| e-texts navigator |
| Wylie |
76a1 གྱི་སྙིང་པོ་ལ། །བསྒོམ་དང་མི་སྒོམ་མཁའ་ལ་རྩོད་པ་འདྲ། །རྟོགས་པའི་དོན་ལས་མ་ཡེངས་དགོངས་པ་སྟེ། །དངོས་པོ་མ་ཡིན་དངོས་པོ་མེད་མ་ཡིན། །ཕྱོགས་མིན་ཕྱོགས་ལས་འདས་པ་མ་ཡིན་པར། །བསྒོམ་དང་མི་སྒོམ་ཕྱོགས་ལ
76a2 གནས་མི་བྱེད། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ངས། །བསྒོམ་དང་མི་སྒོམ་མཚོན་པར་མི་ནུས་ལྟར། །སྙིང་པོ་དོན་ལ་གནས་པའི་རྣལ་འབྱོར་དང་། །སེམས་དཔའ་རྡོ་རྗེ་དེ་ལ་གནས་པར་བྱ། །ཀྱེ་དུས་གསུམ་སྟོན་པ་ཀུན་བྱེད་རྒྱལ་པོ་ཡིས། །སྐྱེ་མེད
76a3 བྱང་ཆུབ་སེམས་ཀྱི་དགོངས་པ་ལ། །མིང་དང་ཐ་སྙད་ཚིག་ཏུ་འདིའོ་ཞེས། །མ་བསྟན་མི་སྟོན་བསྟན་པར་མི་མཛད་དོ། །ལྟ་བ་བསྒོམ་དུ་མེད་པར་དོན་རྟོགས་ན། །བསྒོམ་དང་མི་སྒོམ་རེས་འཇོག་ལོག་པའི་ལམ། །དམ་པའི་དགོངས་པ་སྐྱེ་མེད་ཐུགས་ཆུད་ན། །
76a4 དམ་པ་དེ་ལ་ལོག་དང་མ་ལོག་མེད། །ཀྱེ་ཀུན་བྱེད་རྒྱལ་པོ་ང་ཡིས་ལུང་ཕོག་ལྟར། །མ་བསྒོམས་བསྒོམ་དུ་མེད་པར་རྟོགས་གོམས་ནས། །སྐལ་ལྡན་རྣལ་འབྱོར་གང་ཟག་སུ་ཡང་རུང་། །ཀུན་བྱེད་རྒྱལ་པོ་ཉིད་དུ་ལུང་བསྟན་ཏོ། །ཞེས་གསུངས་སོ། །བྱང
76a5 ཆུབ་ཀྱི་སེམས་ཀུན་བྱེད་རྒྱལ་པོ་ལས། ལྟ་སྒོམ་དབྱེར་མེད་པའི་ལེའུ་སྟེ་བདུན་ཅུ་གཅིག་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་བསྲུང་དུ་མེད་པ་དེ་བཞིན་ཉིད་དུ་གནས་པ་འདི་གསུངས་སོ། །སྟོན་པའི་སྟོན་པ་ཀུན་བྱེད་རྒྱལ་པོ
76a6 ཡིས། །རྣམ་རྟོག་མཚན་མའི་ལམ་ལ་གནས་པའི་བར། །བསྲུང་དང་མི་སྲུང་ཁྱད་པར་གཉིས་མཐོང་བ། །རྩ་བ་ཡན་ལག་བཅས་པ་བསྲུང་བར་བསྟན། །ཀྱེ་ཀུན་བྱེད་ང་ནི་ཡེ་ནས་དེ་བཞིན་ཉིད། །དེ་བཞིན་ཉིད་ལ་གཟུང་འཛིན་མེད་པའི་ཕྱིར། །ཆོས
76a7 རྣམས་དེ་ལྟར་གང་གིས་རྟོགས་པ་ལ། །བསྲུང་དང་མི་སྲུང་འདུ་ཤེས་འཇུག་པ་མེད། །ཀྱེ་ང་ནི་མ་བཅོས་ཀུན་བྱེད་བྱང་ཆུབ་སེམས། །གཉེན་པོ་མི་བསྟན་ཡུལ་ལ་འཇུག་མི་བྱེད། །རང་འབྱུང་ལྷུན་གྲུབ་རིག་པའི་དམ་ཚིག་ལ། །འདའ་ཉམས་མེད་པས་ཆེད
iiif viewer powered by OpenSeadragon
