| e-texts navigator |
| Wylie |
82b1 རྒྱལ་པོ་ཡིས། །མ་བཅོས་སེམས་ཀྱི་འཁོར་ལ་ལུང་ཕོག་པ། །མ་ལུས་སྐྱེ་མེད་རྟོགས་པའི་རྣལ་འབྱོར་པ། །རང་བཞིན་བཅུ་ལས་རྩོལ་བར་མ་བྱེད་ཅིག་།ཀུན་བྱེད་བྱང་ཆུབ་སེམས་ཀྱི་རང་བཞིན་ལ། །ཤེས་པས་གཟུང་འཛིན་མི་ཤེས་སྤང་མེད་པས། །
82b2 རྟོགས་པ་དབང་སྒྱུར་དོན་ལ་གནས་པ་ཡིས། །ཀུན་བྱེད་རྒྱལ་པོའི་དགོངས་པ་ལྷུན་གྱིས་གྲུབ། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ལྷུན་གྲུབ་རེ་དོགས་བཅད་པའི་ལེའུ་སྟེ་བརྒྱད་ཅུ་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད
82b3 རྒྱལ་པོ་ལ་སེམས་དཔའ་རྡོ་རྗེས་འདི་སྐད་ཅེས་ཞུས་སོ། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ལགས། །ཇི་ལྟར་སྣང་བའི་ཆོས་ནི་ཁྱོད་ཀྱིས་བྱས། །བསྟན་པའི་དམ་ཆོས་མ་ལུས་ཁྱོད་ཀྱིས་བཀོད། །དམ་པའི་རང་བཞིན་ཁྱོད་ཀྱིས་བསྟན་པས་ན། །ཁྱོད་ཀྱི་རང་བཞིན
82b4 རྟོགས་ན་ཆོས་ཀུན་རྟོགས། །དེ་བས་ཀུན་བྱེད་ཉིད་ཀྱི་རང་བཞིན་འདི། །འདུས་པའི་ཚོགས་ཀྱིས་གསལ་བར་མ་རིག་པས། །དོན་དུ་ཇི་ལྟར་གནས་པ་བཤད་དུ་གསོལ། །ཞེས་ཞུས་སོ། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་མདོ་ལུང་རྒྱུད་ལ་བསྡུ་བ་འདི
82b5 གསུངས་སོ། །ཀྱེ་སེམས་དཔའ་རྡོ་རྗེ་ལེགས་པར་ནན་ཏན་གྱིས། །སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །འཁོར་ལ་མདོ་ལུང་བསྡུས་པ་འདི་ཕོག་པ། །ལེགས་པར་བསྟན་པའི་དོན་ལ་ནན་ཏན་གྱིས། །ཀྱེ་ང་ཡི་རང་བཞིན་སྐྱེ་མེད་དོན་གཅིག་ལ། །རྒྱུད་ཀྱི
82b6 རང་བཞིན་རྣམ་པ་གསུམ་དུ་བསྟན། །གདམས་པ་རྣམ་པ་གསུམ་གྱི་རིམ་པ་ཡིས། །རྒྱུད་ནི་རྩ་བའི་རྒྱུད་དང་ཕྱི་མ་དང་། །ཕྱི་མའི་ཕྱི་མས་དོན་རྫོགས་བསྟན་པ་ཡིན། །ཀྱེ་རྩ་བ་ཐོས་པའི་རང་བཞིན་བསྟན་པ་ནི། །ང་ཡི་རང་བཞིན་ལྔ་བཅུ་རྩ་བདུན་གྱིས། །
82b7 དངོས་པོའི་དོན་ཀུན་གཏན་ལ་ཕབ་པ་སྟེ། །སེམས་དཔའ་རྡོ་རྗེས་ལེགས་པར་ནན་ཏན་གྱིས། །ཀྱེ་ང་ཡི་རང་བཞིན་ལྔ་བཅུ་རྩ་བདུན་ནི། །མངོན་དུ་ཕྱུང་བའི་མདོ་ལུང་བཅུ་བོ་དང་། །ངེས་པར་བསྟན་པའི་མདོ་ལུང་བཅུ་པོ་དང་། །རྒྱུ་འབྲས་འདས་པའི་མདོ་ལུང་བཅུ
iiif viewer powered by OpenSeadragon
