| e-texts navigator |
| Wylie |
91b1 རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐོག་མར་དམ་པས་གདུང་བ་བཏོན་པའི་ལེའུ་སྟེ་གསུམ་པའོ། ། །།དེ་སྐད་སྨྲས་ཏེ་གདུངས་པ་ལས། །སྲིད་གསུམ་འགྲོ་བའི་གཉེན་གཅིག་པ། །རྒྱལ་བ་རྒྱ་མཚོ་རྣམས་ཀྱིས་གསན། །སྙིང་རྗེའི
91b2 བདག་པོ་དེ་དག་ཀུན། །ལྕང་ལོ་ཅན་གྱི་ཕོ་བྲང་དུ། །གསང་བའི་བདག་པོ་གནས་སུ་འདུས། །བསྐུལ་བ་ཆེན་པོ་འདི་སྐད་གསུངས། །གསང་བ་པ་ཡི་བདག་པོ་ཁྱོད། །སྔོན་གྱི་གོ་ཆ་ཡལ་ལམ་ཅི། །འཇིག་རྟེན་སྡུག་བསྔལ་མི་ཤེས་སམ། །སྙིང་རྗེའི་ས་ལ་བབས
91b3 ནས་ཀྱང་། །འཇིག་རྟེན་གདུང་བ་བསལ་བའི་རིགས། །སོ་སོའི་རིགས་ཀྱི་ཆ་བཟུང་བས། །མ་རུངས་པ་དག་ཀུན་བཏུལ་ཏེ། །འདོད་ཁྲིད་ཐབས་སུ་ཚིག་རྣམས་ཀྱིས། །ལས་ཀྱི་ཆ་དང་སྤྱོད་མཐུན་པར། །འདུ་ཤེས་བསྒྱུར་བ་བྱས་ནས་ནི། །བཀའ་ཡི་བགྲོ་བ་བཤད
91b4 སྦྱར་ནས། །ཡང་དག་དོན་ལ་དགོད་པའི་རིགས། །དེ་སྐད་རྣམ་པར་བསྐུལ་བ་ལས། །དཔའ་བོ་རྡོ་རྗེ་འཛིན་རྒྱལ་པོས། །གདུལ་དཀའ་འདུལ་ལ་མཁས་པའོ། །འཇིག་རྟེན་ཀུན་ལ་རྒྱལ་བའི་མཆོག་།གསང་བའི་རྟགས་འཛིན་རྡོ་རྗེ་ཅན། །དགྱེས་ཤིང
91b5 གདན་ལས་བཞེངས་ནས་ནི། །ཆོ་འཕྲུལ་ཆེན་པོ་ཀུན་བསྟན་ནས། །འཇིག་རྟེན་ལོག་པའི་གཙོ་བོ་རྣམས། །སྐལ་དང་ལྡན་པར་ལུང་བསྟན་པ། །ལས་དང་སྐལ་བར་རབ་ལྡན་ཞིང་། །རྒྱལ་བས་འབྱུང་བར་ལུང་བསྟན་པའི། །བསོད་ནམས་ཆེན་པོའི
91b6 སྐལ་ཅན་རྣམས། །སྤྲུལ་པས་ཇི་ལྟར་ལུང་བསྟན་བཞིན། །ད་ལྟར་དུས་ལ་འདིར་བབས་ཀྱིས། །འཁོར་བའི་སྙིང་པོར་ལུང་བསྟན་ཕྱིར། །ཆོ་འཕྲུལ་རྣམས་ཀྱི་བྱིན་རླབས་ཀྱིས། །བསྟན་པའི་སྙིང་པོ་དམ་པ་ཞིག་།ཇི་ལྟར་བཤད་ཅིང་ལུང་བསྟན
91b7 བཞིན། །སྐལ་ལྡན་ཅན་ལ་བགྲོ་བར་བྱའོ། །དྲག་ཤུལ་ཅན་ཞེས་བྱ་བའི་རི། །དགོན་པ་ཆེན་པོའི་གནས་འདི་ནི། །ཡེ་ཤེས་སྙིང་པོ་ཅན་རྣམས་ཀྱི། །ཐེག་ཆེན་གསང་བ་འབྱུང་བའི་གནས། །ཐོག་མ་ཐ་མའི་དུས་མེད་པར། །དམ་པ་རྣམས
iiif viewer powered by OpenSeadragon
