| e-texts navigator |
| Wylie |
90a1 གསུམ་ལ་བསླབ་པར་བྱའོ། །གྲོང་ཁྱེར་གསུམ་བཤིག་པར་བྱའོ་ཞེས་བཀའ་སྩལ་པས། དྲི་བ་གཉིས་པའི་ཡོངས་སུ་རྟོག་པ་ཆད་དོ། །དེ་ནས་ཡང་སྟོན་པས་དྲི་བ་གསུམ་པ་བཀའ་སྩལ་པ། རིག་པ་འཛིན་པ་འདི་ལྟ་སྟེ། ང་ཡིས་སྒྲོན་མ་གང་བཞག
90a2 པ། །སྣོད་གསུམ་དག་ཏུ་སྣང་བ་སྟེ། །ཞི་གནས་ལྷག་མཐོང་ལས་མཐའ་གསུམ། །དང་པོར་ཤེས་པའི་རྒྱུད་གསུམ་ལ། །དེ་ནས་ཡི་གེའི་ཚོགས་ཉིད་ལའོ། །ཆེ་ཆུང་རིམ་པའི་བློ་ཡོད་ཕྱིར། །ཐེག་པའི་རིམ་པ་དེ་བཞིན་ཏེ། །བསྡུ་བའང་ཆེ་ཆུང་གཉིས་ཀྱིས་སོ། །རྣམ
90a3 པ་གཉིས་ཀྱི་ཁྱད་པར་ལས། །འཇུག་པའི་ཡུལ་ཡང་དེ་ཁོ་ནའོ། །གང་ལ་མོས་པ་དེ་ཉིད་དུའོ། །ཞེས་བཀའ་སྩལ་པས་དྲི་བ་གསུམ་པའི་ཡོངས་སུ་རྟོག་པ་ཆད་དོ། །དེ་ནས་ཡང་སྟོན་པས་དྲི་བ་བཞི་པ་དང་། ལྔ་པ་ཚིག་ལེའུ་གཅིག་པ་བཀའ་སྩལ་པ། གཞན་ཡང་དྲི་བ་ཐ
90a4 མ་གཉིས། གཅིག་གིས་ཡོངས་སུ་ཆོད་པར་བྱས། །ཆོས་ཀྱི་སྤུན་དུ་བྱས་པ་ཡི། །རིག་པ་འཛིན་པ་ཁྱོད་ཉོན་ཅིག་།སྒྲོན་མ་བྱེད་པའི་བྱ་བ་ཡང་། །སྔོན་དུ་བྱུང་བའི་ལུང་བསྟན་པའི། །འགྲོ་བའི་ལུས་ཀྱི་སེམས་དཔའ་དག་།བྱུང་ནས་གསལ་བྱེད་ལོག་སུན་འབྱིན། །
90a5 དེ་སྐད་ཅེས་བཀའ་སྩལ་པས་དྲི་བ་བཞི་པ་དང་ལྔ་པའི་ཡོངས་སུ་རྟོག་པ་ཚད་དེ་ཡོངས་སུ་མྱ་ངན་ལས་འདས་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གདམས་ངག་ངེས་པར་གཞག་པའི་ལེའུ་སྟེ་གཉིས་པའོ།། །།དེའི་ཚེ་དེའི
90a6 དུས་ན་གང་དག་མི་ཆེན་པོ་རྣམས་ནི་ཡོངས་སུ་གདུང་བ་མེད་པར་ནང་དུ་ཡང་དག་འཇོག་གོ། །བྱིས་པ་རྣམས་ནི་ཡོངས་སུ་གདུང་བར་གྱུར་ཏེ་བློ་ཡ་ཡ་པོར་གྱུར་ཅིང་ཤིན་ཏུ་བློང་ནས་རྟག་པར་རབ་ཏུ་ངུའོ། །འཇིག་རྟེན་པ་ལ་ལ་ནི་ཤི་ལ་ཐུག་པར་གྱུར། ལ་ལ་ནི
90a7 བརྒྱལ་ཅིང་འབོག་པར་གྱུར། ལ་ལ་ནི་ཁམས་ནས་རོ་བམ་པ་བཞིན་དུ་གྱུར་ཏོ། །དེ་བཞིན་དུ་ཐམས་ཅད་ཀུ་ཅོ་མང་པོ་ཕ་ཤི་བ་བཞིན་དུ་ཀྱི་ཧུད་ཀྱི་ཧུད་ཞེས་གདུང་བའི་སྒྲ་སྒྲོགས་སོ། །ལྷ་དང་བཅས་པའི་འཇིག་རྟེན་ཡང་སྣོད་ནི་ཡིད་དུ་མི་འོང་བར་གྱུར་ཏོ། །བཅུད
iiif viewer powered by OpenSeadragon
