| e-texts navigator |
| Wylie |
65a1 འདི་ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །གཟུགས་ཀྱི་ཁམས་ཀྱི་ང་རྒྱལ་ཁམས་འདི་ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །གཟུགས་མེད་ཁམས་ཀྱི་ཡིད་ཀྱི་ལུས་འདི་ཡང་། །ཀུན་བྱེད་རྒྱལ་པོ་ཡིན་པར
65a2 རབ་ཏུ་གྲགས། །སྔ་རབས་འདས་པའི་སངས་རྒྱས་ཉིད་ལ་གནས་པ་ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །ད་ལྟར་བཞུགས་པའི་སངས་རྒྱས་དོན་མཛད་ཀྱང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །སླད་ཀྱིས་བྱོན་པའི་ཉིད་ལས་བྱུང་བ
65a3 ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །རྣལ་འབྱོར་རྣམ་བཞི་ཉིད་ལ་ལྟ་བ་ཡང་། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །སྣང་སྲིད་སྣོད་བཅུད་འབྱུང་བ་ལྔ་བསྡུས་པ། །ཀུན་བྱེད་རྒྱལ་པོ་ཡིན་པར་རབ་ཏུ་གྲགས། །ཀུན་བྱེད་རྒྱལ་པོ་ལས་ནི
65a4 མ་གཏོགས་པ། །སངས་རྒྱས་སེམས་ཅན་སྣང་སྲིད་སྣོད་བཅུད་དང་། །ཆོས་སུ་གྲགས་པས་བསྡུས་པ་ཐམས་ཅད་ལ། །ཀུན་བྱེད་རྒྱལ་པོ་ལས་ནི་གཞན་མི་སྣང་། །ཞེས་སེམས་དཔའ་རྡོ་རྗེས་བསྒྲགས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སེམས་དཔའ
65a5 རྡོ་རྗེས་ཀུན་བྱེད་ཀྱི་རང་བཞིན་རྟོགས་པའི་སྒོ་ནས་བསྒྲགས་པའི་ལེའུ་སྟེ་ང་དྲུག་པའོ། ། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སེམས་དཔའ་རྡོ་རྗེ་ལ་བསྟན་པ་གཏད་པའི་ལེའུ་འདི་གསུངས་སོ། །ཀྱེ་སེམས་དཔའ་རྡོ་རྗེ་འདི་ཟུང་ཤིག་།ཁྱོད
65a6 ནི་རང་འབྱུང་ཡེ་ཤེས་ཏེ། །ཁྱོད་ནི་ང་ཡིས་སྙིང་པོ་འབྱུང་། །ང་ཡི་རང་བཞིན་འདི་ཟུང་ཤིག་།ང་ཡི་རང་བཞིན་རྣམ་གསུམ་ལས། །སྐུ་གསུམ་སྟོན་པ་བྱུང་བ་ཡང་། །དེ་ཡི་རང་བཞིན་ཁྱོད་ཀྱིས་ཟུང་། །དེ་ཡི་བསྟན་པ་རྣམ་གསུམ་ཡང་། །བསྟན་པ་སྨྲ་བའི
65a7 སེང་གེ་གྱིས། །དུས་གནས་འཁོར་ལ་སོགས་པ་ཡང་། །ཉིད་ཀྱིས་བྱས་པར་ལུང་སྟོན་ཅིག་།ཀུན་བྱེད་ང་ཡི་རང་བཞིན་ནམ། །ཀུན་བྱེད་ང་ཡི་མཚན་བཤད་བཞིན། །ཁྱོད་ཀྱིས་ང་ཡི་རང་བཞིན་ཟུང་། །ང་ནི་ཀུན་གྱི་རང་བཞིན་ཡིན། །སངས་རྒྱས་མེས
iiif viewer powered by OpenSeadragon
