| e-texts navigator |
| Wylie |
5a1 ཉིད་དུ་ཡེ་ནས་རྒྱལ་བར་བྱེད། །ཐམས་ཅད་དེ་བཞིན་ཉིད་དུ་གཅིག་པ་ལ། །ཡིན་མིན་སྒྲོ་སྐུར་འདེབས་ལ་ཕྲག་དོག་བྱེད། །བགྲོད་དུ་མེད་པའི་ལམ་ལྔ་བསྟན་པ་ཡིན། །ཀྱེ་སེམས་དཔའ་ཆེན་པོ་ཉོན་ཅིག་།ཇི་ལྟར་སྣང་བའི་ཆོས
5a2 རྣམས་ཐམས་ཅད་ཀུན། །རང་འབྱུང་ཡེ་ཤེས་ལམ་ལྔ་འདི་ལས་བྱུང་། །འདོད་པའི་ཁམས་ཀྱང་རང་འབྱུང་ཡེ་ཤེས་ཡིན། །གཟུགས་ཀྱི་ཁམས་ཀྱང་རང་འབྱུང་ཡེ་ཤེས་ཡིན། །གཟུགས་མེད་ཁམས་ཀྱང་རང་འབྱུང་ཡེ་ཤེས་ཡིན། །ཀུན་བྱེད་རྒྱལ་པོ
5a3 ང་ཡིས་བྱས་པའི་ཕྱིར། །ངས་བྱས་ཐམས་ཅད་ཡེ་ཤེས་ངོ་བོར་བཤད། །ཁམས་གསུམ་སེམས་ཅན་རྒྱུད་དྲུག་ཐམས་ཅད་ཀུན། །རང་འབྱུང་ཡེ་ཤེས་མིན་པར་ངས་མ་བཤད། །དེ་ལས་མ་གཏོགས་པ་ཡི་བྱང་ཆུབ་སེམས། །སངས་རྒྱས་ཀུན་གྱི་མེས
5a4 པོ་ངས་མ་བཤད། །ཀུན་བྱེད་རྒྱལ་པོ་ང་ཡི་རང་བཞིན་ལ། །ཆོས་ཉིད་རྣམ་པ་གསུམ་དུ་བསྟན་པ་སྟེ། །མ་སྐྱེས་པ་ཡི་ཆོས་ཉིད་དངོས་མི་སྣང་། །དེ་ནི་གཟུགས་མེད་ཁམས་སུ་བསྟན་པ་ཡིན། །སྐྱེ་བའི་ཆོ་འཕྲུལ་གཟུགས་སུ་སྣང་བ་ནི། །དེ་ནི་གཟུགས་ཀྱི
5a5 ཁམས་སུ་བསྟན་པ་ཡིན། །ཐུགས་རྗེ་ཡེ་ཤེས་ངོ་བོ་མངོན་ཕྱུང་ནས། །བདེ་སྡུག་ལས་དེ་ཐུགས་རྗེས་ཟད་བྱའི་ཕྱིར། །འདོད་པའི་ཁམས་ནི་ཐུགས་རྗེས་ཕྱུང་བ་ཡིན། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཐམས་ཅད་ཀུན
5a6 བྱེད་རྒྱལ་པོས་བྱས་པ་ལས་ཇི་ལྟར་བྱུང་བའི་ཁུངས་བསྟན་པའི་ལེའུ་སྟེ་གསུམ་པའོ། ། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་རང་བཞིན་མཚན་གྱི་ཆོས་བཤད་པ་འདི་གསུངས་སོ། །ཀྱེ་སེམས་དཔའ་ཆེན་པོ་རྡོ་རྗེ་ཁྱོད་ཉོན་ཅིག་།ང་ནི
5a7 ཡེ་ནས་རང་འབྱུང་ཡེ་ཤེས་ཏེ། །ང་ནི་ཡེ་ནས་ཆོས་ཀུན་སྙིང་པོ་ཡིན། །ང་ནི་ཀུན་བྱེད་རྒྱལ་པོ་བྱང་ཆུབ་སེམས། །ང་ཡི་མཚན་འདི་སེམས་དཔའ་རྟོགས་པར་གྱིས། །ང་ཡི་མཚན་འདི་སེམས་དཔས་རྟོགས་འགྱུར་ན། །ཆོས་རྣམས་ཐམས་ཅད་མ་ལུས་རྟོགས
iiif viewer powered by OpenSeadragon
