅི་ཞིག་།ཁྱད་པར་རིམ་པ་ཇི་ལྟར་བཤད། །
134a3 འབྲས་བུ་ཡོན་ཏན་ཇི་ལྟར་འགྱུར། །གསུངས་ཤིག་གསུངས་ཤིག་རྒྱལ་མཆོག་གཙོ། །ཐེ་ཚོམ་ལེགས་པར་ཆོད་པར་མཛོད། །འདི་ནི་ཕྲིན་ལས་ཀྱི་དྲི་བ་དྲིས་པའོ། །རྨད་འབྱུང་སྐྱེས་བུ་གང་ཞིག་གིས། །དང་པོ་ལམ་ཚུལ་ཇི་ལྟ་བུ། །ཕྱི་ནང་གསང་བའི་ལམ་ཅི་ཕྱིར། །སྟོང་པའི་རྣལ
134a4 འབྱོར་སྙིང་རྗེ་ཆེ། །ཕྱག་རྒྱ་ཅིག་དང་སྤྲོས་བཅས་ཅི། །རྣམ་སྨིན་དབང་སྒྱུར་ཕྱག་རྒྱ་དང་། །ལྷུན་གྱིས་གྲུབ་པའི་མཚན་ཉིད་ཅི། །མཐར་ཕྱིན་རྣམ་པ་དུ་ཞིག་གསུངས། །ཕྱི་ནང་གསང་བ་མཐར་ཕྱིན་པའི། །འབྲས་བུ་བདག་གཞན་དོན་ཉིད་ཅི། །ཉི་ཤུ་རྩ་ལྔའི་དོན་ཅི་ལྟར། །གང
134a5 དག་རྟོག་པའི་རྒྱལ་པོ་སྟེ། །སྒྱུ་འཕྲུལ་དྲ་བ་བླ་ན་མེད། །ཀུན་ལམ་འབྲས་བུ་ཐུགས་ཆུད་པ། །ཆོ་ག་རྒྱས་པར་བཤད་པའི་རྒྱུད། །སྐལ་ངན་རྣམས་ཀྱིས་མ་རྟོགས་པའི། །གསང་བ་གསང་ཆེན་མདོ་སྡེ་དང་། །འདུལ་བ་ཆོས་ཀྱི་ཕུང་པོ་དག་།ནམ་མཁར་མཐའ་ཐུག་བཤད་པ་ཀུན། །
134a6 གསང་བའི་སྙིང་པོ་ལས་འཕྲོས་པས། །ཇི་སྙེད་བསྐྱེད་དང་རྫོགས་པའི་ལམ། །མ་ལུས་ཀུན་གྱི་སྙིང་པོ་འདི། །ཐེག་པ་དམན་དང་མ་སྦྱངས་དང་། །རིགས་ཆད་དབང་དང་མན་ངག་བྲལ། །ཇི་ལྟར་བལྟས་ཀྱང་མི་སྣང་བ། །སྐྱེས་བུ་མཆོག་གི་སྤྱོད་ཡུལ་བས། །རྡུལ་སྙེད་སྦྱངས་པའི་གང
134a7 ཟག་ལ། །གསང་ཕྱིར་གསང་བའི་ཐབས་དག་གིས། །དངོས་གྲུབ་མཐའ་ཡས་གྲུབ་ཕྱིར་བསྟན། །ཕྱི་ནང་སྣོད་བཅུད་མ་ལུས་པའི། །རྟེན་དང་བརྟེན་པར་བཅས་པའི་ཆོས། །ཇི་ལྟར་གྲགས་དང་གྲགས་གྱུར་པའི། །ཐམས་ཅད་མ་ལུས་རྒྱུ་གཅིག་ཀྱང་། །རྐྱེན་སྟོབས་ནུས་པ་སོ་སོར
iiif viewer powered by OpenSeadragon
