| e-texts navigator |
| Wylie |
75b1 སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་བསྒོམ་དུ་ཡོད་མེད་བསྟན་པའི་ལེའུ་སྟེ་བདུན་ཅུ་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ལྟ་བ་སྒོམ་མེད་ཀྱི་དགོངས་པ་འདི་གསུངས་སོ། །ཀྱེ་ང་ནི་སྟོན་པ་ཀུན་བྱེད་རྒྱལ་པོ
75b2 སྟེ། །ང་ལས་བྱུང་བའི་སྟོན་པ་སྐུ་གསུམ་གྱིས། །མཚན་མ་རྟོག་པས་འདུལ་བའི་གང་ཟག་ལ། །མཚན་མ་རྟོག་པའི་ཏིང་འཛིན་གྲངས་སུ་བསྟན། །ལ་ལས་ཞི་བའི་ཏིང་འཛིན་སྒོམ་པར་བྱེད། །ལ་ལས་ཟབ་མོའི་ཏིང་འཛིན་སྒོམ་པར་བྱེད། །ལ
75b3 ལས་ཞི་གནས་ལྷག་མཐོང་འབྲེལ་བ་ཡི། །བདག་མེད་ཏིང་ངེ་འཛིན་ལ་གནས་པར་བྱེད། །ལ་ལ་མཚན་མ་དག་པ་ལ་བརྟེན་ནས། །མཚན་མ་རྗེ་དང་འབངས་སུ་དམིགས་པར་བྱེད། །ལ་ལ་ལྟ་སྤྱོད་འབྲེལ་མེད་ལ་བརྟེན་ནས། །འབྲེལ་པའི་ཏིང་ངེ་འཛིན་ལ་གནས
75b4 པར་བྱེད། །ལ་ལ་མཚན་མེད་དོན་ལ་བརྟེན་བྱས་ཤིང་། །མཚན་མའི་ཏིང་ངེ་འཛིན་ལ་གནས་པར་བྱེད། །ལ་ལས་རང་རྒྱུད་དག་པ་ལ་བརྟེན་ནས། །རྣམ་གསུམ་འཕྲོ་འདུའི་དོན་ལ་གནས་པར་བྱེད། །ལ་ལ་རྒྱུ་འབྲས་དག་པ་གཙོར་བྱས་ནས། །འོད་ཀྱི
75b5 ཏིང་ངེ་འཛིན་ལ་གནས་པར་བྱེད། །འདི་དག་མཚན་མ་གྲངས་ཀྱི་ཏིང་འཛིན་ཏེ། །སྟོན་པ་ཀུན་བྱེད་རྒྱལ་པོས་ལུང་མ་བསྟན། །ཀྱེ་སྟོན་པ་ཀུན་བྱེད་ང་ཡིས་ལུང་བསྟན་པ། །མ་ལུས་སྐྱེ་མེད་རྣམ་དག་ཏིང་འཛིན་ཏེ། །བསྒོམ་དང་མི་སྒོམ་རྐྱེན་ལ་རག་མ
75b6 ལུས། །བསྒོམ་བྱ་ཇི་ལྟར་སྣང་བའི་ཆོས་རྣམས་ཀུན། །གང་དུ་ཇི་ལྟར་བཞག་པའི་ཚུལ་མེད་པར། །མ་བཙལ་རང་སར་བཞག་བས་བསྒོམས་པ་ཡིན། །ཀྱེ་བསྒོམ་དུ་མེད་པའི་མན་ངག་འདི་དག་ལ། །ཚིག་དང་སྒྲ་ལས་འདས་པའི་དོན་ཡིན་ཕྱིར། །
75b7 སྔ་རབས་ཀུན་བྱེད་རྒྱལ་པོས་ལུང་མ་བསྟན། །ཕྱི་རབས་ཀུན་བྱེད་རྒྱལ་པོས་ལུང་མི་སྟོན། །ད་ལྟར་ཀུན་བྱེད་རྒྱལ་པོས་ལུང་བསྟན་མེད། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །མ་ནོར་དགོངས་པའི་དོན་ལ་ལུང་བསྟན་པ། །སྒྲོ་སྐུར་འདས་པ་དོན
iiif viewer powered by OpenSeadragon
