| e-texts navigator |
| Wylie |
71a1 པ་འདི་གསུངས་སོ། །ཀྱེ་སེམས་དཔའ་རྡོ་རྗེ་དོན་འདི་ལེགས་པར་རྟོགས། །སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །ས་ལ་སྦྱང་དུ་མེད་པར་བསྟན་པ་ནི། །ཀུན་གྱི་ཡུལ་མིན་བརྟག་པ་རབ་ཏུ་དཀའ། །ཀྱེ་ང་ལས་བྱུང་བའི་སྟོན་པ་སྐུ
71a2 གསུམ་གྱིས། །དམན་པའི་རིམ་པ་བགྲོད་ཅིང་སྦྱངས་པའི་ཕྱིར། །རྣམ་རྟོག་གྲངས་ལ་དགའ་བའི་གང་ཟག་ལ། །ས་ཡི་རྣམ་གྲངས་བཅུ་དང་དྲུག་ཏུ་བསྟན། །བསྟན་པ་དེ་བཞིན་འཁོར་གྱིས་དེ་ལྟར་རྟོགས། །རྣམ་རྟོག་བློ་ཡི་གྲངས་ལ་སྣང་བར་ཟད། །ཀྱེ
71a3 ས་དྲུག་གྲངས་ཀྱི་རང་བཞིན་བསྟན་པ་ནི། །ཀུན་དུ་འོད་དང་རྡོ་རྗེ་འཛིན་པ་དང་། །རྡོ་རྗེ་འཆང་དང་སྟུག་པོ་བཀོད་པ་དང་། །པདྨ་སྤྱན་དང་རྡོ་རྗེ་སེམས་དཔའི་ས། །རིམ་བགྲོད་རྣལ་འབྱོར་དོན་དུ་གསུངས་པ་སྟེ། །ལྷ་དང་ཏིང་འཛིན་ཁྱད་པར་རེ་རེ་གསུངས། །ཀྱེ
71a4 སྟོན་པ་ཀུན་བྱེད་རྒྱལ་པོས་བསྟན་པ། །ཇི་ལྟར་སྣང་བའི་ཆོས་རྣམས་མ་ལུས་པ། །སྐྱེ་མེད་ཆོས་ཀྱི་དབྱིངས་སུ་གཅིག་པའི་ཕྱིར། །ས་ཡི་ཁྱད་པར་མེད་དེ་གཅིག་ཏུ་རྟོགས། །ཀུན་བྱེད་ང་ཡིས་ལམ་སྦྱར་ན། །རྟོག་པའི་ས་ཡི་རྣམ་གྲངས་ཀུན་ཐོབ
71a5 ཀྱང་། །སོ་སོ་རང་གི་རྣམ་རྟོག་སྣང་བ་ལས། །ཀུན་བྱེད་ང་དང་ཕྲད་པར་ལུང་མི་སྟོན། །ཀྱེ་ཀུན་བྱེད་རྒྱལ་པོས་ཡི་རང་བཞིན་ནི། །མ་བཅོས་མ་སྦྱངས་རིག་པས་ལྷུན་རྫོགས་ས། །སྦྱངས་ཤིང་བགྲོད་ཀྱང་དོན་དང་མི་ཕྲད་ཀྱི། །རང་བཞིན་རྟོགས་པས་དུས
71a6 གཅིག་རྫོགས་པར་བྱེད། །ཀྱེ་ཐེག་གཅིག་ཀུན་བྱེད་བྱང་ཆུབ་སེམས་ཀྱིས། །སྐྱེ་མེད་ཁྱབ་པས་རྟོགས་པའི་རང་བཞིན་ནི། །གང་ལྟར་བགྲོད་པ་ནམ་མཁའི་མཐའ་ཚོལ་འདྲ། །མ་བགྲོད་རང་བཞིན་བཞག་པས་གྲོལ་བར་སྟོན། །ཀྱེ་སྟོན་པའི་སྟོན་པ་ཀུན
71a7 བྱེད་རྒྱལ་པོ་ང་། །ས་ཡི་ངོ་བོར་ང་ཉིད་ཤར་བའི་ཕྱིར། །ང་ཡི་ས་ལ་མཐོ་དམན་རིམ་པ་མེད། །ཀུན་བྱེད་ང་ཡིས་འདི་རྟོགས་པར་གྱིས། །ང་ཉིད་ཀུན་གྱི་མདུན་དུ་མངོན་ཕྱུང་ཡང་། །སྐུ་གསུམ་འཁོར་གྱིས་རྣམ་རྟོག་གྲངས་སུ་རྟོགས། །ཀུན་བྱེད
iiif viewer powered by OpenSeadragon
