| e-texts navigator |
| Wylie |
89b1 པ་ཚིག་གསུམ་པོ། །གདམས་ངག་ལུང་དུ་མ་བཞག་ན། །བློ་ཆུང་མུན་པས་རྨོངས་བ་རྣམས། །ངེས་པའི་བློ་གྲོས་གང་ལ་གཞག་།རྣམ་པར་ཐར་པའི་ཐེག་པ་གསུམ། །གང་བསྡུ་གང་ལ་གང་གིས་བསྡུ། །འཇིག་རྟེན་གསལ་བའི་ཉི་ནུབ་ན། །སྒྲོན་མ་གང
89b2 གིས་མཛད་པར་འགྱུར། །བསྟན་པ་འཇིག་པའི་ལོག་སྡེ་པ། །རྒོལ་བ་གང་གིས་ཚར་གཅོད་འགྱུར། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིག་པ་འཛིན་པ་ཆེན་པོ་ལེགས་སོ། །ཁྱོད་ཀྱིས་དྲི་བ་ལྔ་དྲིས་པ་ནི་ཤིན་ཏུ་ལེགས
89b3 སོ། །འདི་ལྟ་སྟེ། དེ་ཁོ་ན་ཉིད་དུ་ངེས་པའི་ཐེག་པ་ཆེན་པོ་སྟེ། གནས་སྐབས་གཉིས་དང་བཅུར་འབྱུང་བ་སྟེ། གང་རྨོངས་གདུང་བ་སེལ་བ་ན་ཡང་འབྱུང་། གང་འཇིག་རྟེན་གྱི་སྒྲོན་མ་ཡོངས་སུ་བཀོད་པ་ན་ཡང་འབྱུང་། གང་གིས་ངེས་པ་རྙེད་པ་ན་ཡང་འབྱུང་།
89b4 སྙིང་པོ་བྱང་ཆུབ་ཉིད་དུ་ངེས་པ་ན་ཡང་འབྱུང་། དགོངས་པ་ངེས་པར་འགྲེལ་བ་ན་ཡང་འབྱུང་། གདུལ་བྱའི་སྐབས་ལ་བབ་པའི་ཆེད་ན་ཡང་འབྱུང་། བྱིན་གྱི་བརླབས་ལས་སྣང་བ་ན་ཡང་འབྱུང་། བརྒྱུད་པ་ཐབས་ཀྱིས་གྲགས་པ་ན་ཡང་འབྱུང་། གང་གི་ཆེད་དུ་མཛད་པ
89b5 ན་ཡང་འབྱུང་། ལུང་ཆེན་ངེས་པར་བསྟན་པ་ན་ཡང་འབྱུང་། ལས་རྒྱུད་ཡོངས་སུ་གཅོད་པ་ན་ཡང་འབྱུང་། དགོངས་པ་རྣམ་པར་བགྲོ་བ་ན་ཡང་འབྱུང་། དེ་དག་ནི་ཐམས་ཅད་ཀྱི་ཐམས་ཅད་ནས་ཐམས་ཅད་དུ་ཀུན་དུ་ཡོངས་སུ་རྣམ་པར་སྣང་ངོ་། །སྣང་བར་འགྱུར་ཏོ། །
89b6 སྣང་བར་འགྱུར་རོ་ཞེས་བཀའ་སྩལ་པས་དྲི་བ་དང་པོའི་ཡོངས་སུ་རྟོག་པ་ཆད་དོ། །དེ་ནས་ཡང་སྟོན་པས་དྲི་བ་གཉིས་པ་བཀའ་སྩལ་པ། རིག་པ་འཛིན་པ་ཆེན་པོ་བློ་དང་ལྡན་པར་བྱའོ། །གྲོས་ཀྱིས་ཆོད་པར་བྱའོ། །ཐབས་ཀྱིས་ཟིན་པར་བྱའོ། །བསམ་པ་དག་པར་བྱའོ། །
89b7 བརྗོད་པ་དྲང་པོར་བྱའོ། །སྤྱོད་པ་ལེགས་པར་བྱའོ། །དོན་བཙལ་བར་བྱའོ། །དགོས་ཆེད་བརྟག་པར་བྱའོ། །ངེས་པ་རྙེད་པར་བྱའོ། །བདེན་པར་སྨྲ་བར་བྱའོ། །ཚིག་མི་འགྱུར་བར་བྱའོ། །ཇི་སྐད་སྨྲས་པ་བཞིན་དུ་བྱའོ། །སྒོ་གསུམ་ལ་མཁས་པར་བྱའོ། །སྔགས
iiif viewer powered by OpenSeadragon
