| e-texts navigator |
| Wylie |
133b1 ཏིང་འཛིན་ཞེས་བྱ་བ། །གཉིས་ལ་སྐུ་གསུང་ཐུགས་སྦྱོར་དང་། །ཕྱི་ནང་གསང་བའི་རིམ་པ་ཅི། །གཟུགས་བརྙན་དཀྱིལ་འཁོར་ཇི་ལྟ་བུ། །གང་ཕྱིར་གཟུགས་བརྙན་ཞེས་བརྗོད་ཅིང་། །གང་གི་གཟུགས་བརྙན་གང་ལ་སྣང་། །ཕྱི་ནང་གསང་བར་ཇི་ལྟར་འགྱུར། །
133b2 ལྷག་པ་ཞེས་པ་གང་ཕྱིར་ཏེ། །གཟུགས་བརྙན་ཞེས་པ་ཇི་ལྟ་བུ། །གཉིས་དང་གསུམ་དང་དྲུག་བསྟན་ཅིང་། །དོན་དམ་ཀུན་རྫོབ་བྱང་ཆུབ་སེམས། །ཕྱི་ནང་གསང་བ་ཇི་ལྟར་སྦྱོར། །ཚོགས་ཀྱི་དཀྱིལ་འཁོར་གཉིས་ཅི་ཞིག་།གང་གིས་གང་དུ་གང་ཚོགས་ནས། །ཇི་ལྟར
133b3 སྤྱད་པས་ཅི་ཞིག་འགྲུབ། །འདི་དག་བསྟན་པའི་དགོངས་པ་ཅི། །གནས་སྐབས་གང་དང་འབྲེལ་པར་འགྱུར། །ཡན་ལག་རྩ་བ་གང་དང་འབྲེལ། །དཀྱིལ་དང་འཁོར་དུ་ཇི་ལྟར་བརྟག་།གསུངས་ཤིག་སྐྱེས་བུ་མཆོག་ཆེན་པོ། །གང་དང་ངེས་པ་མ་རྙེད་པར། །ཀུན་གྱི
133b4 སྤྱོད་པར་མ་གྱུར་པ། །ལེགས་པར་གསུངས་ཤིག་རྒྱལ་མཆོག་ཆེ། །འདི་ནི་དཀྱིལ་འཁོར་གྱི་དྲི་བ་དྲིས་པའོ། །གང་གིས་གང་ལ་གང་དག་ཏུ། །ཇི་ལྟར་དབང་བསྐུར་ཕུན་སུམ་ཚོགས། །བདག་གིས་ཇི་ལྟར་ཤེས་པར་བགྱི། །གང་དང་གང་དུ་ཇི་ལྟར་འབྲེལ། །སྐྱོན
133b5 དང་ཡོན་ཏན་ཇི་ལྟ་བུ། །འབྲས་བུ་རིམ་པ་བཤད་དུ་གསོལ། །འདི་ནི་འཇུག་པའི་ཆོ་ག་དུ། །ལས་ཀྱི་རིམ་པ་ཇི་ལྟ་བུ། །རྡོ་རྗེ་སེམས་དཔའ་བདེ་ཆེན་པོ། །སྒྱུ་འཕྲུལ་དྲ་བ་མངོན་རྫོགས་པའི། །ཐབས་དང་ཤེས་རབ་གཉིས་མེད་པས། །བདག་གི་ཐེ་ཚོམ་བསལ་དུ་གསོལ། །འདི
133b6 ནི་དབང་གི་དོན་མཐའ་དག་ལ་དྲི་བ་དྲིས་པའོ། །གང་ལ་གང་གིས་བརྟེན་པ་ཡི། །དམ་ཚིག་ཅེས་པ་ཅི་ཡི་ཕྱིར། །རྩ་བ་དམ་ཚིག་དུ་ཞིག་བསྟན། །གང་ཕྱིར་རྩ་བར་བརྗོད་པར་བྱ། །ཡན་ལག་དུ་ཞིག་བསྟན་པ་གསུངས། །འདི་དག་ལམ་དང་བསྙེན་བསྒྲུབ་དང་། །གང་ཟག་གང
133b7 དོན་ཇི་ལྟར་འབྲེལ། །བསྲུངས་དང་འདས་པའི་སྐྱོན་ཡོན་ཅི། །ཕྱི་ནང་གསང་བར་ཇི་ལྟར་གསུངས། །ལྟ་དང་སྤྱོད་དང་སྒྲུབ་པ་དང་། །ཤེས་བྱ་ཏིང་འཛིན་དམ་ཚིག་ཏུ། །གྲུབ་དང་མི་སྤོང་བསྲུང་ཅི་ཞིག་།རྒྱལ་མཆོག་སྐྱེས་བུས་བཤད་དུ་གསོལ། །ཐུན་མོང་ཐུན་མོང་མ་ཡིན་པའི། །
iiif viewer powered by OpenSeadragon
