| e-texts navigator |
| Wylie |
94a1 བདུད་རྣམས་འཇོམས། །འཇིགས་པའི་ཚོགས་ཀྱང་འཇོམས་བྱེད་པས། །ཁྱོད་ནི་བདུད་ཀྱི་བདུད་དུ་གྲགས། །དེ་བཞིན་ཉིད་ཀྱི་ངོ་བོ་ཉིད། །སེམས་ཉིད་རང་བཞིན་འོད་གསལ་བ། །ཆོས་ཀུན་གཟུགས་བརྙན་སྣང་བས་ན། །ཆོས་ཀྱི་མེ་ལོང་ཞེས
94a2 ཀྱང་གྲགས། །དུག་འཇོམས་སྨན་གྱི་དཀྱིལ་འཁོར་གྱིས། །ཟུག་རྔུ་འབྱིན་པ་བླ་ན་མེད། །ནད་དོ་ཅོག་གི་དགྲར་གྱུར་པས། །ཁྱོད་ནི་སྨན་པའི་རྒྱལ་པོར་གྲགས། །དགའ་མགུ་རངས་པར་མཛད་པས་ན། །ཁྱོད་ནི་གདུང་བ་སེལ་བར་གྲགས། །འདོད་པ་ཡིད
94a3 བཞིན་སྐོང་བས་ན། །ཁྱོད་ནི་ཡིད་བཞིན་ནོར་བུར་གྲགས། །དམ་པ་རྣམས་དང་མཐུན་མཛོད་ལ། །བདག་ཅག་རིག་པ་འཛིན་རྣམས་ལ། །དམ་པའི་སྤྲུལ་པ་གང་ལྟར་ནུབ། །དམ་པའི་སྒྲོན་མ་ཇི་ལྟར་བཀོད། །དམ་པའི་གསང་ལུང་ཇི་ལྟར་འབྱུང་། །
94a4 གསང་བ་རྒྱུད་ཀྱི་བགྲོ་བ་མཛོད། །དགོངས་པའི་ཚིག་གསུམ་བགྲོ་བ་མཛོད། །ནམ་མཁའི་རྡོ་རྗེ་བགྲོ་བ་མཛོད། །ཅེས་གསོལ་བ་བཏབ་བོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ལུང་དམ་པ་བགྲོ་བར་གསོལ་བ་བཏབ་པའི་ལེའུ་སྟེ
94a5 ལྔ་པའོ། ། །།དེ་སྐད་ཅེས་གསོལ་བ་བཏབ་པ་ལས། །གསང་བའི་བདག་པོས་བཀའ་སྩལ་པ། །སྔོན་དུ་བྱུང་བར་ལུང་བསྟན་པའི། །འགྲོ་བ་ལུས་ཀྱི་སེམས་དཔའ་རྣམས། །གདུང་སྔགས་དྲི་བ་དང་བཅས་པའི། །སྒྱུ་མའི་རྟོག་པ་དགྲོལ་གྱིས
94a6 ཉོན། །སེམས་ཀྱི་དཀྱིལ་འཁོར་དེ་བཞིན་ཉིད། །ནམ་མཁའ་བཞིན་དུ་ནུབ་པ་མེད། །རང་བཞིན་ཡེ་ནས་འོད་གསལ་བས། །དེ་ལ་གང་སྒྲིབ་དེ་ཉིད་སེལ། །ཚད་མ་གཉིས་ཀྱིས་གང་གཞལ་བ། །ཤེས་བྱ་དེ་ཡང་ཚད་མར་འགྱུར། །ལེགས་ཉེས་རྩ
94a7 བའང་དེ་ཉིད་པས། །དེ་ཉིད་དེ་ལ་འགྱུར་བ་མེད། །སེམས་ཀྱི་རང་བཞིན་འོད་གསལ་བས། །དཀར་བས་དཀར་བའི་ཉི་ཟླ་མེད། །སངས་རྒྱས་མྱ་ངན་ཡོང་མི་འདའ། །ཆོས་ཀྱང་ནུབ་པར་མི་འགྱུར་ཏེ། །ལེ་ལོ་ཅན་ལ་ཕན་གདགས་ཕྱིར། །སྤྲུལ་པ་རྣམས་ནི་འདའ
iiif viewer powered by OpenSeadragon
